بايعنه لليستاهل البيعه ....ا انت يا اولنه واخرنه انت م | بنفسي المتحيرة بين الخيام

بايعنه لليستاهل البيعه
....ا
انت يا اولنه واخرنه
انت من النار اطلعنه
انت بفلك حسين تصعدنه
انت انحبك حيل وتعرفنه

امر الله انت ولازم انطيعه
....ا
صاير حبك تارسلي اكليبي
صاير شمسي وياشمس غيبي
صاير شمي يانسمه اعذيبي
صاير تاج راسي انت يحبيبي

حبك فرض مفروض عالشيعه
....ا
حيدر امي صاحت بأسمك
حيدر اتروح فدوه امي لأمك
حيدر منقذ دين الله دمك
حيدر هنياله كلمن شمك

حبك يحيدر والله منبيعه
....ا
الفايز انت وبكلشي رابح
الفايز الدايرلك عينه وشابح
الفايز حته الي بسيفك ذابح
الفايز كلمن هالليله يصافح

مبروك هالليلة على الشيعه
... ا
عالي انت والله الاعله
عالي وياهو الي غيرك اغله
عالي كلمن صرتله خله
عالي وماتصعب بيدك عله

والعالي عالي عالي شيضيعه
....ا
افرح هذا عيد الله الاكبر
افرح كلمن والاه مايخسر
افرح وكلمن مهموم خل يبشر
افرح لأجل حيدر وكبر

خلوه زعيم الليله عالشيعه
....ا
تمت بحمدالله ٢٠١٩/٨/١٥
بقلم الملا عباس الموالي