حبك الى جعلني اقاوم الأمي \(^_^)/ البارت الثامن.''* (｡ | روايات قناة🇾🇪صنعاء حوت كل فن🇾🇪
حبك الى جعلني اقاوم الأمي \(^_^)/
البارت الثامن.'"* (｡◕‿◕｡)➜
لقد ضعفت حيلتي يا الله انت اعلم مافي قلبي فأنا بشر افقد السيطره وينقلب حالي ولا اطيق يومي ولكن انت قوتي يا الله اللهم كن معي حين تثقل نفسي بالهموم وحين اعجز عن الشكوا لغيرك. "
ههههه نسيت ما عرفكم على المشاطيف تبع وريف والصعاليك حق ولين كنت مركزه على بيت الدكتور ونسيت البقيه (◔‿◔).
ابتهال قدكن تعرفينها بنت خالتها لوريف بس حقوده وم تحبها لانها وريف مميزه اكثر منها و عايشه هيه وامها ابوها صايع ضايع مع بنات أمريكاء واخوها مثله على قولتهم ما يطلع لاابوه الا الحمار بس شكله حمار دامه نفسه يله تحصل ابوها با الاربع السنين وعاده غصب يخرج اليمن مدري كيف صابره امها يله مع تفعل بعض الزواجه من حق الدبور ورفيف ما تعرف انه خطيبها صايع.
وريهام بنت جارتهم قديه نفس ابتهال سبحان الله ما يتمنو الخير لا وريف خالص لو بيدهن كانين قتلينها زمان بس يله ربي يكفيها شرهن ابوها متوفي واخوتها مصطفى واكرام مصطفى الاكبر بس ما دخلوهم المدرسه الا مع بعض عشان اكرم شخصيته ضعيفه عكس مصطفى اما امهم اوف منها ما تخلي احد بحاله دايمآ تحرش وتنقول الكلام بين اناس وصداقه ولين مع مصطفى واكرم حلوه وقويه عكس صداقه وريف مع ريهام وابتهال وعايشين على معاش جدهم وراتب ابوهم لانه كان استاذ.
وفي السعودية وفي الرياض تحديدآ الحمدلله خال يان يشتغل في السعوديه ودور له عمله وكل شي معه تمام اتمام بس مهما كانت الفلوس كثيره هناك تبقى الغربه مره بعيدآ عن الاهل والاحباب بس عشان وريف بيسوي المستحيل.
(المهم الله يعيشني شعور الغربه كيف هيه ما اظن عادني باحن لليمن وما يقيد ربي الا وحوش ههههههه (◔‿◔) ".
.'وفي المدرسه وبتحديد عند البنات."
الاستاذ: اخرجين معكن اجتماع في القاعه حمله الالغام جاو يعلموكم كيف تاخدو حظركم منهن.
وفاء: ياييييي واخيرآ با يجمعونا مع العيال شا كحل عيوني.
وريف: كم تمنيت ادخل هاذا القاعه قدني متخيلتها مثل قاعه سباء .
ابتهال: قبرتوش انتي وخيالش انتي مدري كيف نهايتش تحلمي احلام اكبر منش قالت قاعه سباء قالت هوه صف عادي وفيه كراسي على م سمعت من الدفعه يلي قبلنا.
الين:وليش عادهم سموها قاعه شلوهم الجن لا اما لا تعجن.
ريهام:مدري ليش سموها قاعه هيه شا نسير ونكتشف با انفسنا كيف هيه.
دخلين القاعه على قولتهم وكان صف عادي مثله مثل غيره بس كبير وفيه كراسي مليان الوسط فاضي وع اليمين البنات واليسار العيال وفيه رسومات وكلام على الجدران.
وريف: يوه قديه ذي القاعه .
ابتهال: وقعت لش كسعه ملانت القصعه قلتو لا بطلي خيال بس م تفهمي.
وريف: قلدش الله وش فيك عليا تحملتيني حموله فوق راسش هاذا هوه ملا خيال وكيف انتي حرقه الله يستر لو خيالي واقع كان انتي في مستشفى المجانين.
وفاء يايييييي انتين والمناقفه حقكن شوفين هاذا يوه كيف هوه مشحوط ومزهه وحلو بمعنى الكلمه من تعرف اسمه.
الين: اسالش بالله ما كفاش خطيبش ولا كيف .
وفاء: بلا كفاني بس باشل احطياط لي لاخاني قا معي غيره.
ريهام: تقولين هههههه.
وفاء: اها ولاكيف لقاشي لهم يخونو بس ذلحين ما قلتين لي ماذي اسمه.
وريف:وانا مدرانييييي اسالي ست الحسن ريهام شا تقولش بااسماء الكل.
ريهام:ليش تحسديني ياوريف، ياوفاء اسمه يحيئ هاذا من دفعتنا وهوه طحطوح الاول في الصف.
وريف:ع ماذي احسدش على سواد عيونش قدهن تقل حق تيس باسكرات الموت لا تشقلبيهن.
وفاء: يوه ما شاءلله عليش ياريهام تعرفي اتفصيل الممله عليه.
ريهام: هاه ولاكيف وزيدش من البيت شعرآ قده مخطوب.
وفاء: قولي والله كسرتي قلبي .
ريهام: والله
.." وخلصت المحاظره وهن ولا عارفات ايش بيتكلمو اناس شله فساد الله يستر خلصت المحاظره وكل واحد رجع بيته."
. "في بيت الدكتور. "
وريف: وام وامممممممممم ومه يمه وووو وينك واممممممممممم يمه انتي هانا وانا قا سمعوني لا اخر اشارع وما تردي عليا.
امها:من يوم اعرفش وانتي مكانش جاوعه متى با تشبعي لو يبتع بش معاش بي غلابه لاكن مدري وين ليدينها ياقومي قدمي الغداء مع رفيف احسن لش من الهدره الفاضيه.
وريف: تمام تمام.
بعد الغداء الاب راح العياده والام تكلم اختها عشان اخر الاخبار يلي وقعت في الحافه فلان طلق فلانه حنقه فلانه مدري ايش سوت وجالسات يضحكين على خلق الله (كم اكره هاذا النوع من البشر)..... وتركي لا يذاكر همه المدرسه عكس اخوه الفاشل ولين في غرفته لايلعب بوبجي ذي العبه يلي شلت عقولهم.
ولين ويصيح بصوت قوي:واااااااا اكرم وراك وراك ياكلب ابن سوريا قتلني الله يقتلك العبه مثل اناس ولا دخلتو ارفسك وين مصطفى وين انت رخوه .
اكرم:والله ما رخوه غيرك شفت كيف قتلك ابن سوريا و مصطفى الان بينظم معانا.
