لمولاتي العليلة ع مو عادتك يحسين تكسر خاطر خليني اروح وياك من تسافر خليني ألم اهدومي كلي يبويه كومي ...ا عمر كضه ولا مره اكسرتني وذا ازعل يم كلبك جبتني انه بدونك جفن ذابل وحكن كلب ابوفاظل ذاك الكله حنيه هلبت يرئف اعليه كون يكلي كومي يبنتي اركبي اوياي يالوفاي ظل اوياي لو تاخذني لو موت وتشيلوني تابوت ياناس اول مره يكسر كلبي لمن مشه وللباب ظليت احبي لمن مشه محبوبي ظليت اجر بثوبي ...ا صدك وسفه التحبه تالي يرحل رحل هو وانه اقراله مقتل من الخيمة اطلعت زينب كلتله يالابو تنحب خليني اركض اوياهه ارد السوط أمن اكفاهه ابداعت طولك نحرك شيبك كلي صار بويه الدار جنه نار نار وتسري بيه ادخيلك حن عليه تعبانه كلي موش الج الصحره كتله اخذني اعليك ظلع الزهره اعليك الزجيه فاطمة بضعنك اروحن خادمة ...ا بست رجله وبست خده وركبته واجه ابالي وشفت خيل بوجنته جفلت انه وصحت ليش يعور خدك الجيش وشفت فرسان اجت تركض وكلبك بوية ماينبض شفت اعليك اجاسر حافر من تروح كلشي يروح يالمذبوح من يشك الاكماط يوصل يمي الاعياط خليني اروحن واهس العبدالله لمن يفز بالليل اصيح اسم الله حلفتك بعبدلله كلي يبوية يلله ...ا فرحت انه لمن كلي تعالي شبكت اعليه اشكرنك يغالي مسح راسي ومشه خطوه وتاليها أدخلت جوه الكسر كلبي مشت كلهه وانه المحد ايكلهه محد كله اخذهه ويانه خل ترتاح كال ارماح مانرتاح باجر ماكو راحه من هسه المناحه طشيت دمع اعيوني ماعدنه ماي حسين النهر بالبيت بس راح الماي راح ويصد بعيونه ونزلني من امتونه ...ا رجعت الدار بس الدار ظلمه شتريده الراحت منه امه لا ام لا ابو ظليت المن راجعه للبيت احس حيطانه تاكلني واسمع موتي ترس اذني كون اموتن ربي اخذني راح حسين مدري وين بجه العين وين الله ويرجعون ربي بداعت ام عون أيست ميردون هالصار ايام والبارحة بالحلم محتركه اخيام عماتي كلهه تركض ركضن ركض ماينفض ...ا بقلم الملا عباس الموالي 31 views09:03
