2020-11-12 14:55:06
((زَر دانه)
گونم یه زَر دانه مُویَم خرج فقیرانه مویم
َسردِ ِگلِ بِن هابونُم تِریکِ وی خانه مویم
گِل داکَنِن می جانه سر رایه هوایی نِدَرُم
سیاهی بن بی دَس و پا همدم مورانه مویم
آو غذایی نِدَرُم نور و نوایی ندرم
روشنی دل سر در هَرُم خنده جانانه مویم
این همه بینوایی مِن خوشه زنم راس هابونم
سر کشنم به آسمان راس هابا وی شانه مویم
سوجونِ آفتابِ خارُم تِشنا بونوم دَم نَزَنُم
باد مره چرخ هَدَنه زُلف که خاره شانه مویم
وقتی بَرِس بَرِس بابام می عطر و بو دشت هَکَنه
اِزبیل سر سیفا بونوم وی هَمره بیگانه مویم
یه دانه بام هزار بابام خُراکِ مرغِزار بابام
دوکانِ سر علافِ دس هِی خاره پیمانه مویم
اَسیهِ سِنگِ بِن شونم خُرد هابونم ناله زنم
می رنگ رو سفید بونِ چون نورو دیوانه مویم
شاطردَس اِسیر بونم آو خارم خِمیر بونم
کَسن تَک رِدیف بونم اون که بونه چانه مویم
خُراک دسِ نانوا وِشنا شِکمِ آشنا
ََشگِردِ نانوایی دَس چوخارِ َوردا نه مویَم
سختی هَله دَس اَخِره سُرخِ تُنور بَرَبَره
جانِ دَنم نان وَکَنُم برکتِ تی خانه مویم
اربابه سفره سر نُوگو نامُ نشانی نِدَرم
َفقیرِ سفره سلطانُم رِفاقِ مُرغانه مویم
تو هم بیهَ دانه وکی خُراک هر خانه وَکی
سیر هاکن وِشنا شانِ یار فقیرانه مویم
* محمود کاظمی *
@sheylanramsar
371 views11:55
گ
