Get Mystery Box with random crypto!

محمد عطية - الآسك

لوگوی کانال تلگرام aboans08 — محمد عطية - الآسك م
لوگوی کانال تلگرام aboans08 — محمد عطية - الآسك
آدرس کانال: @aboans08
دسته بندی ها: وبلاگ ها , توصیه ها
زبان: فارسی
مشترکین: 27.57K
توضیحات از کانال

هذه الصفحة ليست رسمية عن الشيخ محمد عطية وهو ليس مشرفاً عليها، هذه الصفحة أنشئت بمحبة منا للشيخ .

Ratings & Reviews

3.00

3 reviews

Reviews can be left only by registered users. All reviews are moderated by admins.

5 stars

1

4 stars

0

3 stars

0

2 stars

2

1 stars

0


R
ReemShi

لو سمحت هو انا ينفع اشغل موسيقى او اغاني ليها رقص معين للتخسيس لان انا جربت الطريقة دي اسبوع و خسيت فعلا فرق جامد بس حسيت بالذنب الصراحة و خايفة


آخرین پیام ها 41

2021-03-12 22:48:25 عرفت ان والدى تزوج و عنده بنت , اعمل اييه !

ج/ ولا كأنك عرفت حاجة !

ما دام كويس معاكم ومش مقصر في حاجة = يبقى خلاص .. هو ما عملش عيب ولا حرام ..

معلش مقدر غيرتك وزعلك عشان ماما .. لكن الأمر بسيط بشوية حكمة وتغافل بإذن الله.
335 views19:48
باز کردن / نظر دهید
2021-03-12 22:47:32 بفكر أنتحر ، مخنوقه أوى ومعنتش قادره أستحمل قرييه من ربنا الحمد لله بس الهم والغم والمشاكل مبيخلصوش

ج/ والوضوء بين يديك .. والقبلة أمامك ..ومالك الملك يسمع نجواك !

هي دنيا .. مش جنة ..

هي دنيا وهتعدي بكل ما فيها .. والراحة هناك.
328 views19:47
باز کردن / نظر دهید
2021-03-12 22:46:23 عزاء لمن فقد أمه وفقد روحه معها..

ج/ الحمد لله أن هناك جنة نطمع أن نلقى فيها من نحب !

اعمل للحظة سيسرها فيها لقياك .. وتكون ثقلا في ميزانها.
355 views19:46
باز کردن / نظر دهید
2021-03-12 22:45:12 ما هي أكثر الأشياء التي تساعدك على الاسترخاء؟

ج/ الوضوء !
315 views19:45
باز کردن / نظر دهید
2021-03-12 22:43:20 هذا العالم موجع جداً..!! انصحني

ج/ الراحة في الجنة !

ولابد أن تمضي أيام هذا العالم.
341 views19:43
باز کردن / نظر دهید
2021-03-12 22:42:13 لماذا يكره المصريين الفلسطينيين؟؟ مع اننا نحبكم!

ج/ مين قال كده ؟!

فلسطين في القلب .. وقضيتنا الأساسية .. وشعبها أهل وجيران .. هم منا ونحن منهم ..

وكل شعوب الدنيا فيها الصالح والطالح.
333 views19:42
باز کردن / نظر دهید
2021-03-12 22:37:28 ليس معنى الحديث المتكرر عن ضوابط فترة الخطبة والتزام حدودها = أن يتحول الأمر لـ (وسواس) عند الأخوات تحديدا !

وأجد كثيرا منهن فيما يعرض من مشاكل واستفسارات بدلا من فرحتها بنعمة الله في (خطيبها) ترى الأمر اختبارا لثباتها أمام هذا (المتسلل) لقلعة دينها، وبالتالي فلا بد من أن تلبس له لأمة الحرب، وتشهر في وجهه سيف الردع، وتقيم على قلبها حارسا شرسا ضد أي نبضة شاردة تجعلها (والعياذ بالله) قد تميل له أو تعجب به .. ولتحد لسانها جافا غليظا؛ عقابا له على جرأته أن اختارها لتكون زوجة له !

يا هداكن الله .. ليس الأمر كما تفعلن ..

لنتفق ابتداء أن الرجل (غالبا) يكون أضعف أمام الحدود؛ ليس بالضرورة لنقص في دينه أو عفته .. ولكن لأن (حالته صعبة) وما صدق أن تكون في حياته بعد الجفاف الذي سبب له (قشفا عاطفيا) تاء مربوطة تصبغ حياته بألوان أخرى .. جديدة جميلة ..

أسئلة خائفة مرتعشة متوجسة:
- يا شيخ الحقني ده قالي (بحبك) !
- خطيبي كويس جدا وبدأت أتعلق به أوي .. وخايفة من كده !
- مش عارفة أعمل ايه .. بقالنا أسبوعين ما اتكلمناش وقالي: (وحشتيني) .. -- طب وعملت ايه ؟! .. - قفلت السكة في وشه !
- هو بيصلي وعلى خلق وكويس جدا .. بس بيقولي يعني ما تبعتيش رسالة حتى تدعيلي في الامتحانات، أو تطمني علي بعد السفر .. وأنا كنت فعلا هعمل كده .. بس خايفة ليكون حرام !

إلى غير ذلك مما يكشف خللا شنيعا في تصور الأمور ..

ما هو لما نقول (الفتح على البحري) لا يجوز الآن = يبقى ما تقفلوش الأبواب والشبابيك وتفصلوا الكهربا لغاية ما يموت الأمل مختنقا .. محترقا !

أيوه الأمل ..

الأمل هو غاية ما يجب أن تسعوا لتحقيقه في هذه المرحلة ..

الأمل من ناحيتها في أنها وجدت فيه الأمان الذي يظلها بقية حياتها، والأمل من ناحيته في أن يرى فيها السند الذي سيشتد به ظهره أمام تقلبات الحياة !

هذا الأمل إن انعدم بسبب التعقيد بالوسواس أو البرود المبالغ فيه أو انعدام الاهتمام = لم يعد لاستمرار العلاقة معنى ولا مبرر ..
فارق كبير بين التزام الحدود .. وبين التعذر بالحدود لستر خلل نفسي وغباء اجتماعي !

يا أختنا ..

- لو أحببتيه فاحمدي الله كثيرا .. ولا تقاومي قلبك .. وربّي هذه المشاعر واحفظيها الآن .. حتى تصير دفئا يرافقكما إلى آخر المشوار ..
من يقول لك: وكيف تحبينه وقد لا يتم الأمر فتتعذبين = يلزمه أيضا أن ينهى الزوجة عن الاستغراق في حب زوجها؛ فهو قد يموت وقد يطلقها .. المشاعر لا نملكها ولا ينبغي أن نخافها ما دامت في إطار مشروع.

- لو اعترف هو لك = فإياك والتشنج والردود العنيفة؛ خوفا من الحرمان بسبب الذنوب ورجاء البركة (إلى آخر هذه الاسطوانة الباردة التي توضع في غير موضعها) .. بل احمدي الله (في صمت) .. وأخبريه أن دع كل شيء لوقته، وسيكون الخير ..
نعم .. ليكن هذا شعارك اللطيف: "دع كل شيء لوقته" .. فهذا يبرر دوما عدم تجاوبك (الذي نؤكد عليه هنا)، ويعد بشيء جميل محفوظ في موضعه ..
ودعي عينه ساعتها تلمع بالأمل !

يا شباب الدنيا أبسط كثير مما تحبسون أنفسكم فيه .. إنكم بشر تحملون قلوبا .. لا حواسب تعمل بمعادلات برمجية .. ويبقى الموفق دوما من سلمت فطرته، وصحت له النية.
352 views19:37
باز کردن / نظر دهید
2021-03-12 22:37:25 السؤال المتكرر..جدا.. :

ما حدود العلاقة بيننا في فترة الخطوبة ؟!

بين (اللي محبكنها لدرجة التعقيد) و (اللي فاتحينها على البحري)..تبقى الخطوبة = وعد بالزواج..

يعني مجرد اثنين أجنبيين عن بعض..بينهما وعد بالزواج..ما ينفعش فيه خلوة كاملة..وغيره مما لا أحب تفصيله..

وفي نفس الوقت ما ينفعش نقول خلينا بعيد، ولما نتجوز نبقى نستكشف بعض..ونقرر نكمل ولا لأ !

الزواج عشان يتم لازم يكونوا وصلوا لدرجة (طبعا مش كاملة تماما؛ لأن قفل باب البيت على روحين لازم فيه مفاجآت سارة..وأخرى ليست كذلك..لكن ما دمنا مقتنعين ببعض فلازم بنوصل لنقاط التقاء) من التفاهم والاطمئنان إن ده الرفيق المناسب..ودي الرفيقة المناسبة لمشوار العمر..

طيب ده كله معروف ومفهوم..لكن نتعامل ازاي ؟!

خلينا واقعيين..

صاحبنا ما صدق طبعا إن صار له (تاء مربوطة) في حياته..مسموح له يتكلم معاها وتنتسب له ولو بمجرد (دبلة)..

وأختنا متحرجة جدا من جرأته واستعجاله (غالبا)، وحيرانة بين رغبتها في عدم التجاوز وحرصها على رضا ربنا، والفكرة السلبية اللي ممكن ياخدها عنها..
(وأحيانا الوضع ده بيكون معكوس) !!

شوف يا عريس: الحب تقدر توصله بألف طريقة ليس من ضمنها التصريح..مهمتك هي بناء معنى (الأمان) بداخلها في هذه الفترة..
نقاش ودود ومتحفظ..ورجولة بتغمرها في حفاظك عليها..وترك كل شيء لوقته..
بتكون أمور لا تُنسى لك بعد !

يا عروسة: الحب برضه هيحسه هو بدون تصريح ومخالفة، وبدون ما تلعبي دور (خفر السواحل) اللي بيجيب نتايج عكسية كتير..دورك هو بناء معنى (الاحتواء) في سماعك وردودك وعرضك حتى لآرائك التي قد تخالفينه فيها..
مش مطلوب منك تكوني نسخة منه..ولا مسموح لك تتنازلي عن حدود المرحلة..مطلوب تحيي بداخله فقط أمل التطلع للمرحلة القادمة !

ونصيحتي: لو وصلتِ معاه للأمان..ووصلت معاها للاحتواء الصادق = عجلوا بالعقد..وعجلوا بالبناء بعده..
طول الفترة دي سواء خطوبة أو عقد (رغم جمال ذكرياتها) مش كويس غالبا..لأن المشاكل فيها بتتشعب، وبيتدخلوا أطراف ممكن جدا يفسدوا كل حاجة..ويضيعوكم من بعض..
عافاكم الله !

ألف مبارك مقدما..وربنا يتمم بخير :))
347 views19:37
باز کردن / نظر دهید
2021-03-12 22:35:26 هو فعلا بجد البنات لو بعدت عن كل الكلام الفاضي والحب والاعجاب دا وصانت نفسها هيجلها احلى واحد يخاف عليها وياخد بيها للجنه!

ج/ مش شرط !!

عشان نبقى واقعيين .. احنا بنعمل الطاعة وعارفين إننا لا نستحق على الله شيئا ..

ممكن يكون ابتلاؤك اللي هتدخل به الجنة = في حرمانك من أعز ما تريد !

لكن ربنا لطيف وحكيم .. بيقطع من هنا، ويوصل من هنا.
339 views19:35
باز کردن / نظر دهید
2021-03-12 22:34:07 كل ما بتوب من ذنب معين واندم وأقول مش هعمله تانى للاسف برجعله واندم عليه ومش عارفه اعمل ايه؟

ج/ توبي .. وكلما أذنبت = فتوبي .. هذه مهمة لا تنتهي.
375 views19:34
باز کردن / نظر دهید