قصیدة؛تاج الراس ـــــــــــــــــــــــــــــــــــــــــــــ حیدر تاج اعله الراس حیدر تاج اعله الراس ـــــــــــــــــــــــــــــــــــــــــــــ أعلن جیت..من والیت..حب المرتضی ابروحي یبقی الصوت..حتی الموت..دایم احچي بوضوحي حامي الجار..جنه و نار..اسمه بلسم اجروحي حیــدر کلشـیتي زودي و ماهیتي دیني و شیعیتي..حیدر لا مو غیره ـــــــــــــــــــــــــــــــــــــــــــــ حیدر تاج اعله الراس حیدر تاج اعله الراس ـــــــــــــــــــــــــــــــــــــــــــــ خله ایذوب..للمحبوب...گلبي العایش ابخیره های اسنین...عین ابعین..بس المح تصاویره حط اجنون..بیه اشلون...اعشگ وانتمي الغیره ماواحـد ثاني یگــدر یدناني حیدر خاواني...وآنه ابحب خاویته ـــــــــــــــــــــــــــــــــــــــــــــ حیدر تاج اعله الراس حیدر تاج اعله الراس ـــــــــــــــــــــــــــــــــــــــــــــ گلبي ایصـیح..بالتصـریح..حیـدر اول ابزوده یحــمل زود..من أیگــود...هاي الدنیـا بزنوده حیدر سیف..یکرم ضیف..واسع مده و احدوده وین الشــرّایه توصلّه ابهـایه لو هـز الــرایه...تهتز کل الدنیا ـــــــــــــــــــــــــــــــــــــــــــــ حیدر تاج اعله الراس حیدر تاج اعله الراس ـــــــــــــــــــــــــــــــــــــــــــــ یملک شان..بالمیدان..حیدر لو یطب بیها زعله أیهــید..کلــشي ابعید..تتقرّب یخلیها من أیصول..مو معقول..شهگة نفس ینطیها راهم عالحومه حیـدر بعـزومه ما ثنٌه ابیــومه...یوم الطگ عنوانه ـــــــــــــــــــــــــــــــــــــــــــــ حیدر تاج اعله الراس حیدر تاج اعله الراس ـــــــــــــــــــــــــــــــــــــــــــــ خلي النـاس..بالمـقیاس..رابعــهم یعدّونه هوّه الماي..مایحـتاي...لو گـعدوا یـمدحونه حیــدر نور...بالدیــجور...فنهم لو یضمّونه واضح دستوره ما ینـضم نـوره لو کلـها اتـدوره...بعده الحگ أمبیّن ـــــــــــــــــــــــــــــــــــــــــــــ حیدر تاج اعله الراس حیدر تاج اعله الراس ـــــــــــــــــــــــــــــــــــــــــــــ کلمات خادم الحسین ع عبدالامیرالناصــري...المحمره عیدالغدیر1440 59 views12:53
