قصائد حسينية مكتوبه

2021-09-30 17:00:03 قصيدة بحق النبي (ص)

بوية خذني وياك ما احمل بُعد
من مشيت الروح ممرودة مرد
--------------------------------------------
يانظر عيني يســــــباح الكَلب
دمعي من فركَاك مابطل يصب
ماخذتني وياك يا بوية شعجب
تدري بي كَلبي حنين ومو جلد
-------------------------------------------
تدري بي كَلبي حنين اعلى الاهل
والابــــو لو راح الـــمدمع نزل
يا مُحمد چا بعد المــــــــن اظــل
حزني بوية عليك ما شافة احد
---------------------------------------------
حزني بوية عليك ما شافة بشر
الدمع نهران عالوجنة انحــــــدر
من ونيني عليك دلالي انفطــــــر
من رحت لليوم كل ساعة نشد
---------------------------------------------
من رحت لليوم كل ساعة اون
ليل وي نهار ما ابطل الحــــــــزن
وياك يابوي تمــــنيت اندفــــــن
بوية من تغيب ماشــــوفك بعد
----------------------------------------------
بوية من تغيب ما شــــوف الفرح
من الحزن والنـــوح دلالي انجرح
عليك بس بيت الحزن بيتي صبح
كَمت اشوفك كل كتر لاوين اصـد
-----------------------------------------
كَمت اشوفك كل كتر وبكل مچان
بوية يل كلك على كبــــــرك حـنان
اشــهدُ أَن محــــــــــــمد بـــالاذان
تمرد الروح وتــــــفت مني الچـبد
----------------------------------------
تمرد الروح وتفتت مهــــــجتي
بوية يا ذخري بدنيتي وسلوتي
من رحت عني شسوي بدنيــتي
حالي حال الضيم للهم اســــتعد
----------------------------------------------

أسالكم الدعاء رائد الاسدي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-30 12:00:24 أستشهاد الرسول محمد (ص)

بلسم الجان الجروحي
روحه طلعت مدري روحي

مثل النفس عندي رايح وجاي
خنكه بلا محمد حيل دنياي

****

العمري ما فارگته لقرب من خيالي
غمضت عيونه انتهت ذيج الليالي
جنت بسماي اني اشوفه گمر عالي
وهسه حتى بصفي ظل مجانه خالي

بكلبي نار شلون تخمد
كبالي مات اني محمد

اليكفد مثل طه يفكد الراي
خنكه بلا محمد حيل دنياي

****

روحه من طلعت محمد اني شفته
حضنت اوداع الاخو بروحي حضنته
مغمض عيونه وشفت نزلت دمعته
عله فراگي بينت دمعت عشرته

تلاگن ادموعه ونحيبي
وكتله لا ترحل حبيبي

لتخليني وحدي ابقه وياي
خنكه بلا محمد حيل دنياي

****

الشايل الدنيه عله جتافه بعظمته
على جتافي للمگابر اني شلته
من الجنازه جن همسلي ابجي سكته
دمعك اكبال الشماته موش وكته

بعدي يردون الخلافه
وانته صاحب هلكلافه

شماتك يحيدر صاروا هواي
خنكه بلا محمد حيل دنياي

****

من دفنته وأيست ميرد اليه
من گمت اعله الظهر حطيت اديه
واني راجع ناده من گبره عليه
ياعلي هم مر علي وكت المسيه

اني اشتاگ الكعدتك
والگبر يمنع رفگتك

كاسر ظهرك ادري حيل فركاي
خنكه بلا محمد حيل دنياي

****

من بعد ملگه محمد كلشي فرگه
اجدامي ما يمشن يريدن اله رفگه
الملگه ميت والگبر ما عنده ملگه
ودنيه ما بيها محمد حيل خنگه

بدونه ما تحله حياتي
بالترب دافن غلاتي

ما شوفه بعد ليريد ملكاي
خنكه بلا محمد حيل دنياي

****

ابلا محمد راجع امبين مصابي
وفاطمة لاكتني منتظره اعله بابي
وين ابويه اتكلي لتيتم شبابي
وشافت اتراب الگبر بعده بثيابي

نزلت الدمعه بهضيمه
فاطمة صارت يتيمه

شافت من ابوها خالي مكفاي
خنكه بلا محمد حيل دنياي

علي حسين المياحي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-30 00:27:12 علنت الأرض وسمـــــــــــــــــــه احزانها
وبچت عالهـــــــــــــــــادي انسها وجانها
*
اليوم لجـــــــــــــل المصطفى طه الرسول
تنعه وتنوح وتــــــــــــــــــون أهل الأصول
وبدمعها تواسي للزهـــــــــــــــــــره البتول
الغيّرت هــــــــــــــــــــاي المصيبه الوانها
**
اليوم سكــــــــــــــــان السمه وأهل الأرض
تبچي لمصاب النبـــــــــــــــي اصل الفرض
والحزن جاري ويــــــــــــــــه دگات النبض
أوّسمت بأســــــــــــــــــــــــم النبي ابدانها
***
كل شريف اليــــــــــــــــــوم حاضر مأتمه
ايجدد العهده ويــــــــــــــــــه والد فاطمه
لجله ناحـــــــــــــــــــــــت والعزاء اتقدمه
وبالمصيبه اتعـــــــــــــــــــزي كل اكوانها
**
بالمصيبه أنفجعـــــــــــــــت الجن والأنس
والگمر مخســــــــــــوف مكسوفه الشمس
وبقت مهمومـــــــــــــــــه وعليله كل نفس
والمصايــــــــــــــــــــــــــب فتّحت بيبانها
*****
المصايب بدت مـــــــــــــــــــــــن طه رحل
وكشّرت أنيابها وبـــــــــــــــــــــــــلا خجل
ناس هاي العــــــــــــــــــــادت الخير العمل
على مولانــــــــــــــــــــــــه وأصل ايمانها
 ***********
كــــــــشّـــــــــــــــرت انيابها وعلنت عداء
للنبي وآل النبي وأهـــــــــــــــــــــل الوفاء
وحرب علنتها بمكـــــــــــــــــر وبكل دهاء
والخديعه والغــــــــــــــــــــــــدر عنوانها
****
على بيت الزهـــــــــــــــــره أول معتدت
وبحرك بـــــــــــــــــــاب النبي واله بدت
آه چم لوعـــــــــــــــــــه وألم منهم سدت
اليومنه هــــــــــــــــــــــذا توج نيرانها
*******
ما طفت أحقادهــم بعــــــــــــــــــد النبي
أوّرثـــــــــــــــــــت افعالها الكل ناصبي
العاف دينــــــــــــه وصار يتبع الأجنبي
وبــــــــــــــاع نفسه ورخّص الأثمانها
********
من عـــــــــــــزاء المصطفى نطلب طلب
وصوتنه يتوســـــــــــــــــــل ويندب يرب
عجّل بطلعت ابـــــــــــــــــــن سيد العرب
خلّي ينهــــــــــــــــــي الظالمه وأعوانها
 
 



الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-29 20:00:41 الامه حزنانه بفكد هـاديـهـا
طه ابو العتــره النبي وآليها  
* * *
اليوم دين الله أرتفع منـه نحيب
وأمــة الأسلام ألمـها الـمـغـيــب
مغيب سيد الكون هاديها الحبيب
صعـب مـو هيــن غيابــه عليها
* * *
ضجت اركان الديانه بغيبتـــه
ومحزنـــه اليوم برحيله أمتــه
فاجعــه وفجعت يويلي عترتــه
مصابـه صاب العتـره اثر بيه
* * *
حين سافر وارتحل ويه الاجل
دمع من المرتضى عالخد نزل
ومدمع الزهراء عالهادي همل
بحسره وبآه وهضم تجــريها
* * *
خيم أعله الكون هاليوم الحـزن
يكفكف الدمعات كل مسلم يون
بعـده يتحسـر ينـوح وممتـحـن
وحشه أرض الله بفكد منجيهــا
* * *
وحشه ارض الله وحزينه ومظلمه
وكل ملائكة السمه مـتــألـمـــه
بفگد أبو الزهره الزجيه فاطمه
غاب بدر الـدنـيـــه المضــويها
* * *
أثـــر غيابــــه بعترتــه امن انفكد
بعــده توضــح حقد كلمـن حـقـــد
وياحسافه أستوحدوا راعي الشدد
بحادثــه تجرحنـــه مـن نــرويـها
* * *
حادثــه تجرحنه ويطول الحديث
حادثــه محيوكه والمكصد خبيث
بكل وسيله كون يبعدون الوريث
وماجن أصحابــه النبي موصيها
* * *

    الشاعر سلام المشعل

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-29 14:00:08 موشح. لاستشهاد النبي محمد صلى الله عليه وآله وسلم

اليوم ياشيعة رحيل المصطفى
نادت الزهره على الدنيا العفا

فوگ خدها جمر مدمعها نزل
راح سلوتها وشملها والأهل
من اديها راح مهجتها ورحل
ياگلب كله حنان وعاطفة

نواسي ياشيعة الزچيه بالدمع
باللطم والنوح وبچوي الظلع
الفارك المحبوب گلبه ينصدع
وينلچم جرحه اذا هاد وغفه

نواسي باللوعات گلب المرتضى
العمره بعد المصطفى بلوعه گضه
حصد من الناس نكران. وحضه
بدنيا غداره ولاببها وفه

للمسره ايام وي طه گظن
مايرد الشمل ويعود الزمن
يهمل الدمعات وينوح الحسن
وحالة حسين بغيابه مؤسفه

وحال زينب رافگه الهم وألالم
والحزن خيم على الدار وهجم
عفيه دنيا مابعد بيها رحم
وزمن ماينصف على الزهره لفه

الارض حزنانه وسماها السابعه
طيب الملگة الزچيه اتودعه
علزچيه اليوم اصعب فاجعه
بليل ظلت والصبح عنها جفه

الشاعر حسن لعيبي الحريشاوي

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-29 00:10:19 نزله... في رثاء النبي وفاطمه عليهم السلام


فاطمة انواسيها. بالنبي انعزّيــها


بساعة الحضرت وفاته ومتثل هادينـه
كل عـلامـات المصـايـب بيّنت بجبينــه
ودع الزهره الزچيه ويلي غمضت عينه
والزچيــه تصيـح يمّـه بـويـه لتخلّينـــه
شيعه ونوافيها. بالنبي انعزّيـها



ناحـت الأكـوان كلــها للنبـي ولمصابه
مات والزهره الزچيه تبچي دم لغيابه
هيه نـور عيـونه هيه هيه اعـزّ حبـابه
ميّت وتبچي عله جسمه غرّگتها ثيابه
والدمع يچويها. بالنبي انعزّيـها



حيدر بتابـوت شاله بالحـزن واللـوعه
والزچيه تسير خلفه تنحب ومفجوعه
نـزّل المختــار بيــده للـگبـر بـدمــوعه
يشـعـر بدلّاله نـار وتستـعــر بضلـوعـه
ودعت واليها. بالنبي انعزّيـها



عالگبر طاحت تنادي والدي يالغالي
يالرحت عني وعفتني عذّبت دلّالي
يارسول الله حبيبي مادريت بحالي
لا تظن العيش بعـدك والدي يحلالي
تنحب مخلّيها. بالنبي انعزّيـها



من رحـل عنـها ابـوها فاطـمـه ظلمـوها
هجموا عليها العصابه والله ما رحمـوها
دارها دار الرســـالـة بالحطـب حـرگـوها
هيه خلف الباب لاذت فاطمه وعصروها
تنعصر تاليها. بالنبي انعزّيـها



واحنه شيعتها وخدمها للحشر ويّاها
نبقه نذكرها بدمعنـه والله ما ننساها
كل صبـاح وكل مسيــه نلعـن الاذّاها
رابـح الواله الزچيــه خـاسـر العاداها
نفعل اليرضيها. بالنبي انعزّيـها

خادم رسول الله محمد صلى الله عليه واله
الشاعر سيد زيد الفحام


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-28 17:59:07 استشهاد الرسول الكريم ص



وما كان الله ليعذبهم وانت فيهم وما كان الله معذبهم وهم يستغفرون


/////////////

اول امان انـــــــــرفع
للزهره باب انـــــدفع
كسرو ضلع فاطـــــمه
فوگاها حقها انــــمنع


////////////

من رحت شفنه العجايب\\امتك غــــدرت نبيها
بايـــــــعو تحت السقيفه\\ونـــگرو البيعه العليها
تبت يــــداه ابن قحافه\\روع الــــــزهره وبنيها
يمـــنع الزهره ابصلافه\\عالنبي تـــواصل بچيها


شايل جبال الحقـد
گلبه وصبح مستبد
شيخ الفئه الضالمه
فوگاها حقها انمنع


/////////////

ماتت الزهره بحقدهم\\گـــــادو الحامي الحميه
خضبوا شيبه ابصلاته\\وفــجعو احباب الزچيه
بالحقد عدهم وراثه\\والبغض عــــــدهم سجيه
بــاعو الدين ومحمد\\واشـــــــترو هـــــاي الدنيه


ضــنو يطول العمر
للتالي مامش فجر
يطلع يسل صارمه
فوگاها حقها انمنع


/////////

رجعو وزايد حقدهم\\ســـمموا ســـــبط الرساله
ضنو الباري يسامح\\عالارض مامـــــــش عداله
تمادو النوب ابفعلهم\\صــــوبو نــــــعش البساله
لوله وصيته ومحمد\\مابـــــــــــقت وادم حثاله

لكن وصية الحسن
واجــب عليهم لأن
أمام ابــــن فاطمه
فوگاها حقها انمنع

///////////////

التمت اربـــاب السقيفه\\اتــحظر الهاي المصيبه
يـــنذبح بالطف امامي\\والــــحره تـــــبقه غريبه
ما رعو حـق المحمد\\اذبـــحوسبـــطه وحـــبيبه
عل رمــــــح راسه\\ارفوعهاوالچثه ضلت سليبه

سلبو هــــدم الطهر
عاري بهذاك الضهر
والرگبه تگطر دمـه
فـوگاها حقها انمنع

////////////

سلبو أعيال الهواشم\\مــــــن بـــعد عزها ابراري
تمشي والسوط ابمتنها\\من اخس ذيج الضواري
للحشر نار المصيبه\\تـــستعر ما تـــطفه نــــــاري
ياربي عجل ضــــهوره\\واطلــــب الثار ابشعاري

خاطر نــرد الامس
ناخذ بـثار الشمس
هــذا الضلم نهدمه
فوگاها حقها انمنع

\\\\\\
قــليل البـــضاعه
كــثيرالاضـــــاعه
فاضل الغريباوي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-27 19:19:35 بسرعه خلصن * شهر عاشور وصفر
خوفي ترحـل * ياحبيبي المنتظـر
باقي بس يوم الرســول
خايـف غيابــك يطــول
وين اشوفك * وين اشوفك
ــــــــــــــــــــ
مو لساني يخاطبك گلبي الشجي
خاف مــا عيشن بعد عـام اليجـي
لهالسبب جيت اعله بابك ارتجي
اعليك ضـلع الرضّه حافر اعوجي

العشره الاولى * ندري تگضيها لطم
ولذلــــك * كـل محـرم بــي طـعـم
خاف هالنعــمه تـزول
خايف غيابك يطــول
وين اشوفك * وين اشوفك
ـــــــــــــــــــــ
ويوم عاشر ادري بي تشبع الم
انته گايلها دموعك تجـــري دم
گوه بالركضه تشيل انته الجدم
بعده يخنگ بيك دخان الخيــم

وي ركضتك * خطوه خطوه تضل تعد
ومن ضريحه * يصيحلك عبد الله رد
تأخرت يمته الوصول
خايف غيابك يطــول
وين اشوفك * وين اشوفك
ـــــــــــــــــــــ
ثاني عشره اگضيتها تنوح وتــون
نحت من يوم اهدعش لــم الحزن
وندري يوم اثلطعش بي ممتـحن
احضرت وي زين العباد انته الدفن

وبدفنتـــــه * اضــن ايدك حـاضـره
بصلب جدك * وانته تبچي لخنصره
شگد عليه مرّن خيول
خايف غيابك يطــول
وين اشوفك * وين اشوفك
ــــــــــــــــــــــ
ادري ثالث عشــره وين توجهت
بوسط هاي العشره للغرقد رحت
يم گبر زين العبــاد انتـه گصــدت
بس صحن ماكو لعد وين گعــدت

أرد اسألك * لچــن كاتلـنــي القهـــر
گبره طفته * شلون طفت اعله الصخر؟
انته زرته احنه شــنگول
خايف غيــابك يطــــول
وين اشوفك * وين اشوفك
ــــــــــــــــــــــ
اول العشــره بصفـر لمن يهـــل
موعــدك للشــــام لازم تنـــتقل
يم رقيه تفك اديها من الحــبل
زغيره عمتك عالهجر ما تحتمل

و ابو محمد * يوم سابع ليه ترد
وبالمديــنه * للمآتـــم تســتـعد
وهم تمر اعله عالبتول؟
خايف غيابك يطـــول
يمته اشوفك * يمته اشوفك
ـــــــــــــــــــــــ
وترجع وتلگه المواكب تنّصـب
وتبقى عينك بس تباوع عالدرب
باربعــين حسين عمتك من تطب
تضمها بعيونك عن عيون الغــرب

وانته بيدك * تترس الشارع عبــي
حتـــى زيـنب * تنســى ايام السبي
لأن عمتك بت أصول
خايف غيابك يطــول
وين اشوفك * وين اشوفك
ــــــــــــــــــــــــ
بهذن كلهن جفني صاحي وماغــفه
وشمعي ضل يتاني تحضــر ما طفى
دخيل عندك بس وفاة المصطفى
رايـــدك بـــس هالعــــزاء تشــــرّفه

راح اخلي * عيون گلبي مركـّـزه
بلكي اشوفك * لان هذا آخر عزه
الورد ما يحمل ذبـول
خايف غيابك يطـول
وين اشوفك * وين اشوفك
ـــــــــــــــــــــــــــ


الشاعر مهدي التقي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-25 18:41:11 رايه تسبك رايه جتك المشايه
ياحسين ياحسين
**********
جتك المشايه تزحف شوفها
شمحله رايات العشك بجفوفها
كربلائك مثل كعبه انطوفها
خدمتك يحسين لا من عوفها

وحنه اهل احجايه جتك المشايه
ياحسين ياحسين
**********
خيرك ابكد الكمر وزنوده
وسفرتك طول الدرب ممدوده
معزب العباس له مشهوده
الزاير يرويه من مي جوده

يسكي بالوفايه جتك المشايه
ياحسين ياحسين
**********
عفنه البيوت واجينه البابك
وشرف لنه نسجد عله اعتابك
الكل مريض اعظم علاج اترابك
انريدك اتسجلنه وي اصحابك

انحبك احنه اهوايه جتك المشايه
ياحسين ياحسين
**********
اتعنتك من كل بلد زوارك
اشكد بخيت البزياره شارك
ريحة الجنه تفوح ابدارك
احنه خدامك واحنه انصارك

ولك نهدي اقرايه جتك المشايه
ياحسين ياحسين
**********
باجر المهدي يجي ويانه
تبجي عين المهدي وي مبجانه
بيده رايه ويمشي وي ممشانه
وعين امك فاطمه ترعانه

جينه ليك اعنايه جتك المشايه
ياحسين ياحسين


حسين عبد الزهرة الدراجي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2021-09-24 22:35:26 هايه ثورة الاربعين كلهه تهتف ياحسين
ياحسين ياحسين

الخطوه محسوبه بعمر نمشي لو دربك جمر
علمتنه اعله الصبر والك نرفعهه الادين
ياحسين ياحسبن

اليله املاك السمه تعزي حماي الحمه
تهتف ابسيد الضمه عمر تگضيه ابونين
ياحسين ياحسين

زحفت المشايه اله اليلــه تتلــگه هلــه
عيون بيهه مهدله كلهه مرفوعة جبين
ياحسين ياحسين

كل مواكب والخدم رفعت اباسمك علم
وكلهه گالتلك نعــم سيدي طول السنين
ياحسين ياحسين

ناسك اتعنت الك تواسي بمصابك هلك
ياضوه محد يجهلك يمـعـلي بيــك الــديـن
ياحسين ياحسين

بدربك رسمنه الامل واحدنه كلشي حمل
يخسر الشخصك جهل ولــمــابــچتلـه عين
باحسين ياحسين

ثورة المشايه نار بــلمعانــي البيهه ثار
شيعتك صدرت قرار الــك يتعــنه الجنـين
ياحسين ياحسسن

الشاعر ابوحيدر


https://telegram.me/aabas78
قصائد لكل ايام محرم اشترك بالقناة باز کردن / نظر دهید