عبدالامیرالناصری: حبک فرض.... حبک فرض...واجب أشوفه اسمک حرز....نعرف حروفه یل معـتلي أبصیتک مـن زغـري حبّیتک بیک آمنت یاسیدي و صرت آنه اهواک یل معتـلي ابأیمانک ما فسـّروا برهـانک کل اهل العقول حیدر عظیم أبشانک یـشهـد الـک مـیدانک من تفزع اتصول بـالـشـدّه نـادیـتـک من زغري حبّیتک دایم أصیحن یاعلي وتحضرني الگاک بیک آمنت یاسیدي و صرت آنه اهواک شایلها بیـن اچفـوفک های السمه و اتطوفک یا سر الألباب تـحـچیلـک ابـمـعروفـک وکت الحریبه أسیوفک یا قالع الباب گـدها و تعـنّـیـتک من زغري حبّیتک باب الگلب بیدک قلعته وشفتک اهناک بیک آمنت یاسیدي و صرت آنه اهواک یا فلسـفة توحیـدک ریح الـتمر متهـیدک لا ما تهز راس نعرفها سـاعة عیدک یغفه الیتـیم ابأیـدک وأتحن عله الناس ما ضیّـعیت بیتـک من زغري حبّیتک گد ما أحبک دوم اسولف آنه اویاک بیک آمنت یاسیدي و صرت آنه اهواک یل بالفـضایل ساطع یخـسه الیعـدّک رابـع أول بالأسلام گد ما وفي و متواضع کلها تــشـوفک خاشـع بس انته ضرغام معروفه شخصیتک من زغـري حبّیـتک انته المهم ربک عرف یالغالي معناک بیک آمنت یاسیدي و صرت آنه اهواک صار العـشگ تلقیني و ألی یـناشد ویـني خل یسمع الصوت یکفیني بس یکفیني حیدر حبیبي و دیني ما عوفه للموت یا ابالحسن جیتک من زغري حبّیتک أنساهم أهلي و لا تظن گد لحظه أنساک بیک آمنت یاسیدي و صرت آنه اهواک کلمات خادم الحسین ع عبدالامیرالناصري...محمره رجب..1438 https://telegram.me/abdolamiralnaseri 54 views12:53
