ادبیات سئونلر

2022-09-01 22:32:24 باز کردن / نظر دهید

2022-09-01 22:32:22 «دومان بختیاری»

گئجه یاریسیدیر آنام یاتماییب
ائوینین چیراغی یانیر حله ده
آنامین گونشی هله باتماییب
آنامی کوچه لر تانیر حله ده

گوره سن خسته دیر یوخسا آغلاییر
آی آللاه آنامین آغرین آلایدیم
آنام سیزیلتیسین هارا باغلاییر
اورک آغریسینا قوربان اولایدیم

نه الیم اوزانیر گوز یاشین سیلم
نه سسیم سسینه قوشولور اونون
ایستیرم آنامین اوزونده گولم
باغرینا باسیبدیر گلینلیک دونون

آنام بیر دونیادیر،آنام بیر ائلدیر
آنام ووقاریندا داغا بنزه ییر
آنام فصیل-فصیل"دومان"لی تئلدیر
باهارلی،پاییزلی باغا بنزه ییر

دونیانی قار،بوران بورویورسه ده
ال آتیب ساچینی یولماسین آنام
منیم یاشیللیغیم چورویورسه ده
آماندیر سارالیب سولماسین آنام


https://t.me/Adabiyyatsevanlar باز کردن / نظر دهید

2022-09-01 19:58:01 خبر

«عباس_معروفی» خالق سمفونی مردگان درگذشت.

عباس معروفی (اردیبهشت ۱۳۳۶- ۱۰ شهریور ۱۴۰۱) رمان‌نویس، نمایش‌نامه‌نویس، شاعر، ناشر و روزنامه‌نگار معاصر ایرانی مقیم آلمان بود.[۲] او فعالیت ادبی خود را زیر نظر هوشنگ گلشیری و محمدعلی سپانلو آغاز کرد و در دهه شصت با چاپ رمان سمفونی مردگان در عرصه ادبیات ایران به شهرت رسید. وی در تاریخ ۱۰ شهریور ۱۴۰۱ درگذشت.

https://t.me/Adabiyyatsevanlar باز کردن / نظر دهید

2022-09-01 06:16:12 اوشاق ادبیاتی
«کارتون»


اوشاق ادبیاتی هرهفته پنجشنبه گونو ادبیات سئونلر کانالیندا  .
اوشاق ادبیاتینا دایر یازیلارینیزی بیزه گوندرین .

https://t.me/Adabiyyatsevanlar باز کردن / نظر دهید

2022-09-01 06:11:16 اوشاق ادبیاتی

آذربایجان افسانه لری

سؤیله ین: « صمد بهرنگی - بهروز دهقانی»
چئویرن:«منیژه جم‌نژاد»

دییرمان داشیندان گلین دونو

بیر گون واریدی بیر گون یوخودو. بیر پادشاه واریدی. بیر گوزل، نازنده صنم  قیزی واریدی. دونیانی آیاقدان سالسایدین، تایین تاپا بیلمزدین. مملکت لرین شازدا لاری ائلچیلییه گلیردیلر، آما آتاسی راضیلاشمیردی. یوخسول بیر اوغلان دا واریدی. پادشاهین قیزینا وورغون، قیز دا اونا وورغون. آما گئنه آتا راضی دئییلدیر. اولان ایش دئییل، من قیزیمی یوخسول بیر اوغلانا وئرسم، خالق نه دئیر، دئیه. بیر گون گئنه بیر اؤلکه دن ائلچی گلیب، آداملارین گؤندردی، نئچه سورو سوروشاجاغام دئدی. اولارا جاوابینیز اولماسا، قیزی گرک منه وئره سیز. اونجه اون دورد آت یوللادی، هامیسی بیر بویدا بیر رنگده. گرک بیر یاشیندا اولانلاری، ایکی یاشیندا اولانلاری، اوچ یاشیندا اولانلاری آییریب دئیه سیز. پادشاه بویوردو میدانی سولاییب سو٘پوردولر. هامی ییغیشدی، سورونون جاوابینی بیلن وار دئسین دئیه. هامی مات معطل دوروب آتلارا باخیردیلار. یوخسول اوغلان پادشاها یاخین گئدیب دئدی: پادشاه من سورونون جاوابینی بیلیرم. پادشاه دئدی: بیلسن، ایسته دیینی وئررم. اوغلان دئدی: پادشاه ساغ اولسون، قیزینی منه وئر، سورونون جاوابینی وئریم. پادشاه دئدی: هله جاوابی دئ، سونرا...اوغلان دئدی: بیر آز یونجا گتیرین، نئچه باتمان آرپا، نئچه بایدا سوت. یونجا، آرپا، سوت حاضیر لاندی، هره سینی بیر طرفه قویدو. ائلچی بارماغینی دیشله دی، بو اوغلان نه هوشلو باشلی دی، دئدی. اوغلان دئدی: ایندی آتلاری بوراخین. آتلاری بوراخدیلار. بیر یاشدا لار سوت قابینا ساری گئتدیلر. ایکی یاشدالار یونجایا ساری، او٘چ یاشدالار آرپایا ساری. پادشاه سئویندی،  اوغلانا چوخلو پول وئردی، آما قیزینی وئرمه دی. بیر هفته سونرا ائلچی قیرخ آغزی باغلی صاندیق گؤندردی، اگر بو صاندیقلارین هانسیندا کیشی، هانسیندا قادین وار دئیه بیلمه‌سز. قیزی گرک منه وئره سیز. پادشاه بیرینی اوغلانین دالیسی جان یوللادی، اوندان باشقا کیمسه بو مساله نی بیلمز دئیه. گئنه مئیدانی سولاییب، سو٘پوردلر، جماعت ییغیشدی. صاندیقلاری اورتایا قویدولار. اوغلان صاندیقلارا یاخین گئدیب، بیر بیر گؤتوروب، آغیر یونگول ائدیب، یئره قویدو. اوزو قیفیل لادیغی کیمی دئدی: بوندا کیشی، بوندا قادین وار....صاندیقلاری آچیب گؤردولر دوغرودور. پادشاه سئویندی، گئنه حدسیز، حساب سیز انعام وئردی. آما قیزین وئرمه دی. ائلچی ده اوغلانین هوش باشینا، باییلیردی. آز قالیردی اونو اؤزونه یانچی ائله‌سین. او٘چونجو گز یئکه بیر دییرمان داشی یوللادی، گرک بوندان گلین دونو کسه سیز، یوخسا قیزی منه وئره سیز دئیه. گئنه اوغلانی چاغیردیلار. بو سورونون دا جاوابی سنده دیر، دئدیلر. میدانی دا سیلیب سوپوردولر. اوغلان قوللارین چیرمالاییب اورتایا، دییرمان داشینین یانینا گئتدی. جیبلرینه قوم دولدورموشدو. داشی گتیرنلر ده داشین یانیندا دورموشلار. اوغلان اؤنجه دئدی: دئنه قیزینلا منیم عقدیمی اوخوسونلار. سونرا ایشه باشلایاق. من داها سندن بیر شئی ایسته‌میرم. پادشاه گؤردو، بو دفعه اوغلان ال چکمیه جک. قبول ائله ییب دئدی اولارین عقدین اوخودلار. سونرا اوغلان داشین دؤوره سینده فیرلاندی. اویان بویان گئتدی، اییلیب دو٘زلدی، درزی لر کیمی پارچا کسمک اداسی چیخاردی، چیغیر باغیر سالدی، تئز اولون قیچی گتیرین....بئله سؤزلر. سونوندا بیر اووج قوم تؤکدو شازدالارین بیرینین اووجونا تئز اول ایینه نی ساپلا دئدی. او دا هویوخموش دئدی: سنین عاقلین آزالیب، مگر قومو ساپلاماق اولار؟ اوغلان تئز دئدی: اوندا نئجه دییرمان داشیندان گلین دونو تیکمک اولار؟ ائلچی له آداملاری اوتاندیلار، اؤز اؤلکه لرینه قاییتدیلار. پادشاه امرائله دی یئددی گون یئددی گئجه، شنلیک سالیب، شادلیق مجلیسی قوردولار، قیزلا اوغلانی ال اله وئردی.
اولار ایستک لرینه چاتان کیمی، سیزده ایسته دیییزه چاتاسیز.
سون

https://t.me/Adabiyyatsevanlar باز کردن / نظر دهید

2022-09-01 06:09:55 اوشاق ادبیاتی

آذربایجان افسانه لری

سؤیله ین: « صمد بهرنگی - بهروز دهقانی»
چئویرن:«منیژه جم‌نژاد»

دییرمان داشیندان گلین دونو

بیر گون واریدی بیر گون یوخودو. بیر پادشاه واریدی. بیر گوزل، نازنده صنم  قیزی واریدی. دونیانی آیاقدان سالسایدین، تایین تاپا بیلمزدین. مملکت لرین شازدا لاری ائلچیلییه گلیردیلر، آما آتاسی راضیلاشمیردی. یوخسول بیر اوغلان دا واریدی. پادشاهین قیزینا وورغون، قیز دا اونا وورغون. آما گئنه آتا راضی دئییلدیر. اولان ایش دئییل، من قیزیمی یوخسول بیر اوغلانا وئرسم، خالق نه دئیر، دئیه. بیر گون گئنه بیر اؤلکه دن ائلچی گلیب، آداملارین گؤندردی، نئچه سورو سوروشاجاغام دئدی. اولارا جاوابینیز اولماسا، قیزی گرک منه وئره سیز. اونجه اون دورد آت یوللادی، هامیسی بیر بویدا بیر رنگده. گرک بیر یاشیندا اولانلاری، ایکی یاشیندا اولانلاری، اوچ یاشیندا اولانلاری آییریب دئیه سیز. پادشاه بویوردو میدانی سولاییب سو٘پوردولر. هامی ییغیشدی، سورونون جاوابینی بیلن وار دئسین دئیه. هامی مات معطل دوروب آتلارا باخیردیلار. یوخسول اوغلان...

بویازینین آردینی ادبیات سئونلر کانالیندا اوخویون.

https://t.me/Adabiyyatsevanlar باز کردن / نظر دهید

2022-09-01 06:08:14 اوشاق ادبیاتی
«صمد بهرنگی»

ماهی سیاه کوچولو به خودش گفت:
مرگ خیلی آسان می‌تواند الان به سراغ من بیاید،
اما من تا می‌توانم زندگی می‌کنم. 
نباید به پیشواز مرگ بروم. 
البته اگر یک وقتی ناچار با مرگ روبرو شدم که می شوم مهم نیست.
مهم این است که زندگی یا مرگ من چه اثری در زندگی دیگران داشته باشد.

کتاب ماهی سیاه کوچولو

https://t.me/Adabiyyatsevanlar باز کردن / نظر دهید

2022-09-01 06:05:45 اوشاق ادبیاتی

اوشاق ادبیاتی

باهالی میمون لار
«مرتضی مجدفر»

گونلرین بیر گونونده، بیر کند ده، هند اؤلکه سینده، بیر تاجیر کیشی کتدیلره اعلان ائتدی کی هر میمون قارشیلیغینا 20 مین تومن اولارا پول وئره جک. کتدیلر کی گؤردولر یان دؤره لری میمون لا دولودور، اورمانا گئتدیلر و باشلادیلار میمون توتماغینا. تاجیر ده مینلرجه میمون، 20 مین تومن دیرینه اولاردان آلدی. آنجاق میمونلارین ساییسینین آزالماسیندان اؤترو، کتدیلر بو چالیشماق دان ال چکدیلر. بونا گؤره ، تاجیر کیشی اونلارا پیشنهاد ائله دی هر میمون قارشیلیغیندا اونلارا 40 مین تومن وئره جک. بو دورومولا، کتدیلر چالیشمالارین یئنی دن باشلاتدیلار. نئچه زاماندان سونرا، میمون لارین مووجودلریندن یئنه داها آزالدی،اوراجان کی سونوندا کتدیلر بو ایشدن ال چکدیلر و گئتدیلر تارلالارین دالسیجان، اکینچیلیک پئشه لرین گؤره رلر.
بو سئری، کتدیلره 45 مین تومن پیشنهاد اولونور و ..... سونوندا میمون لارین ساییسی اوقدر آزالیر کی چوخ چتین لیک له توتماغا میمون تاپیلا. بو دفه تاجیر کیشی ائددعا (ادّعا) ائله دی که هر میمون قارشیلیغیندا 60 مین تومن اونلارا وئره جک. آنجاق چون بیر ایش اوچون گرک شهره گئده، ایشلرین الچیسینه (شاگیردینه) بوراخدی کی کتدیلردن اونون یئریندن میمون لاری آلا.
تاجیرین یوخلوغوندا، الچی کتدیلره دئدی: بو قدر میمون قفس ده واردی. من بونلاری هر بیریسین 50 مین تومنه سیزلره ساتاجاغام تاکی سیزلر تاجیرین قاییتماغیندان سونرا ، او میمونلاری اونا هر بیریسین 60 تومنه ساتاسیز.
کتدیلر کی وسوسه اولموشدولار و تاماحا دوشموشدولر، پوللارین اوست اوسته قویدولار و میمون لارین هامیسین آلدیلار.
البتده کی او زاماندان سونرا، داها هئچ کس نه تاجیر کیشینی گؤردو، و نه الچیسینی ، و یانلیز کتدیلر قالدیلار و بیر دونیا میمون.....!!!

https://t.me/Adabiyyatsevanlar باز کردن / نظر دهید

2022-09-01 06:03:45 اوشاق ادبیاتی

اوخویور:«اصیلا»
موشایعت ائدیر:«علی»

https://t.me/Adabiyyatsevanlar باز کردن / نظر دهید

2022-09-01 06:02:32 اوشاق ادبیاتی
یاشام

بولوت گلدی، یئل گلدی
 
چای- دره دن سئل گلدی.
 
گونَش گؤیده سارالدی
 
اوزون بولوتلار آلدی.
 
یئل گلیب دیر اَسمه یه
 
ساری یاپراق کسمه یه.
 
دورنا قوشلار اوچوبلار
 
دسته- دسته کؤچوبلر.
 
دان یئلی ده اویانیب
 
چؤللر ایشیق بویانیب.
 
قارا بولوت تله سیر
 
سویوق بارماغی کسیر.
 
قاچیب گیرین ائولره
 
قالین گئیینسین هره.
 
آنادان گئییم آلین
 
هم ایستی، هم ده قالین!

https://t.me/Adabiyyatsevanlar باز کردن / نظر دهید