#البارت 372 فارس سمعهن صاح : ايش من مووول بعقلكن رفع صوته والكل متجمع متحمس فارحين: انا قلتلكم كم مساحه الارض !!! عمتي مش داريه بها ابدا وليد كان رايح الحمام فوقه المنشفه سمعه رجع: كم مساحتها صدق فارس ذكر ضحك : هكتار الكل صااح : كم !!! ياااي بتجنن جميله: اخي خرف الظاهر ويشتي يجننا معه وليد رجع بيصيح: بيقلكم بيدوروا أصحابها بتفهموا يعني عنتقاسمها مش كلها حقنا فارس بحمااااس وفرحه: والله حقنا احنا وعمتك الي مدري وين هي ومانعرفهاش وليد جلس يتقفز ويبترع بالمنشفه ويوسف بيبترع معه.. يوسف: طيب بكم فارس: بكم ضحككك هستيري وبعده بصوووت واطي : 2 مليون دولار كلهم صاحوا بصوت ابو ندى انزعج نكز من النوم فتح الباب وخرج من الصاله يداعي: ياجهال..الله الله.. خيررر طمنوني مالكم ام ندى لبست وخرجت شافتهم متجمعين في غرفه جميله بيضحكو ويصيحيو ويرقصو: خير مالكم افتجعنا قلبي وقف قلت مدري مابه اسيل: من تحيرف ذكر دين ابوه وهذا فارس ياخاله شكل فيوزه قرحين ام ندى دمعت: الله يسعدكم كم لي ما ابسرت الضحكه هذه ماحصل فرحوني جميله: ورثنا ارض لعمتهم الي لو يموتوا مايبسروا منها شبر لو الورق معها هذا اذا ماقد باعتها مروى الساعه 2 خزا صحيناهم هيا نرقد والصبح نفكر فارس: من اين عيجي نوم قلدش الله يامرت اخي وليد: هيا نخطى نراعي لخالك باب الباب كانت الفرحه فعلا غامره قلبهم جميله : ذكرت واحده عادها على تواصل مع عمتك شاتصل لها وابسر كيف نوصلها اسيل : ممكن ماتتحمسوش قوي خلو الامور عاديه عشان لو حصل شي ماننكسف قوا الاراضي هذه شغلتها طويله وليد : قسما بالله ماصبر شاوكل المحاكم كلها ثاني يوم جميله الصبح اتصلت وخرجت مسرعه تدق باب غرفهم تصحيهم..: عمتكم في صنعاء فرصه سيرو لاعندها عتديلي العنوان برساله فتحو باب غرفهم اول ماسمعوها ... @afeshomody3 توقعاتكم !! 72 viewsedited 22:03