2021-10-05 12:56:11
نستغل الفرصة طالما فيه ناس حست باكتئاب النهاردة ، دول 5 نصائح هتساعد في التخفيف من الاحساس بالاكتئاب بشكل عام :
1- دايما حاول متبقاش لوحدك :
من أكبر مشاكل الاكتئاب ان الشخص بينتقد نفسه بشكل كبير جدا لانه بيشوف انه مش مفروض يكون علي الحال ده خصوصا لو كان متابع لوسائل التواصل الي بتوصل صوره زائفه أن الناس كلها سعيده ومحدش عنده أي مشاكل ..فلازم تعرف انك مش لوحدك وان في ناس كتير مرت بظروف صعبه وازاي قدرو يتعاملو معاها .
2- لا تكن قاسيا علي نفسك ولا تقلل من ذاتك وحاول تحب نفسك زي مابتحب الي حواليك وتتعاطف معاهم
3- ممارسه الأنشطه :
حاول دايما تخرج من عزلتك وتمارس اي رياضه او هوايه بتحبها أو تقرأ كتب علشان تفرغ طاقتك السلبيه وأيضا العبادات الروحيه زي انك تصلي او تقرب أكتر من ربنا
4- حاول تغير البيئه المحيطه بيك :
المشكله ان الشخص في البيئه الروتينيه الي حواليه بيعجز عن ايجاد حلول فحاول تخرج لبيئه جديده تجدد فيها طاقتك وتساعدك علي التفكير بشكل أفضل
5- دايما لما تحس انك مخنوق او متضايق اتكلم مع حد بتحبه وتثق فيه واطلب مساعدته
وفي النهايه مهما كانت الحياه قاسيه وصعبه افتكر دايما ان النمله بتشيل أضعاف وزنها من الاكل لحد جحرها وفي مشوارها ده بتقع وتقوم مئات المرات لكنها بتوصل ليه في النهايه .
وهي دي الحياه طالما عندك اصرار وعزيمه هتوصل لهدفك .
CPD
185 viewsSarah Ahmed , 09:56
A
