الشاعر عباس منصور الدراجي

2022-07-29 22:58:20 صوت انصاركم    للموت كدامكم
صوت من اهل الوفاء
ما نعوفج كربلاء .  
 للموت كدامكم. للموت كدامكم

###########

شيعه مو بس بمحرم
للعقيده تقود منبر
بمبدئ الاخيار تنشر
حتى للعالم تنور
ماشين بانواركم
للموت كدامكم

##########

حيدر الاسس الجذره
المبدئ واحد ما نغيره
الامه كون تكون حره
والنكر فكره ننكره
تركيز لفكاركم
للموت كدامكم

##########

مبدئ الدين العداله
ومنكم انحصل الدلاله
الظالم انطيعه محاله
وحكمه لابد من ازاله
ما ضين بفعالكم
للموت كدامكم

##########

حسين من اسسها ثوره
وضحه كلشي من اجل فكره
الظلم لازم ان يغيره
وتصبح الاوطان حره
بالدين ميزانكم
للموت كدامكم

##########

صار عاشوره عقيده
وفكره للعالم نعيده
حكم طاقي ما نريده
انهدم اركانه الوطيده
ورواح تفدالكم
للموت كدامكم
##########

الشاعر :عباس منصور الدراجي

https://t.me/AbbasMansourAlDaraji باز کردن / نظر دهید

2022-07-28 15:57:47 سافرت سفرتك هذي بعيده
سافرت بويه ماتذكر حميده
اعيش بحسرتي
اعيش بدمعتي
ماتعود ما تعود

##########

ضليت انتضر جيتك يبعد الروح
عذبني البعد وانا بكلب مجروح
أمني الروح ترجع والدمع مفضوح
وما جان علبالي بغربتك مذبوح
اعيش بحسرتي
اعيش بدمعتي
ما تعود ما تعود

##########

يا بعد روحي ويسباح الكلب
صعبه البنيه تضل بلايه اب
وحشه دنيتها  وبعد عنها الدرب 
افراك اليحب يابعد عيني صعب
اعيش وي ونتي
اعيش بدمعتي
ماتعود  متعود

##########

؛ بويه نار الشوك تحركني بجفاك
ذبلت عيوني وانا ابجي وراك
هم  ذكرت بغيبتك بويه ضناك
يمته ربي يعودك واشتم هواك
بمصابي ولوعتي
اعيش بدمعتي
ماتعود ماتعود

##########

بوي اضل بفكاري ارسم بالصور
شلون اشبكك وانت راجع من سفر
بويه ماضل عندي من بعدك صبر
راح اموت وانا كاتلني القهر
تركتني بوحدتي
اعيش بدمعتي
ما تعود ما تعود

##########

صاحلي عمي وفرحت بصيحته
كاعده بحضنه وشوفن دمعته
ومن مسح راسي احس بعبرته
كلبي من نبراته حس بمصيبته
ابوي وتركني
اعيش بدمعتي
ما تعودما تعود

##########

الشاعر : عباس منصور الدراجي

https://t.me/AbbasMansourAlDaraji باز کردن / نظر دهید

2022-07-20 16:58:54 شوف شعمل  بيها الوكت
                زينب وحيده بغربه
مذهوله وتهل الدمع
               لاريته و لاجربه
محتاره اخت الابطال
                المن تشتكي الحال
مذهوله وتهل الدمع 
                   لاريته ولا جربه

##########

معقوله بت ليث الحرب
                  بين الغرب خلوه
ابطال الهله عل الترب
               تصرخ وما يسمعوه
ليش العيون الحارسه
              غمضت من طكوه
بيه الوكت مال
المن تشتكي الحال
مذهوله وتهل الدمع
          لارايته ولاجربه

##########

الجانت ابعز وفخر
              ومدلله بكافله
من تطلع يغطي الشمس
                 لاواحد اصد اله
معقول تبقى بلا ولي
               وشماته تكتله
ما بين الارجال
االمن تشتكي الحال
مذهوله وتهل الدمع
             لارايته ولاجربه

##########

صعدت عل التل ترتجي
            احسينه يحاجيه
نادت وضلت حايره
             بس الصده ارد ليه
دنيته صارت مظلمه
           وايست من واليه
مرمي عالرمال
المن تشتكي الحال
مذهوله وتل الدمع
           لارايته ولا الجربه

##########

اتجهت لعد شاطي النهر
             وتكلب بجفينه
اتكله اكعد يا نفل
              من بعدك انذلينه
مو انت كافل للضعن
               كلي اشعجب تنسينه
محتاره بعيال
المن تشتكي الحال
مذهوله وتهل الدمع
          لارايته ولا الجربه

##########

اتوجهت نحو الغري
           يا حيدر الحك لينه
ارجالكم راحت كتل
             الحك يبويه احمينه
نسوان مابين الغرب
             وانذالهم تولينه
وينك يكفال
المن تشتكي الحال
مذهوله وتهل الدمع
             لارايته ولا الجربه

##########

الشاعر :عباس منصور الدراجي

https://t.me/AbbasMansourAlDaraji باز کردن / نظر دهید

2022-07-16 17:47:16 ألاول علي الاول
من ربك ينزل. سوره
دين الله مايكمل الا علي الاول
اليرضه خل يرضى ولي زعل يزعل
سوره من الباري عل العالم ينزل
علي الاول. علي الاول

#############

جف النبي لمن على
                  جف حيدر وياه
هذا علي بعد ي وصي
                الوالاني والاه
والينكر محبة علي
               الباري عاداه
هذا وحي عالنبي
                   وايات تتنزل
كبر يلي تحب كبر
اول علي الاول

##########

نور الرساله من نزل
             جنت انته وياه
وبالغار من ينزل وحي
             انته تلكاه
هارون سماك النبي
              ربك الوصاه
ومن باهل باهله النبي
                  بنفسه الك مثل
يكفر من ينكرك يكفر
الاول علي الاول

##########

  الاول الضحه النفس
                      من اجل الاسلام
من نمت بفراش النبي
                  ومن غيرك ينام
جانوا يعبدون الوثن
                ويعظموا الاصنام
بس انت دينك احمدي
                 من يومك الاول
نفخر حقنه بعلي نفخر
الاول علي الاول

##########

غذاك من علمه النبي
               وبعلمه خصاك
باب لمدينه علمه
               المحبوب خلاك
حتى الَمخالف يعترف
                  يهلك بلياك
لوما علومك جا هلك
                الثاني والاول
يذكر تاريخهم يذكر
الاول علي الاول

##########

تبقى الشجاعه تفتخر
                 بسمك يبو حسين
ياخالع ابواب العده
                ومعلي الدين
جن وانس تعرف
               ضربتك في الميادين
يل اسمك يخوف العادي
                 ولكاعهم زلزل
خيبر تشهد خيبر
الاول علي الاول

##########

الشاعر :عباس منصور الدراجي

https://t.me/AbbasMansourAlDaraji باز کردن / نظر دهید

2022-06-21 23:36:28 شهر  عذاب
بيه اعظم مصاب
بيه دمعه بيه حسره بيه اه والم
مو مثل الشهور
احداثه تدور
اضلاع وجفين واسياط وخيم

#########

تاريخه يتحدث عن اعظم مصاب
انوار من العتره  متوسده التراب
واقبح خلق العالم يسبون الحجاب
اطفال وسبي
نيران وعبي
لا حامي لا مأوى غطاه التراب
بيه اعظم مصاب
بيه دمعه بيه حسره بيه اه والم
بيه اعظم مصاب. 

##########

من يوصل للعاشر  يرسملك صور
صورة ام مفجوعه بمكطوع النحر
تفجع كلب العالم وتبجي الصخر
اسهام وعطش.
ارهاب وبطش
حوبتها ولوعتها عالظالم عذاب
بيه اعظم مصاب
بيه دمعه بيه حسره بيه اه والم
بيه اعظم مصاب. 

##########

يتحدث عن قصه عن اب وابن
اموادع ومشابك باهات وحزن
وعن ام تدعي الباري بدموع وشجن
يارب يامجيب
رجعلي الحبيب
رجواتي احلامي ما احمل غياب
بيه اعظم مصاب
بيه دمعه بيه حسره بيه اه والم
بيه اعظم مصاب.

###########

بيه ام تنطر زفه ما بين الشباب
يرجع الها القاسم من دمه الخضاب
عظم ربج اجرج رمله بهل المصاب
لاحنه وشمع
بس لوعه ودمع
شمعته رجوته من دمه الخضاب
بيه اعظم مصاب
بيه دمعه بيه حسره بيه اه والم
بيه اعظم مصاب.

##########

بيه اخت المصدومه واخ محني الظهر
من شافوا جفينه طاحن عالنهر
يعني البيت اتهدم ونشاف الخدر
لاعين التشوف
لارايه وجفوف
كافلها حاميها نايم عالتراب
بيه اعظم مصاب
بيه دمعه بيه حسره بيه اه والم
بيه اعظم مصاب.

########

بيه سهم المثلث نايم بالصدر
واضلاع المطحونه وصلت للظهر
وبيد العن خلق الله ينكص النحر
ابكوا عالحسين
باهات وانين
قائدنا والينا متوسد التراب
بيه اعظم مصاب
بيه دمعه بيه حسره بيه اه والم
بيه اعظم مصاب.

##########

الشاعر :عباس منصور الدراجي

https://t.me/AbbasMansourAlDaraji باز کردن / نظر دهید

2022-06-18 19:52:23 الليله ايتامك تضل حيرانه
بيت ربك هدموا اركانه
صرخة من جبرائيل
نكروا حكم الجليل
بيت ربك هدموا اركانه
**
هذا سيف مبين ب عنوانه
من السقيفه اسسوا بنيانه
شلون ربك حيدر يعز شانه
لدينه لازم يبدلوا عنوانه
كيف للهادي خليل
نكروا حكم الجليل
وبيت ربك هدموا اركانه
***
وبدو بس مات النبي ابيت البتول
جي يعرفوهه عزيزه عالرسول
ونعثل بحطباته يجمع بالاحمول
راد يحرك بيتها بنيرانه
رايهم يمحوا الدليل
نكروا حكم الجليل
وبيت ربك هدموا اركانه
***
وضربة المحراب مدروسه قبل
ثار ما ينسونه لللاة وهبل
لازم يزيدون عالعله علل
وكلب طه يزودون احزانه
بطيحته يشفوا الغليل
نكروا حكم الجليل
وبيت ربك هدموا اركانه
****
لاتضن ثاراتهم تطفي بعد
لسم ابو محمد يعدون العدد
شلون يرضوها لعلي يبقى مدد
لازم يكصون كل اغصانه
برايهم هذا قليل
نكروا حكم الجليل
وبيت ربك هدموا اركانه
****
وارد ازيدك بيت من هذا العداء
حشدوا اعدادهم في كربلاء
واراقوا للهدئ ازكى دماء
ناكرين بفعلهم احسانه
فعلهم ماله مثيل
نكروا حكم الجليل
وبيت ربك هدموا اركانه

#########

الشاعر : عباس منصور الدراجي
https://t.me/AbbasMansourAlDaraji باز کردن / نظر دهید

2022-03-18 17:03:44 صلوا على خير البريه واله
شعبان جابلنه فرح و بشاره
#########
اول بشاره مولد ابن الزهره
فرح كلوب المحب ويه العتره
طش الملبس يل يهمك امره
حسين شعت عالبريه انواره
شعبان جابلنه فرح و بشاره
**###########
عباس ثاني بشاره مرت بينه
ناصر حسين وعونه ناصر دينه
حيدر بنفسه قبل الجفينه
هلل يشيعي وافرح باخباره
شعبان جابلنه فرح و بشاره
**########
فرحت الزهره الثالث بميلاده
يكمل الدين ويزدهر باولاده
سماه ربه الزين من عباده
نور ابن نور وربك الي اختاره
شعبان جابلنه فرح و بشاره
**#########
كبر الباري العالي يلي اتكبر
لسبط النبي انولد ابنه الاكبر
شبه الرسول بنوره للكون ازهر
لعنة الخالق عاللي طفى انواره
شعبان جابلنه فرح و بشاره
############
وفرحتنه تتم بالنصف من شعبان
فرحانه اصبحت بيه الانس والجان
نور المهدي طش ونور الاكوان
ندعي الباري يعجل النا انواره
شعبان جابلنه فرح وابشاره
#######

الشاعر :عباس منصور الدراجي

https://t.me/AbbasMansourAlDaraji باز کردن / نظر دهید

2021-08-30 16:33:49 غضب منشاف زينب تحجي وي حسين
تكله اصحاب عندك هم قستهم زين
كله انا الكفل ومن لعده تخافين
وجفوفه عالشط ذباها
##########
الشجاعه بالحروب بكل وكت تنقاس
بس وياخو زينب مالها مقياس
اله رايه وجفوف بكل وكت تنباس
وانلوذ بسدك خلينه
###########
هزالسيف بيده بنصهم وكبر
خيول وزلم كامت كله ت تعثر
اخو زينب عليهم تيه المعبر
والموت بسيفه يشوفونه
########
الشاعر : عباس منصور الدراجي

https://t.me/AbbasMansourAlDaraji باز کردن / نظر دهید

2021-08-12 18:33:04 كوم يا ضنوة علي واحميها
هاي زينب عدمن امخليها

#############

كوم ياعباس وانظر حالها
نار شبت بالخيم وعيالها
ترضه مسبيه وعدو يبرالها
بعد عينك يالجنت  حاميها

############

كوم ياعباس سبع الكنطره
زينب الحره تروح ميسره
شلون ترضه شيمتك عالطاهره
بين  غربه بلا ولي يحميها

#############

كوم احمي اطفالك واحمي النسه
فوكهم اخيول ال اميه دايسه
بس عزيزتكم الدارك حارسه
بعد عينك والشمر واليها

############
َ
كوم وانظر حال سكنه والرباب
بسوط ضربوهن وطاحن عالتراب
عتب ودنلك  يبن داحي الباب
شلون ترضه أعيالك التخليها

#############

شلون ترضه اعيالك بلاي كفيل
بس حرم واطفال ومكيد عليل
من يباري للرحل لمن يميل
بعد عينك ياهو اليباربها

##########

كوم شوف حسين كصوا ركبته
وصدر اخيك خيل اميه رضته
يل جنت حامل لواء ورايته
مو وكتها  نومتك خليها
########
الشاعر : عباس منصور الدراجي
https://t.me/AbbasMansourAlDaraji باز کردن / نظر دهید

2021-08-10 17:30:25 حسين اه اه. حسين اه. اه
############
من الزغر حلم الروح
                         نكنس نشتم اترابك
عشكنا والعشك بجنون
                       عونه اليخدم بابك
خدمتك تاج فوك الراس
                       وملوك الصاروا احبابك
لان رب العرش عللاك
                     وعظيم اليحظر مصابك
حسين اه اه حسين اه اه

#############

السعاده بخدمتك يحسين
                           عليه الاهل ربونه
كالوا اليحظر بمجلس
                       وعليه يصبن عيونه
الزهره حاظره وياه
                      بشفاعتها يسجلونه
والي التحبه الزهره
                       حبيب الله يسمونه
حسين اه اه حسين اه. اه

##############

نصبنه الجادر بكل روح
                         وصار بكل كلب مأتم
وصبح حب الحسينيات
                           يسري بينه مسره الدم
وحسين بضمايرنا
                     شديناه بالمعصم
حرز من كاره ومظغوط
                          يريد بحبنه يتكلم
حسين اه اه حسين اه اه

#############

مجالسنا عقائدنه
                   الها كل زمن شاهد
مصيبتنا ببو السجاد
                      مصيبة عاشك وفاكد
شلون الي فكد محبوب
                         ينام بليلة هايد
واحنه الي عشكنه حسين
                             والله الوحده شاهد
حسين اه اه حسين. اه. اه

########
الشاعر : عباس منصور الدراجي

https://t.me/AbbasMansourAlDaraji باز کردن / نظر دهید