2022-05-26 04:47:01
بسم الله الرحمن الرحيم
اللهم صل على محمد وآل محمد
قصيدة لمولانا الامام الصادق (ع )
عنوانها ( صادق العلم )
_____________________________جعفر الصادق نشوفة بكل ارض
آية الله التمشي بالطول وعرض
صادق القول انعكس / صورتة مثل الشمس
____________________هل الامام بكل زمن ساكن وبيتة العلم
موجود عند أهل العقل والقلوب التفتهم
الناس من عطشت علم بيدة رواها القلم
ما سكت وانطة الحقيقة لا قياس ولا وهم
علمة من علم الآه الي نفرض
آية الله التمشي بالطول وعرض
______________________________والبحر هذا التشوفة بداخه اشكال الصوَّر
واطلب شما ردتة ينطي ما يمل و يعتذر
والعلم لبصدرة خيمة تستظل بيه البشر
يفرش بكتبة مضيفة معزب دروس وعبر
والترك سفرة علومة المعترض
آية الله التمشي بالطول وعرض
______________________________حيدرة باب الخليقة والطرق بابه احتمة
الف ُ بابا ً من علومة ترسن الارض وسمة
جعفر الصادق نشرهن عل خلگ مجرة الدمه
تتدخل الكوفة وتشاهد ألف حلقة مقسمة
كلها تروي عن إمامي المفترض
آية الله التمشي بالطول وعرض
____________________________لهسة طلابه الخواص بعيني اشوفنهم شُهُب
من اريد أقرة زُرارة مو بشر أقرة كُتُب
وعندة واحد بالعقائد راحة ويدير القُطُب
هِشام لو ذاك ابن تغَلَب اشلون فرزنهم صعُب
مدري صفوان البذل علمة قرض
آية الله التمشي بالطول وعرض
_____________________________مدرسة اتخلف مدارس تمتد إعل ارض النجَف
راية خفاقة وترفرف أسمّة بالحوزة انهتَف
ما وگف دين الله يجري من نبع علمة لطَف
ما نشف نهرة بمراجع من نهر غيره نشَف
ما وگف مذهبنا والباقي انقرض
آية الله التمشي بالطول وعرض
____________________________ينِقل العالِم يسولف عن إمامي بيا وضع
لو ذكر جدة الحسين يگوم يكتب بالدمع
اعتكف وي كتبة يلطم والفقه وَّن وجزع
اطالب اليدرس يخرجه بصدرة حافر منطبع
والجمع علمة بمجالس من رفض
آية الله التمشي بالطول وعرض
____________________________تمت ببركة مولانا الامام الصادق ع
الخميس / 3 / 6 / 2021 / م
٢٢ شوال / ١٤٤٢ / ھ
الوزن / المستهل موشح
النص /وزن هجري
لا يجوز استعمالها ب DJ
اللهم تقبلها بقبول حسن
نسألكم الدعاء
#الشاعر_حسين_النوري( ابو إيليا)
100 views#الشاعر_حسين_النوري (ابو_إيليا), 01:47