علابالي كاين منكم بزاف لي جوزوا اختبارات و راه طايحلهم المورال | 💉💙bac 2022💙💉
علابالي كاين منكم بزاف لي جوزوا اختبارات و راه طايحلهم المورال و خايفين مايجيبوش مليح فالفصل و خايفين على الباك بعد الكم الهائل لي راه يسنى و صعوبة الدروس حابة نقوللكم غير ماكالاه تبكوا و تخافوا لانه معدل الفصول ماعندو حتى علاقة مع معدل البكالوريا شحال من واحد دا 9 فالفصول و دا 16 17 فالباك مايهموش الفصول لأنكم دوك مازال متميتريزيوش مليح الوحدات و محليتوش بزاف تمارين بصح منا للباك تكونوا تاميليوريتو مليح صدقوني نعرف وحدة شخصيا دات 9 و كانت تندب و تقول مانجيبش الباك و داتوا بعدها ب 18 و راهي طب الان و لهذا يا جماعة ماكالاه تضيعوا وقت فالخوف شمروا على يديكم و ابداوا تنظموا روحكم و تديروا برنامج مسقم و تبعوه ماتسناوش حتى تبدا العطلة لانه ليكوغ راح يدخلوا عليكم بالحصص و متلقاوش وقت سما ابروفيتيوا دوك و انساوا أمر المعدل و بالنسبة للأحرار لي مازال مابداوش. لالا ارقدوا خير .. وش راكم تسناوا تبداوا ؟
نقوللكم هادي و أختم ان شاء الله اذا عندك حلم كبير توكل على الله و اعمل لأجله و ابذل جهد غير عادي من أجله اسهر اتعب كافح لا تبذل جهد عادي فالعادي للضعيف و تذكر: "لا ينال المجد بوسادة"
