#البارت 368 الصباح الساعه 7 طفى المنبه ورجع يرقد اسيل شافته | روايات قناة🇾🇪صنعاء حوت كل فن🇾🇪
#البارت 368
الصباح الساعه 7 طفى المنبه ورجع يرقد
اسيل شافته : فارررس الساعه 7
فارس: سهل ارجع اداوم اي يوم
اسيل : لا ، هيا جهزت لك الصبوح ، وأنا شخرج شويه عند فيروز اشوفها ققدت لها
فارس قام معصب داخله شعورين عمل جديد وغريب عن العمل الي متعود عليه شعور بيسحبه يجلس في البيت وبس وشعور لازم يشتغل ولايضيع الفرصه وكلام اسيل الي اداله امل : قرر مايفكر يطبق قاعده اسيل
( لما تكون متردد لاتسمح لنفسك بالاعذار انهض اول 5 ثواني)
اسيل بعد ماتجهز وجلس يصتبح (يفطر) تذكرت ايام ماتعرفت عليه ابتسمت : شكلك حالي وانت في بيتنا
فارس كان بياكل شافها :ضحك ، حياني الله صح
اسيل: حياك الله صدق من يصدق انحنا وقعنا لبعض .
فارس: انتي نعمه له الحمد والشكر رزقني بها..
هيا اوصلش معي؟
اسيل: لا عادنا شارتب البيت واكنسه ملان تراب انت لاتتأخر.
فارس: تمام لاتزيديش العمل ولاتخطيش خذي تكس .
اسيل بابتسامه: حاضر من عيوني.
ودعته للباب غلقت بعده وجلست زاعله عليه والي بيعاني منه ، بدأت تنظف البيت وراحت لفيروز..
فيروز فتحت لها الباب..
فيروز: راعيت لش خيرات شفتش تأخرتي بدأت افعل الغدا ماتشتي تقليلي وضروري وجننتيني و وينش
اسيل: بعد ماجلست وملامحها باين عليها حزن وارهاق
فيروز : بعدين مالش اليوم مابش حيويه وضحك وجنان
اسيل: في خبرين واحد حالي وواحد شوعه بأيش ابدأ!
فيروز : ابدأي بالحالي اول الثاني قدنا داريه عمتش الهرمه
فيروز صاحت: ابوووه ، المطاعم ملان مش ضروري اليوم طبخ جي اجلسي احكي كل شي.
في مكان ثاني..
فارس بيتكلم في التلفون ضبح ( بعد ماغير العمل احتراما له يكون عنده في البنك موظف إداري ) : مابش داعي تغير العمل عادي كنت شاداوم هنا
صاحبه المدير: لا قدك عندي حظك لقينا مكان شاغر ..تعال يلله احنا بانتظارك
فارس بيحاول يبطل يفكر انه مستواه قل وانه موظف عند صاحبه ويتقبل ظروفه : تمام يلا جاي.
بعد ربع ساعه وصل
المدير قام معه خرج وواقف من خارج المكاتب بيأشر له المكتب الي بايشتغل فيه: اهلا وسهلا فارس هذك مكتبك عيكون وعليك انت و2 قسم الاعلانات ، صح مش مجالك ولكن انت طحطوح عقلك حق افكار ومشاريع وخطط ، لو سويت لنا اعلان ننافس به بقيه البنوك اعرف احلى ترقيه تتوظف جنب مكتبي
