#البارت 370 مرت اسابيع بدون شي جديد يذكر مروى بتبكي : ليش هارب ! خرج قدله اسبوعين ولا جا نبسره ولا بيرد على اتصالاتي محد عاتبه ولحد قله شي ع الأقل يحترم انتظاري له.. انا اشتي يافارس تشلني بيتنا لو سمحت مشتيش اهلي الي يجو لي جميله : يابنتي ذلحين هو ماجاش ماسطي من اخوه ومني اصبري صلي ع النبي محلاش قد صبرتي مروى: وليحين اصبر يعني غلط وزد بيكبر غلطه اسيل: جربي ارسلي له رساله حاليه واذكري فيها ان امك واخوتك فاقدين لك ومراعيين لك مايسبرش تغيب اكثر لفت لها فارس مبتسم بيتحيلا لها جميله: والله انه صدق اسكه رسلي له مروى مسحت دموعها وتشجعت : طيب اخر محاوله معه جي يا اسيل علميني ماكتب له اسيل تحمست وقامت جنبها: وبيكتبين فارس بيشوف امه بنظرات وابتسامه تحدي امه: مالك؟ فارس مدقق في عيووونها وفي كلام بس اختصره بألغاز ، لفت لمرته ومروى منشغلات بيكتبين قام جنب امه وبيكلمها بصوت واطي: ولاشي سلامتش لنا ياغاليه تعرفي وليد من اين شل عناده هذا وتسرعه منش ، هيا مارأيش امانه انا غلطت حين اخترت. مروى واسيل فجأه سمعين صوت لطمه ع رجله رفعين عينهن من التلفون يشوفين جميله مبهرره وبتضحك وفارس جنبها بيضحك : انت يعجبك تستغل المواقف تذل واحد ناهي اعترف والله اننا كنت معميه يابني مافعل كل ام هكذا مروى فرحت فجاه وقفت بتجري غرفتها ترد: بيتصل جميله ضحكت : هيا يارب يرجع رفعت صوتها قليله يجي يتعشا بعد عشر دقايق خرجت متحمسه طرحت بنتها في حضن اسيل: قال عيجي وافق الحمدلله بس مش داري البيت اشتي افعل عشا خلي بنتي عندش ي اسيل اسيل حضنت بنتها : من عيوني فارس وقف: انا ويوسف نسير نديه شاتصل له بعد ساعتين ونص وصلوا .. الكل مراعي وليد دخل من الحوش دقنته كبيره وشعره بدون حلاقه ماعرفته مروى انصدمت لما شافته منزل راسه بيمشي وهو بيشوف الارض فارس دكمه وبيتكلم معه: هيا مالك ماسدينا ارفع راسك صدقني عنادك وراسك بس يشتيله كسر اما الفخ وقعنا فيه كلنا جميله مانتظرته خرجت و نزلت درجتين حضنته قوي وبتبكي وليد بكي معها وحب يدها وراسها: سامحيني يمه سامحيني مروى واقفه وبتمسح وشها بالفاين وليد اول مره يشوفها بتبكي عليه كان مشتاق لها وبنته شل بنته من يدها وبفرحه ابتسمت له: كبرت قد بتضحك اسيل: الحمدلله على سلامتك ام ندى واقفه بتدعي له وترحب به جلسوا فوق العشاء بدأو يتعشوا فارس شاف اتصال : هذا خالي جميله: ابسر مايشتي فارس: الو.. ماهوو ؟ لحظه ي خال صوتك يقطع قام خرج للحوش كلمه وقفل مصدوووم دخل فتح الباب جميله: مايشتي؟ وليد: او في مشكله ثانيه فارس بصدمه خالي..!! @afeshomody3 133 views21:00
