شخصية عنيدة : حرفيآ نحن م حاسين بقيمة وجود الاهل وتحديدا الاب | احاسيس مٌلٌُخبّطُِه
شخصية عنيدة : حرفيآ نحن م حاسين بقيمة وجود الاهل وتحديدا الاب والام وم مقدرين للنعمه دي وذي م بقولو الواحد م بيحس بي قيمةة الحاجة الا لم يفقدها ي جماعة عليكم الله عليكم الله ابقو عشرة ع امهاتكم واباكم وم تزعلوهم وم تعملو الشي بضايقهم فيها شنو لو طيبتا خاطرهم بكلمة وعملت العايزنو صدقني م ح يكلفك شي بل بالعكس ح تخلي يومك حلو برضاهم لانو رضا الله في رضا الوالدين ابسط شي تجي داخل من بره بتكورك باعلي صوت و بتسال منها بلهفه امي ي امي وبتفتش البيت كلو مع انك فارقتها قبل شوي وانت م بتكون عايز حاجة بسس احساس انها في البيت وكدا فما بالك تفقدها من الدنيا كلها وتفقد حسها وطلتها ودعواتك
ولا ابوك ابوك اللي ساعي وجاري وناسي نفسو وشقاوتو علشان يامن مستقبل حضرتك علشان يربيك علشان يعلمك ويطلعك احسن حد علشان يلبي طلباتك علشان م يخليك محتاج شي علشان م تنقص شي من زملائك َوصحابك تجي انت تعصي كلمتو وتتطانش كلامو وتسفهو وابسط شي م تلبي طلباتو عارف قيمةة الحاجة دي.. م ح تعرفها الا لم ابوك فجأة ينتكس ويرقد في السرير ويصبح لا يقوي ع الحراك ح تعرف قيمةة الحاجة دي لم فجأة ربنــا ياخد أمانتو.. ح تحس بقيمة الحاجة دي لم انت تتخت إمام الامر الواقع وتبقي راجل البيت بدالو ومتحمل مسؤلية بيت بحالو 4 بنات و3 اولاد تربيهم وتعولهم وتصرف وتعلم وتجيب وتاكل وتشرب والاهم من دا تربي خت تحتتها الف خط تربيهم يعني تتطلعهم ناس فاهمه وتعرف درب ربنــا وتحافظ ع الاسرة وسمعتها في الوقت دا ح تعرف يعني شنو موت ال ووجود في حياتك ح تعرف قدر شنو هو كان متحمل وانت ولا ع بالك.. صدقوووني مووووت الاب كسسرت ضهر وموووت الام كسسسسرة روح
برجع واقوول ابقو عشرة يخونا عليهم اسعدوهم بكلمة بهدية بي فعل يرفع راسهم في الاخر هم عايشين لمنو وعشان منو مش علشان يشوفو جناهم ناجح ومبسوط ويامنو حياته.. فيها شنو لو صحيت الصباح ودخلت المطبخ ع امك وبستها في راسها وقلت ليها كلمة حلوه صباح الخير ي ست الحبايب..
فيها شنو لو اتصلت ع ابوك وهو في عز شغلو علشان تتطمن عليه وتقول ليه اشتقت ليك.. م بكلفك شي في حين انك انت بتحازف الرصيد علشان تتصل ع صحبك ولا زميلتك علشان الليلةةةة عيد ميلاد هم الدايمين ليك وهم البشفعو ليك خليك معاهم علشان م تفقدم وتصاب بالخيبةة والانتكاس والانكسار والندم.. وجود الوالدين حياة وامان وسعاده..
