الرادود احمد الزوار

2022-09-24 09:23:41 #قصائد_استشهاد_النبي_(ص)
#الرادود_احمد_الزوار



بعده ماغمض الهادي اعيونه
وبحجيهم كامو اياذونه
...
عله افراش الموت وامشامر حجي
لا قبض عاللحيه لا جو بي بجي
ايريد عالكرسي المنافق ينتجي
والجنازه تبقه مامدفونه
...
شرد اسولفلك عله الخطب الجلل
عالثلاثه لو على ام الجمل
دخلو الاسلام بس بيهم هبل
اشما يوسوس الهم ايطيعونه
...
خالفو رأي النبي وزعلان مات
ذوله موصحبان عثه بالحياة
ومن الممكن همه ياناس الجناة
ومو جديده اعليهم ايسمونه
...
بالسقيفه اهناكه عقدو مؤتمر
وشكو واحد شيعي طعنوه بالضهر
شوره كالو حسبنا هذا الاثر
والغدير اتجاهلو مضمونه
...
وابتده الاسلام يفرغ محتواه
مو عداله البيعه صارت بالاكراه
حاكم واول فعل هذا الجناه
هتك حرمة فاطمه المصيونه
...
دفعو الباب اعله بت المصطفه
وانكسر منهه الظلع شوف الجفه
تنحسب هذا خيانه مو وفه
ليش جا صاحبهم يخونونه
...
انريد نعتب عالشوارب واللحه
الدورت وي الرسول المصلحه
حته ماحضرو قروله الفاتحه
ولا اجو للمرتضى ايعزونه
...
خلو الكرار متنكب يروح
للدفن شايل سموات الجروح
غير حيدر ياهو للامه نصوح
وهو اعلمهم علي يعرفونه
...
هذا تاريخك يمسلم شوفه زين
حته تفهم ياهو رض صدر الحسين
الخالفو منهج امير المؤمنين
ذوله همه الشجرة الملعونه
...



1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar باز کردن / نظر دهید

2022-09-24 09:19:37 #قصائد_استشهاد_النبي_(ص)
#الرادود_احمد_الزوار


استشهاد الرسول  ص

هم يرد بينه الزمن
نلتقي يم الحسن
     باچر ايلمنه القدر
     انه وانتي اعله النحر
نلتقي يم الحسن
     ++++++++++
بحزنچ ومجره دموعچ فاطمه اتأذيني
اقره الامچ عليها ابنظرتچ رحميني
وانتي تدرين العلاقه بينج اوما بيني
اوداع ام لو بنت ابوها بيمن اتودعيني

       اثنينهن بيهن الم
       بابچ وحرگ الخيم
ومنهن الاكثر وامر
انه وانتي اعله النحر
      نلتقي يم الحسن
           ++++++
الدمعه قدر المستطاع اگبالي لاتبچيها
ابدار الاحزان اعله كيفچ عبرتچ ونيها
اعليچ بابچ نار بيها وناس تدفع بيها
يالزچيه وهايه عينچ للسطر حضريها

      اشينحمل ذاك الوجع
     حته محسن لو وگع
اكثر ايموتچ قهر
انه وانتي اعله النحر
      نلتقي يم الحسن
      ++++++++++
انتي روحي ال بين جنبي عندي كل اخبارچ
ينكسر ضلعه محمد فاطمه ابمسمارچ
لو هويتي اوياچ اطيحن فوگ عتبت دارچ
سطرت الچف اعله عينچ بجفني الگه اثارچ

     الباب لمن يندفع
    مني هم يكسر ضلع
وينحني مني الظهر
انه وانتي اعله النحر
      نلتقي يم الحسن
    +++++++++++++
تالي ارجع يالزچيه ابعمر الاكبر انه
حسين يحضني واخلي الساني فوگ السانه
وانتي بحجاب العقيله تنحنيني اويانه
ايجيب بابچ يالزچيه للخيم نيرانه

       جسمي مرمي بالترب
        حته ثوبي منسلب
وخنصر الچف انبتر
انه وانتي اعله النحر
      نلتقي يم الحسن
     +++++++++++
حسين مني وانه منه كلكم اتعرفوني
ويه جسمه بالحوافر فاطمه ايسحگوني
اندفن راسي اعله جسمي هسه وتشيعوني
لكن هناك ابحصيره بكربله ايلموني

     حته صوتچ من يون
     اهناك اسمعه بالدفن
ونّه لتفسر الحجر
انه وانتي اعله النحر
   نلتقي يم الحسن
       ++++++++++++
دنيه مابيها محمد تختلف بغيابي
رايح انه اوداعت الله بلغيها احبابي
اليحضر بذيچ المجالس والبچه لمصابي
طمنيهم يالزچيه لليحبني اجوابي

        ما اعوفه بالحشر
       ابكوثرچ لمن يمر
وكاس حيدر عالنهر
انه وانتي اعله النحر
    نلتقي يم الحسن

ثائر الربيعي




1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar باز کردن / نظر دهید

2022-09-24 09:14:37 #قصائد_استشهاد_النبي_(ص)
#الرادود_احمد_الزوار




قصيدة ( غربة علي )
ذكرى شهادة سيدي ومولاي نبي الرحمة أبي القاسم محمد صلى الله عليه وآله وسلم

ودعتك وضاگ الفضا بعيني
وبدفنتك چن دافـن اسنيني
جمر الحزن يالهادي يچويني
............................................................................................

حسبة امصابك صدگ حسبه طويله
الليله دين الله إنهـــدم يالهادي حيله
يا حبيب الله المواجع مو قليله
والله ليله الباعدتنه شلون ليله

فرض الحزن من خلصت أيامك
بالمهجه يبدي وكلنه أيتامك
حال الأجل ما بينك وبيني
............................................................................................

هيه مو بس فاطمه اليتّـمـهـه بُعدك
چم يتيم الليله يابو الزهره عندك
تدري أولادي يماي العين ولدك
تثگل الحسره على السبطين بعدك

أظلم نهاري وبالگلب حسره
كلما أشوفن بنتك الزهره
يجري دمعهه وهذا ياذيني
............................................................................................

هيه غربه وابتدت وبروحي غربه
ليله اوداعك وحگ العِشره صعبه
تگظي حسبه وتبتدي بالروح حسبه
مثل المضيع دليله وليل دربه

هيه الهضيمه من أظل وحدي
والگالوا أصحابك صفو  ضدي
لا مو غريبه الكل يعاديني
............................................................................................

وحشه يا مولاي هالليله  المدينه
واليحبك ينسمع لجلك ونينه
آه واويلاه عالبضعه الحزينه
هذا أمر الله وبعد شيصح بدينه

يختم كتابك هسه صفحاته
ليل الفگد تذبح معاناته
ويجيبني النوح ويودّيني
............................................................................................

شراح يحصل يا نبي الرحمه بغيابك
بينت الأطماع من ليلة مصابك
يا چفوف التدفع اعله الزهره بابك
عالخلافه الوضحتهه بنص كتابك

(( يهجر )) عليك شلون گالوهه
يا حرمه بعدك بالله حفظوهه
چف الزمن رايد يلاويني
............................................................................................

آني حيدر والحزن نيرانه بيه
غربة عايش بعدك وكلهم عليه
ضاگت بعيني السمه وهاي الوطيه
وبلغتني بكل تفاصيل الوصيه

هاي الوصيه ألتزم بيهه
والطاهره بعيوني اخليهه
رغم المآسي الراح تلفيني
............................................................................................

خادم الحسين عليه السلام
عمار هليل الواسطي


1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar باز کردن / نظر دهید