هيعدي عليك وقت في حياتك هتلاقي عندك حالة من الاستسلام والهدوء | advantages

هيعدي عليك وقت في حياتك هتلاقي عندك حالة من الاستسلام والهدوء غريبة جداً!
استسلام هنا مش قصدي بيها يأس خالص بالعكس!
استسلام قصدي بيها انك هتحس انك سايب إيدك وبتتفرج
Just going with the flow

والموضوع ده بيحصل فاجأة لأكتر ناس طبيعتها انها بتفرك وبتخطط وبتعافر وبالتالي بتتوتر وتقلق وبتسأل ميت سؤال في الدقيقة وrestless كده.
غالبا بيكون السبب انها تعبت من التجديف وعايزه المركب تمشي شوية لوحدها؟
او عايزه تتفرج لما تبطل تجدف مين هيظهر ويستلم زمام المركب مكانها ومين هيبقى ملوش مكان؟ او يمكن عايزه ترتاح وتستمتع شوية ..
او زهق على تعب من اللي هي مش عارفه تغيره؟
يعني.. ممكن أسباب كتير

بس هي حالة غريبة وحلوة في نفس الوقت!
فيها نضوج وفلترة وثبات ويقين في ربنا ورؤية نوعاً ما أوضح زي البحر الهادي اللي مفيهوش موج فمخليك عارف تشوف اللي تحته كويس

استمتع بالحالة دي.. لحد ما الموج يرجع تاني
هبة السّواح.