2021-09-27 02:15:59
قصيدة بعنوان ( أربعينية )
الفاتحه ع روح والدي خادم الامام الحسين_ع
الشاعر الحُسيني (جاسم محمد الطائي)
==================================
من على الناكه وهويت أعله الثره
حسين وينك وين سبع الكنطره
عاودت من سفرتي تلكو ظعني يخوتي
حسين وينك وين سبع الكنطره
==============================
نص(١)
من حنيني وشتياكي ولوعتي من الصار الي
حايره وذبيت روحي عالارض من محملي
يبو الأكبر ارد اشوفك وينك انت وكافلي
جيت اريد اشكي عذابي وهمي الما ينجلي
اليوم اجيت وجبت وياي الحرم
شفنه انواع العذاب ابلا رحم
كومو شوفو حالتي تلكو ظعني يخوتي
حسين وينك وين سبع الكنطره
==============================
نص(٢)
للمعاره ابعين تنزف انظر شمال ويمين
لا أصحاب ولاهواشم كلبي مهظوم وحزين
والله مشتاكه اني الكم خويه موتني الحنين
اتلكو ياولياني ظعني يابو فاضل ياحسين
من بعدكم ضعنه وفكدنه الامل
ونتو ادره يالهواشم بالحصل
ودمعي دم من عبرتي تلكو ظعني يخوتي
حسين وينك وين سبع الكنطره
==============================
نص(٣)
ابلا وداع ومن عفتكم ادري موتي اعله الثره
ومن احاجيكم يخوتي ادري هاي المكبره
من كثر ضيمي اعاتب شرد اسولف عالجره
يانحر يانار شذكر كلبي مايحمل تره
من رحت يحسين وي راعي اللوه
على متوني صوط عدواني التوه
شلون حيره حيرتي تلكو ظعني يخوتي
حسين وينك وين سبع الكنطره
==============================
نص(٤)
حركو اخيمنه وركضنه ابلا وعي صوب الفله
لاكفيل ولامحامي واني ألم بالعايله
وعالارض انتم ضحايه منين اجتني كربله
وما اضن صدكوني واحد مثلي بالكون ابتله
واليتامه اتلوذ بيه من الرعب
وانه حرمه ميسره بديرت غرب
أرضه اني بقسمتي تلكو ظعني يخوتي
حسين وينك وين سبع الكنطره
==============================
نص(٥)
على الهزل ركبونه وكلنه كيدونه ابحبل
لو وكع من ناكه واحد انطيح كلنه من الهزل
والسياط الما تميز بين نسوان وطفل
شرد اسولف عالمصيبه وجرحي ماظن يندمل
والعدو لامارحم جار وقسه
والعذاب يزيد لو حل المسه
ونار تلهب حسرتي تلكو ظعني يخوتي
حسين وينك وين سبع الكنطره
==============================
نص(٦)
والسبي دربه هضيمه ابد ما انساه ابد
فرجه للوادم غدينه دخلونه أنجم بلد
شفت انواع الشدايد ونضرة الشامت اشد
آه يلي صار بينه ما اظن جاري الأحد
هذا همي وكل عذابي من اليسر
ومن كبر انهض يخواني الكبر
جذب تبره علتي تلكو ظعني يخوتي
حسين وينك وين سبع الكنطره
==============================
#كلمات_الشاعر_الحُسيني_المرحوم
جاسم محمد الطائي
إهداء إلى خدمة المنبر الحُسيني ونسألكم الدعاء
||●على نهجك ياأبي في خدمة سيد الشهداء_ع●||
80 views23:15