2023-07-06 12:17:28
تعالوا نسوي زيارة لطبيب الاطفال
و الشكوى هي ( ما ياكل ) ( شهيته ضعيفه ) ( ما يحب الاكل )
نبدي اول شي نجيك النقاط التاليه من بعد ما فحصنا ان الطول و الوزن طبيعي
1. هل الطفل مريض ؟
يعني عنده التهاب امعاء
التهاب اذن
التهاب لثه
تسنين !
و هنا مجرد ننتظر الوقت و راح تعدي الأمور
2. ماكو جبس و لا نستله و لا عصير و لا بيبسي بيومه؟
اذا اكو نقطعها و نشوف شون راح يتحسن
3. التسوس ممكن يسد الشهيه لان الاكل ياذي السن و بالتالي تقل شهيته
4. هل انت منظمه الاكل لطفلك ؟
يعني ما يكعد بال ١٢ ظهرا و هو وكت غدا و نفسه وكت فطور !
الطفل اللي يكعد بال ١٢ تكون فاتته وجبتين اللي هي الفطور و ما قبل الغداء
اذا ما منظمه اوقات الطفل ما راح يتنظم فطوره
5. هل جدول نومه منظم؟
اي طبعا
ما اللي ينام متأخر طبعا راح تنسد نفسه
و اللي يكعد بال ١١ او ١٢ اكيد ما يعرف نهاره من ليله من فطوره إلى غداه او عشاه
6. هل تقضين وقت باللعب مع طفلك لو إنت و طفلك تتفرجين تلفزيون و من يجي وكت الاكل تعال اكل
ليش زين؟
لان الطفل يريد اهتمام و من ما يشوفك مهتمه بيه اكيد راح يرفض الاكل حتى تهتمين بيه اكثر
7. الاطفال المراهقين يحبون العناد جدا و جدا و جدا لذلك من الطبيعي انه يعاندك حتى يحصل اللي يريده
عادي عنده يكولك اني ما اقرا الا تجيبون بيتزا
و ما اكل الا تجيبون فلان شي
و الفشل يصير لما تجيب لطفلك و تخضع لشروطه
فببساطه أرفض لان صحتهم اهم
و هنا نحتاج لاعاده تعديل سلوك للطفل و استشاره طبيب نفسي او مستشار نفسي لتعديل سلوك الطفل
8. نعيد النقطه رقم 2
ماكو جبس ابد ؟
ماكو نستله ؟
ماكو بيبسي ؟
ماكو فرط بالحليب ؟
اللي هي راح تسد شهيته سد
احنا ما نكول حرمان شامل بس مره أسبوعيا اكثر من كافيه
9. فكره انه الفطور يوميه غني بالسكر يسد الشهيه مثلا فطور عباره عن بسكت و شاي او فطور غني بالكيك و السكريات
ما هي البدايه ساده نفسه
10. هل ام و الاب انتقائيين؟
ممكن الطفل ما ياكل لان يقلدك كام و اب
و الأم او الاب ما تحب تفطر و تريد الطفل يفطر
ما هو الطفل دا يشوفك اصلا !
و يتعلم منك
11. هل حديث البيت كله عن اكل الطفل و ٢٤ ساعه نكول عنه ما ياكل !
فإذا فعلا هو هيجي فماراح ياكل لان عنده خلفيه انه هو ما ياكل
ما نحجي بموضوع الاكل امام الطفل و لا نبين انه احنا مهتمين
12. هل وقت الطعام ممتع؟
لو مليان مشاكل و عركات؟
اذا وقت الاكل مليان توتر و عياط و صراخ و مشاكل عمر طفلك ما راح ياكل
13. هل تصرخين عليه أثناء الطعام؟ او أحيانا تضربيه؟
هنا راح تنطيه فكره سيئه عن الأكل
و راح يكره الاكل العمر كله
14. مهما بدا التلفزيون يحسن شهيته فهو راح يسيء له بالاخير و راح يحرمه من احساس الجوع و الشبع المهم جدا لتنظيم الطعام
15. هل الاكل يحرمه من اللعب ؟
يعني الطفل دا يلعب و تصيحيه تعال اكل !
ما هو يحب اللعب اكثر من الاكل
و الحل من تشوفيه يلعب كوليله حبيبي فد ربع ساعه و تعال تغدى
د. سيف سمير البياتي اخصائي طب الاطفال
الحلو بالصور عمره 9 اشهر من كروبات ال Baby led weaning
2.2K views09:17
إ
