الشاعر احمد عيسى البديري

2022-08-31 23:43:10 اسرك سر يبويه واسمع احساسي
بحجرك ما اضن يغفه بعد راسي
نهايه الهجر مو شده
ووياك الفرح عده
____
حنيت _ ونيت_ وسكن صوتي وبقت روحي
تشتاك _ الفراك _ ملح وغيابك ايذره عله جروحي
تمنيت _ ياريت _ تجيني وامسح بثوبك دمع نوحي
احلام _  وايام _ لاتخلص ولايخلص الك دوحي

كل مسافر اتعنه واسئلنه
ابوي الراح ماعندك خبر عنه
يكلي الراح شيرده
ووياك الفرح عده باز کردن / نظر دهید

2022-08-30 14:15:32 طفل ومفجوع يرويلي الصار
حلمان اليوم بالطف والنار
سولفلي عن حلمه _ والواقعه اتألمه
يرويلي الصار
____
عن الطف حجه ما كال وبجه ودموعه تسيل
شاهد هل امر وبكلبه الجمر مابين الخيل
يركض منفجع مابين الجمع ويصيح الويل
شو نور الظهر اضلم منكدر جن وجه الليل

اصرخ محتار ياعمي يكول
أفعال الناس بهل الشر معقول
دمعه وي كل كلمه _ والواقعه اتألمه باز کردن / نظر دهید

2022-08-22 23:26:06 السلام على الحسين الشهيد

ياشيعه فري النحر يختلف بالذبح
وذبح القفه أصعب بعد وكل جسمه صاير جرح

ويل علمذبوح
ويل اتطلع الروح
ويل ويل باز کردن / نظر دهید

2022-08-21 17:19:00 كأني بمجلس عزاء للفواطم عند قبر الزهراء عليها السلام

تقيمه فاطمه ام البنين وفاطمه العليله والحوراء زينب عليهم السلام في البقيع 



اثلث فواطم بالبقيع —- ايندبن احسين الصريع

وحيد ،، غريب ،، حسين

قتيل ،، سليب ،،  حسين

/////////////////////

اول فاطمه - - من تحت الثرى حنت وانت

مكسورة ضلع - - كون ابكربله وياهم تمنت

وتعين الحرم - - ساعة ما عليها جيوش شنت

تسليب وحرك - - ورماح وحجر بألطف تجنت


ينلجم ضلعي تصيح ،،،،،من اسمع حسيني  يطيح

ذبيح،، عجيب ،، حسين

قتيل ،، سليب ،، حسين 

،،،،،،،،،،،،،،

ثاني فاطمه - - ضحت بأربعه أقمار وبواسل

تحس امقصره - - جي راس الحبيب ابرمح ماثل

تمنت لو الف - - واحد خلفت مثل ابوفاضل

وابطف كربله - - تتوذر جثثهم عل محامل


بكدهم اتمنت بنات ،،،، بامر زينب حاضرات

بكاء ،، نحيب ،، حسين

قتيل ،، سليب ،، حسين 

،،،،،،،،،،،،،،،،،،

ثالث فاطمه - - معلوله وبقت تنظر أهلها

تمنت من اجو - - لو حاضر قبل منهم اجلها

عيشها الامل - - بس ضيع ابن حذلم املها

تشكي من العلل - - وأهون ما يمر بيها عللها


يوميه تحلم باليصير ،،، وتشكي لله هلمصير

أبوي ،، خضيب ،، حسين 

قتيل ،، سليب ،، حسين 

،،،،،،،،،،

كعدن للعزه - - و حضرت زينب وعلت نحيبه

تسولف كربله - - بعيون البقت بالطف غريبه

حملت كم حزن - - حزن اثلث فواطم والمصيبة

وأصعب ما شفت - - كيدني العدو وأمشي سليبه


بعيوني أعاين للعضيد،،،، ايميد رمحه من أميد

حنين ،، حبيب ،، حسين 

قتيل ،، سليب ،، حسين 

،،،،،،،،،،،،،

احنه أهل الحزن - - واعلينه المدامع مو جديده

يرخص كل جرح - - عدنه المنذبح بألطف وريده

يودع بالأهل - - اليمسح  عينه واليمسحله ايده

شمسحلك كلت - - صدلي وعاين الحومه البعيده


اتعجبت من هلمقال ،،، بس اعرفت وقت القتال

صدر ،، رحيب ،، حسين 

قتيل ،، سليب ،، حسين 

،،،،،،،،،،،،،،

رديت بدرب - - نفس ألبي اجيت وي النشامه

بس بيا وضع - - ما مكفوله واتكفل يتامه

يأخذني الأجل - - لو شافت عيوني أي علامه

بيها من الأهل - - ذكرى لو فقط كلمه سلامه


لو اثر منهم اشوف ،،،، ترجع بعيني الطفوف

خيام ،،، لهيب ،،، حسين 

قتيل ،،، سليب ،،، حسين 


احمد عيسى البديري باز کردن / نظر دهید

2022-08-16 00:52:50 لحن فاطمه من العبا
ملا على الجبوري باز کردن / نظر دهید

2022-08-14 17:34:12 العَبَاءُ ، كِسَاءً مُكَوَّناًمِنْ قِطْعَةٍ وَاحِدَةٍ ،
مَفْتُوحٌ مِنْ قُدَّامٍ ، وَاسِعٌ بِلاَ كُمَّيْن
ِ ، يُلْبَسُ فَوْقَ الثِّيَابِ ،
لقد شغل امر زينب قلب فاطمه بحياتها وبعد وفاتها عليها السلام

فاطمه من الكساء
سوت الزينب عباء
امعوذه ابعين السماء
والباري حاميها
///////////////
فاطمه نادت يزينب رادت اتوصل خبر
نار وخيام وسبايا خوف وجيوش وخطر
يمه لو رحتي وحيده وما الج واحد حضر
اني اوصيج ابمسيرج خطوه لاتترك اثر

صح جرحها كربلاء
بس كلبها اعله النساء
ليل وجيوش وعراء
ومضيعه واليها - الباري حاميها
///////////////
زينب من انوار ربها لبست استار الخدر
تحت عين الباري زينب لاتسولف عل شمر
صح مشت وي العساكر بس عزيزه باليسر
الله راد السبي ابحكمة حتى يضهر هل امر

سارت بهيبة امام
جاه عدها و احترام
نقطه وانفض الكلام
القصه انهيها - الباري حاميها
///////////////
الشمس تمشي وي زينب خاف يطلع منها ضل
ولو نوه واحد يعاين تحاوط الحره الهزل
من تميل الناكه يعصف الهوه عن لا تزل
تميل هاي الدنيا كلها ومركب الحره عدل

ويه ناكتها ملاك
وبيدها امر الهلاك
يل تشكك مادهاك
افهم معانيها - الباري حاميها
///////////////
من زغرها وعاش بيها هاجس الطف والسبي
ولعبه وحده اتحبها زينب تكعد اتفصل عبي
وتنده الاطفال كلها تحضروا ي ال النبي
من نضل ابلايه والي ومايضل اي طالبي

نمشي بس نمشي سهام
نصوب اعروش الضلام
خطه بالطف ونظام
يسبونه نحييها - الباري حاميها
///////////////
فاطمه كل همها بتها ميته وتوصي علي
لاتجي وتزور وكبري وتبقه بنتي بلا ولي
يالزجيه اشلون باجر من تنادي ياهلي
مدللة بيت النبوه مابقه واحد الي

خدري ايات البهاء
ودمعتي دمعة رجاء
ربي اقبل هل عطاء
عن نفسي ادريها - الباري حاميها

احمد عيسى البديري باز کردن / نظر دهید

2022-08-12 23:52:19 يسئل حزنه ورايد اسباب
يفسر دموعي وطول مبجاي
تخيل اطفالك والضهر حار
كبال الماي ممنوعين هلماي
وكل الراح الها ايعود مذبوح
ودخان المخيم أصبح فياي
تخيل حريمك دون وليان
والعسكر عليهم اكبل هواي باز کردن / نظر دهید

2022-08-11 14:05:18 2
عندما وصل الامام السجاد الى ارض كربلاء لدفن الاجساد
رأى اجساد الاحبه فكأنما رجع الزمان فصار يرى الطف من جديد
ذكريات الموت والخيام ذكريات الاهل والاطفال

(مستهل فصيح)
علي جاء يسعى يواري اليوم صرعى
كما الطف راها _بكت دم سماها

__ _ _ _ _ _ _ _ _
من وصل أرض الطفوف
عاين بعينه شيشوف
هلكواكب علثرى أمن الثريه
كعبه في أرض الحتوف
طافت عليها السيوف
ونكست روس الرماح السمهريه
نهر يجري وكله خوف
ضاعت بجرفه الحروف
من ترك مايه ابوفاضل لأجل أخيه

محايى النهر خجلى___ تدور عليه حيرى
بكفيه رماها _ بكت دم سماها

____
رعب يسري بلاكلام
نار تلهب بالخيام
حسره تعصر بالهوه اليشهك سكونه
عيون ماتقبل تنام
وهمسه بللهه السلام
ليله الوحشه اشصعبهه وماتجونه
نحور ذوبهه الهيام
تشوف كل مسعاهه شام
وركب من فوك الرماح و تصد عيونه

له في كل مرسى يخط البغي مئسى
وفى القربى لطه _ بكت دم سماها

_____
ايتام انهكهه العذاب
تصيح ماتسمع جواب
وين اهلنه وتصد لأرض الغاضريه
زغار تتبع للسراب
وي النهر عهده عتاب
شلون عطشه وباقيه جروفك رويه
كل وجه ب أهاته غاب
غير ألوانه التراب
تحرس ضعونه غدت ناس أجنبيه

خيام الاهل جمرى _ على الأيتام تلضى
بكاء لبكاها _بكت دم سماها
____
حرمه من جور الدهر
تمشي محنيه ضهر
اه ياحزن الاخو لو جافه اخيه
مشت تتبع بالاثر
واكصدت يم النحر
تكله هدت حيلي ياخويه الاذيه
اشكثر قاسي القدر
فرني من مر الامر
والفجيعه الكبرى يردوني سبيه

أمثل السبط يدمى _ امثلي اليوم يسبى
بنا لله جاها _بكت دم سماها
______
عين تجري بلايه ماي
تصيح رجعولي ضواي
للخيم عندي عهد من الشريعه
اسمع أطفالي ورأي
وين عمي الكال جاي
للخيم لو احسن جفوفي كطيعه
غيرهم ماعندي رأي
ترتوي الكاع بدماي
هلعهد لأم البنين لزوم اطيعه

مع الزهراء عهدا ___ لأجل السبط افدى
شفى المي فداها _بكت دم سماها

احمد عيسى البديري باز کردن / نظر دهید

2022-08-10 14:56:38 ساعد الله قلب فاطمه العليله فقد اجتمع جرحان لها على الباب جرح انتظار والدها وجرح مصيبة الزهراء والامها

بابين

شلعن كلبي وزادن روحي ونين

بابين

باب الزهره وبابك بويه حسين

//////////////////

كل ماجي للباب _اذكر ضلع منصاب

وانسه مصيبتنه واضلن اون

واسمع تطك اضلوع _ من خلف باب اجذوع

حوريه من الجنه تبجي وتحن

امي الزهره

تركت عبره

مومثل الاوجاع

من دفعوها

ومن شتموها

والمحسن عل كاع

جرحين

اذن روحي وفتحن باب احزان

جرحين

انصب ماتم ل اهلي بنفس امجان

///////////////////

كل لحظه وانتو ابعاد _ تتركني بويه ارماد

تجويني ساعات الهجر واحترك

صار العمر حسرات _ شيرد زماني الفات

ازغيره يهلي وصعبه من نفترك

وين احبابي

اسأل بابي

هلبت دكت باب

لو بالديره

نسمه زغيره

من عطر الاحباب

اهات

كمت اتنفس وافرك ايد اب ايد

اهات

ماذكروني وقبل ايام العيد

///////////////////

متعوده كل مصباح _ اتنفسك وارتاح

يا والدي ودي قميصك الي

كل خوفي لو رديت _ وبلا نظر ضليت

بيا عين اشوفك ياحبيبي وهلي؟

دمعة عيني

اتأذيني

خوفي الشوف ايروح

بس ما اكدر

بيش اتصبر

وانه من اهل النوح

ضليت

حتى ادموعي تعذب هاي الروح

ضليت

ذايب كلبي وكلش بعيني اجروح

///////////////////

يحظرني بويه الموت _ من اهلي ما ضل صوت

ببيت الجبير الجان بيت الاهل

بعيوني ناس اتعود _ وانه ابكلب ممرود

يوميه اتانيكم تجوني اب أمل

واقره اسم الله

ياعبدالله

اشكد اتمنى وياي

بس متألمه

من اذكر اسمه

تعطش حيل شفاي

واحتار

ما ضلي احد وبس انه الضليت

واحتار

وبعد احبابي مضلم حتى البيت

///////////////////

معذبتني حيل احلام _ واتمنه هاي اوهام

دخان اشوف واخيل متجمعه

قررت ادز مرسال _ واشرح ل ابوي الحال

بلكن حرز واضغاث حلمي امنعه

حيل اتألم

احلم بالدم

واسمع بجي اطفال

بس الاعجب

جسم امخضب

واعليه كم خيال

واطفال

بنص احلامي وتركض مدري الوين

اطفال

مضيعه السجه ويرهب بيها البين

///////////////////

لو مر نسيم الهاب _ اتخيله انه احباب

واركض ل باب الدار متلهفه

الزهره اذكرتها شلون _ نادت يفضه العون

معصوره خلفه وبابها ماطفه

واذكر واحد

كلش حاقد

نفس ال بالاحلام

ما راعاها

اشكد اذاها

شفته ايشب اخيام

صديت

نفس اليصرخ طبوا الهاي الدار

صديت

شايل مشعل تشبه ذيج النار


أحمد عيسى البديري باز کردن / نظر دهید