المرأب (الگراج )الموحد :: موضوع مهم بالنسبه للعوائل اللي ماعد | تعيينات وفرص عمل وتقديمات في ذي قار
المرأب (الگراج )الموحد ::
موضوع مهم بالنسبه للعوائل اللي ماعدهم سيارات او الناس اصحاب السفر طبعا المسلسلات والافلام كلها يطلع بيها لقطات تصوير للگراجات اللي تضم سيارات نقل الركاب يعني ركن مهم من اركان المدن نجي للكراج مالتنا تدخل عائلة تبتلي على عمرها يدخل شخص يبتلي على اليوم اللي نولد بي واحد يجرة من ياخته واحد يسحله من قميصه واحد يشبگة المهم يشبع نتف لحد مايركب ومن يركب همات يتعاركون السواق على العبري القصد مو المهم البنايه بكد ما مهم الترتيب والقانون وهنا يجب التنويه لعدة نقاط عسى ان تصل الى اصحاب القرار لابراز وجه اجمل للمدينة
1- يجب الغاء ومعاقبة كل سائق لايحمل هويه ارتباط بالگراج وتكون مرقمة وباج تعريفي لحمايه نفسه ولحماية المسافرين ولاعطاء كل ذي حق حقه
2-كل محافظه وكل قضاء له مكان خاص سيارات صالون او سيارات كبيره ولايعترض اي منهم على الاخر
3-احترام المسافر والعائله بصورة خاصه وترك مظاهر التخلف والهمجيه واحراج المسافرين وخلق المشاكل للحصول على العبري
4- تثبيت سعر الاجره وعدم التلاعب بها من قبل اي سائق
5-وضع علامات داله على اسماء المحافظات والاقضية للمغادرة
6- الالتزام بالقوانين والحفاظ على نظافة الگراج من قبل الجميع
7 - تكدرون تضيفون اي ملاحظه ممكن تفيد وتوصل
وكل الاحترام للسواق اصحاب الاخلاق اللي ملتزمين بالقوانين
