خلواتك تدمر.. خلواتك تضيع .. نفسك تحفظ قرآن ماتعرفش نفسك تقوم | أحمد المنجي | القناة الرسمية
خلواتك تدمر.. خلواتك تضيع .. نفسك تحفظ قرآن ماتعرفش نفسك تقوم لصلاة فجر ماتعرفش نفسك تشتغل في الدعوة ما تتوفقش نفسك تعمل أي حاجة من خير الدنيا والآخرة متسكرة عندك مش متوفق فيها. راجع الخلوات ...
أنا قافل الباب عليَّ حد شايفني قلنا قبل كده أبويا مش شايفني ولا أخويا ولا حتى ولو أنا متجوز ولاولادي مفيش حد شايفني أنا بعمل ايه خلواتك بقى تقدر انت تقيم نفسك وتحدد نفسك أنا فين أنا رايح فين..
أشوف خلواتي متظبطة لأ ده أنا الحمد لله ربنا كرمني باقعد مع نفسي مع نفسي بقرأ قرآن بصلي أذكر الله اسأل الله الثبات والمزيد من فضله..
في خلوات بقى عايزة تتظبط.. عاوزك تفهمني كويس مينفعش تكون حريص على الصف الأول، وشيخنا و أستاذنا وقدوتنا دا إللي ظاهر أمام الناس وقدوتنا بيكلم بنات في الحرام وقدوتنا بيتفرج على أفلام إباحية مش نافع ..مش هينفع خالص تكون أمام الناس قدوة أمام الناس مصلي أمام الناس عابد طائع لله وإنت بينك وبين ربنا كارثة وانت بينك وبين ربنا مصايب ..
آه ممكن الإنسان يضعف، يعني ممكن الإنسان يضعف ويكلم وحدة في الحرام؟، اه ممكن.. داخل على النت ويضعف ويتفرج على حاجة حرام لا ترضي الله، ممكن آه ممكن لكن الإنسان الذي يخاف الله مايعرفش يكمل في الحرام يعني إيه؟وهو ماشي في طريق ربنا ممكن يقع في ذنب واتنين وتلاتة وأربعة ومئة بس المية ذنب إللي وقع فيهم يقول لك والله غصب عني والله ما نفسي أقع في الذنوب دي، ده أنا وقعت فيها غصب عني لضعفي مش قادر على نفسي هو صادق، هو فعلا صادق مع الله، ولذلك ما بيعمل الذنب تلاقيه تعبان ومخنوق وبيجري على السجادة بتاعته ومكسوف من ربنا ..
ده حال الإنسان المؤمن الذي يخاف الله يعني عشان ما تفتكرش عشان هو ماشي في طريق الله إللي هو معصوم من الذنوب والمعاصي لالأ ممكن يقع، لكن مش بإرادته، مش واحد قاعد في المسجد متقمص الدور الطائع وإللي عابدو الحلو والجميل خلص راح البيت هات التليفون دخل على الرسايل كلم البنت!
طب إنت ضحكت على الناس إللي معاك في المسجد وضحكت على أبوك وأمك وضحكت على الناس كلها لكن ما تعرفش تخدع رب العالمين ده برضه لمين؟ إللي قاصد يقع في الذنب مش بتكلم عن واحد وقع في الذنب غصب عنه. لا لا لا لاده قام جايب التليفون كده متعمد داخل على الإباحيات متعمد داخل على الحرام، لأ دي كارثة لأ راجع حساباتك...
لان لو استمريت في كده إما ينتكس في الصلاة مفيش عبادة وبدأ يظهر الوجه الحقيقي ليه بتاع البنات ولا بتاع أيا كان بقى بدأ يظهر الوجه الحقيقي... أو ربنا يعافينا يا رب ييجي في جزئية كده ولا في مرحلة من المراحل ويتفضح إما أبوه يعرف أخوه يعرف زوجته تعرف أولاده يعرفوا
كان من الاول نستر على نفسنا ونصلح نفسنا. .. - الشيخ أحمد المُنجي
