قصیدة:جنة الرضا ـــــــــــــــــــــــــــــــــــــــــــــ تارس العین شعاع انوارک أکــثر امــن النــجم زوّارک یلّي جـنة عشـگنه أبـدارک شوگ العیون بالأنظار یحن الشـوفک یالرضا و هاي کرامات ثمن مـعروفک تمطر الخیر عله الناس سحاب اچفوفک روحي عطـشت زیـاره و ترید أطـوفک فاتح أمضیفک الأحبابک روحي شمعه و تذوب اببابک تکرم الجار و ضیفک جارک یلّي جـنة عشـگنه أبـدارک ــــــــــــــــــــــــــــــــــــــــــــــ روحي ترفه و الأنفاس هوه تحتاجک والمنارات توزّع ضوه معراجک گبّتک تاج والأیثار نشوفه ابتاجک ابساحل الحضره دایم تموي امواجک کلک الخیر و خیرک وافر دایم اتصیح هله بالزایر حاشه تبرد مواقد نارک یلّي جـنة عشـگنه أبـدارک ــــــــــــــــــــــــــــــــــــــــــــــ یختصر بیک یبوالجود کرم هالعالِم الخیر کله لبسته ابیمینک خاتم مشهدک روضة الله و کهف لأبن آدم شفته واگف یجدّي اعله بابک حاتم انته سلطان و گلبي رادک گلبي أشده اعله باب أمرادک مو عجیبه الکرم لو زارک یلّي جـنة عشـگنه أبـدارک ــــــــــــــــــــــــــــــــــــــــــــــ یاأنـیس الیــزورک یحـس بالراحه کلک احساس والنفوس الک مرتاحه انته ذاک الي گبته ضوت مصباحه والمــنایر تهـوّس الک بالــساحه دایم اتگول هله ابزواري یلی جیتو و گصدتو داري مقترن بیک رسم ایثارک یلي جنة عشگنه ابدارک ـــــــــــــــــــــــــــــــــــــــــــــــــ کلمات خادم الحسین ع عبدالامیرالناصري...المحمره 27 views06:43
