الرادود احمد الزوار

2023-04-04 20:53:39 هوسات جنوبيه
لذكرى ولادة كريم أهل البيت
الأمام أبا محمد الحسن المجتبى عليه السلام
.........
يريحانة محمد يبن داحي الباب
دمعنه أبمولدك فوك الوجن سجاب
يم بابك الحاجه أنذبها هيجي أذباب

ها ها
أبهاي الليله المزدانه
يابو محمد مولانه
جودك شرع بيبانه

ها ها ( عيديه )
ونطينه أبجفك عيديه
........
يا سبط الرسول المصطفى المختار
يابن فاطمه أو حيدر علي الكرار
سبع دورات ألك روحي عسن تندار

ها ها
جيت أباليلة ميلادك
أندب وفرح بعيادك
رايد تنطيني أمرادك

ها ها ( مضمونه )
ودري أبفزعاتك مضمونه
.........
خادم أهل البيت
الشاعر : أسماعيل الجوراني
الأثنين : 3/4/2023 باز کردن / نظر دهید

2023-04-02 14:06:14 حيّوا الحسن ..... حيوا الحسن
وبمولده...... حيّوا الحسن
للهادي هالريحانه هله هله
وسيد شباب اجنانه هله هله
جود وكرم علمؤمنين بكل زمن ... حيّوا الحسن
-------------
حيّوا الذي باقدس شهر بي مكرمه
للمسلمين برحمه من رب السمه
واول هديه للنبي وللفاطمه
ولآية الله العظمه حماي الحمه
طيبه ضوت بانواره هله هله
وللهادي فرحه بداره هله هله
وارواحنه ماجينه من داره اطلبن .... حيّوا الحسن
------------
ما جينه تطلب كل سنه بهاليوم اجت
ارواحنه لبيت الكرم واتعودت
بخمسطعش رمضان ماجينه اصبحت
بهالفرحه مغفوره الذنوب اتأكدت
بيوم الحسن مغفوره هله هله
والجنّه بي مذخوره هله هله
وللي يواليه بصدكَ جنّه ضمن ..... حيّوا الحسن
---------------
شعظمه الاجانه بشهر طاعات واجر
وبمولده الفرحه تضل طول العمر
وباعظم ثواب من الله لليحيي الامر
فرحتنه لافراح النبي واهل الذكر
للمؤمن اعظم راحه هله هله
بذكر النبي وافراحه هله هله
والعهد يتجدد بكل فرحه انعلن .... حيّوا الحسن
--------------
نور الحسن هاليوم ساطع علارض
والشامل بجوده الخلك طول وعرض
هذا الولائه عله البريه اصبح فرض
مرحوم كلمن بايعه ومو معترض
والصار من اتباعه هله هله
اخلص لربّه الطاعه هله هله
ويهنّي طه وحيدر يهني ام حسن ....حيّوا الحسن
ابوذيات
------------------------- بحسنهم
يضل طايف ابد عكَلي بحسنهم
بحسين المِلَك روحي بحسن هم
وابارك للنبي وآله بحسنهم
بميلاده اليمر هاي المسيّه
----------
معزها
انه روحي لبو محمد مَعْزها
ولو هالروح لبن ادم مَعَزها
اذكره بمولده الامّه مُعْزها
مُعزّ المؤمنين ابن الزجيّه
---------
وريحان
بذجره انه اسعِد كَليبي واريحان
واحس امّكامل بعكَلي وريحان
بشبيه المصطفه وروحه وريحان
الحسن من الله للهادي هديه
-----------
هيامن
اهيم بذكر ابو محمد هيامن
وانسه الياذن اطردهن هيامن
وراحة بال تلفيني هيّه من
ذكر اكرم ذراري الفاطميه
------------ باز کردن / نظر دهید

2023-04-02 14:01:11 مولد الامام الحسن ع

أول بدر ... عد علي وفاطمه
أول بدر ... نوره ضوه السمه
اسمه الحسن …… اسمه الحسن

فاطمة ادگل العلي يابالحسن شوف الحسن محلاته
يشبه الجده النبي وچنه البدر تلمع لمع وجناته
تضحك الدنيه الي الهم ينجلي كل ماشفت ضحكاته
واني بيه استبشرت وتبخترت وتباها بحچاياته

غالي شكثر .. حبه يروي الضمه
أول بـــــدر .. نوره ضوه السمه



هذا ابو الچف السخي الينبع كرم والمافرغ ديوانه
هذا ابو الملگه الحلو وراعي الهلا الصار الكرم عنوانه
يگعد ايدگ اكهوه من الفجر والله شملذ فنجانه
ريحة الگهوه اوصلت سابع سمه موسابع ابجيرانه

بيه يفتخر … علي حامي الحمه
أول بــــدر … نوره ضــوه السمه



تعجز اقلام الشعر وهل العلم متحيره بأوصافه
موفقط حاجه وكرم يكسب علم كلمن تعنه وضافه
الحسن منبر معرفه ومنبع وفه تعجز تعد الطافه
ابمولده الكل مبتشر وي حيدره وطه ابتسم من شافه

تسجد شكر … فاطمه العــــــالمه
أول بــــــدر … نوره ضوه السمه



ابلحظه البيها انولد مو بالمهد نايم ابصف ادلاله
الحسن اول مانطق كلمة هلا ومعنى الهلا يحلاله
لاكريم الا الحسن في كل زمن والكل شهد بفعاله
الچفه مالاح العنب مثل الحسن گلي شيحط بسلاله

بس الحسن… كاســـــب الغانمه
أول بــــــدر... نوره ضوه السمه

الخادم
كامل السعيدي باز کردن / نظر دهید

2023-04-02 13:57:52 ابوذية مولد الحسن عليه السلام


هلـه ابيومك يـبن حيـدر     هـلا بيك
كريم وكل خصال الطيب    هـالبـيـك
يشهر الخيـر نـور الحسن    هـل بيـك
زادك  شــرف يــوم انـتـشـر ضـــيـــه


كلمات الشاعر
علي ابوسما الديواني باز کردن / نظر دهید

2023-04-02 13:54:59 ابوذية مولد الامام الحسن عليه السلام


محـبتـكـم نـهـــر مـنـهـا    وردنــه
ونـزف للـوادم الـفـرحـه    وردنــه
ساعـة مـولــدك جـبـنــه    وردنــه
نطشه اعلـه الخلـگ هـاي المسيـة


كلمات الشاعر
علي ابوسما الديواني


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-04-02 13:52:37 لميلاد الامام الحسن ع
.
.
.

انه محبوبي  .. محبوبي .. محبوبي الحسن
انه محبوبي .. محبوبي .. محبوبي الحسن
__

اعليه اسئلو الوادم .. امسودن انه وهايم
واليـريـد ايـشوفني .. ايـصـير مثلـي لازم
مثلـي كـون افعـاله .. الحسـن ساكـن بـاله
المــامجـرب روحـه .. لايـــگـــول اشـمـاله

هواي گالولي .. گالـولي .. گــالــولــي لـمن
انه محبوبي .. محبوبي .. محبوبي الحسن

__

الله يدري بغايـتي .. من حچيت احچايتي
البعض صـَدگ بيـه .. چـيـف بيـضه رايـتي
أكـو ميــصـدگـوني .. الحـجة الله اجـنوني
حچو عني اهـوايه .. كـــوداً ايــكــرهــوني

ولليحبوني .. اچفوفي .. اچـفوفي انـدعن
انه محبوبي .. محبوبي .. محبوبي الحسن

__

بالحـسن محـبـوبي .. المـايعـجـبه اسلـوبي
انــه اريــد اعـلنــها .. لايــــگـــرب صـــوبي
أبتــعــد گــالـــولي .. وانـــه ادري ابـــذولي
واعــرف ابنـيتــهم .. همــه مــن حلــفــولي

ظنهـم اتنازل .. اتـــنــازل .. اتـــنــــازل لان
انه محبوبي .. محبوبي .. محبوبي الحسن

__

بعـيني اشوفـن أيه .. وبسـمــه امـسـمايه
المــاقـبــل لايـقــبل .. كل شخـص وبرايه
المـاعــرف معــناها .. گـــَلــي لاتــقــــراها
خـوفــي لافــسرها .. ومنـه يـزعــل طاها

دومـي اقراها .. اقــراها .. اقــراهـا بشجن
انه محبوبي .. محبوبي .. محبوبي الحسن

__

امجدي جـاي ابــابه .. انـــي مـثـل احـبابه
والحــســن ادريـــبه .. مــــايــــرد طــــلابه
چــفي مـــن مـديته .. خــالــي مــــارديـته
بيدي صـك انطــاني .. وبي شفاعه اقريته

اعرفته يشفعلي .. يشفعلي .. يشفعلي اذن
انه محبوبي .. محـبوبي .. محبوبي الحسن

__

الماوصـل لـي ابحـبه .. هــــذا هــــوه وربه
لايــشــــهـــر بـــيــــه .. السمعه جدا صعبه
ناصــبي اليبــغضني .. وابـــد لاميـــحـبني
عـلى اقــل احـچايه .. اجبـال بيــها يــبني

رايــد اعلنــها .. اعلـنهـا .. اعــلــن للــزمـــن
انه محبوبي .. محبوبي .. محبوبي
حيدر تركي الكربلائي

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-04-02 13:49:57 ميلاد الامام الحسن ع




نجمات السماء .. احتفلت هالمساء
وي خير النساء
بميلاد الحسن

----------------

بالمبارك .. كلشي ايصيح ابهالبشره
بالمبارك .. شُـــبر عطـــرنه بعـــطره
بالمبارك .. سبـــحـانه الــــذي اسرى
بالمبارك .. مــن حيـدر الـــى الزهره

وكل الانبيـــاء .. احتفلت هالمساء
وي خير النساء
بميلاد الحسن

-----------------

ضوه اعيونه .. جل الخـــالق سبــحانه
ضوه اعيونه .. گــال الهادي الصـحبانه
ضوه اعيونه .. وي ما اقبـــل ضـــوانه
ضوه اعيونه .. شگد بي فاطم فرحانه

وخيوط الضياء .. احتفلت هالمساء
وي خير النساء
بميلاد الحسن

----------------

تهانينه .. انرسلت من نجمه النجمه
تهانينه .. انولدت للعــصـمه عـصمه
تهانينه .. والله وگــــرة عــيــن امه
تهانينه .. حقهــا وتتــباها ابــرسمه

ابميلاد العطاء .. احتفلت هالمساء
وي خير النساء
بميلاد الحسن

----------------

معانيه .. قــرأنـــيـه وتـــتـــوقد
معانيه .. ممزوجه بريحـة احمد
معانيه .. بيه بيــت الزهــرا عيد
معانيه .. بـماشـاء الله تتــجسد

الجيته الاوصياء .. احتفلت هالمساء
وي خير النساء
بميلاد الحسن

----------------

الى الزهره .. امن النفحات القدسيه
الى الزهره .. وصــلـت اول حـــوريه
الى الزهراء .. الاعظم حوراء انسيه
الى الزهره .. تحمــل هـاي الجــوريه

بعطر الازكياء .. احتفلت هالمساء
وي خير النساء
بميلاد الحسن

----------------
علي بيته .. من هالميلاد اسـتبشر
علي بيته .. وي صوت الزهرا كبر
علي بيته .. الـهذا المـولود اتنطـر
علي بيته .. صاح امبارك ياحـيدر

طيبـــه وكربلاء .. احتفلت هالمساء
وي خير النساء
بميلاد الحسن
----------------
حيدر تركي الكربلائي

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید