عبد الكافل حسن الكعبي: يالزهرة الزجية ها يمظلومة ومن حكج يفاط | عبد الكافل حسن الكعبي

عبد الكافل حسن الكعبي:
يالزهرة الزجية ها يمظلومة
ومن حكج يفاطم صرتي محرومة
..........
منج ارضج الظلام غصبوهة
مهبط للوحي دارج يعرفوهة
وبلاحقاد دارج اخ حركوهة
بلدمعة صفيتي واه مهظومة
...........
خلف الباب يا بت طه معصورة
مكسورة ظلع والعبرة مكسورة
وسكط محسن وخلاج مقهورة
وخلف الباب انتي عندة معلومة
..........
خلف الباب فاطم همة كالولة
وان كال والج جفنين مببلولة
على حرمة الزلم شجعان معقولة
وما صح عاقل الردعاه ويلومة
...........
بصوط اعلة متنج يظرب بحقدة
زمامش بلخلك واحد وكف ردة
صطر خدج وكعتي وصرتي متوسدة
علة الخد دمعتج جرحين مرسومة
..........
ياحيف الولي متوصي ومكيد
موهينة البطل متجتف وماهد
حيدر بالحرب معروف لا ميرد
واسمة فارس الهيجاء والحومة
.........
من وصلت منيتج اعظم الفرسان
الة موتج يفاطم ذبل الاغصان
صفة مكسور ظهرة وينتحب حزنان
وما ظل حيل الي يعنة علة الكومة
.........
جابج للغسل والظلع هد حيلة
الصبر مهموم وانهار الدمع سيلة
وبليل النعش متوصي ايشيلة
ودفن بليل روحة وعاشت اهمومة
........
عبد الكافل حسن الكعبي