احبك مو حجاية وبس احبك خنصر ومحبس منهد ماصبحت عريان. ولا لايك علي ملبس ،، ملبس ينطش الچكليت ويتطشر على العرسان وانت تطشرت يحسين بس تطشرت عريان ومن كالولي ذيج الخيل ركضتلك ركض عميان الهلاهل گمت احسها صهيل واكره كل شي بي ميدان عله راس الغالي عند الناس كل شي غالي يتنثر يل مامش اعز منك اببختمن هيج تتطشر سمه ونجوم اذا طشيت ثمن لمداس ابوك ابخس ............... ترست الطف بلايه هدوم السمه والگاع كلها تشوف اثاريك حجاية حگ والحگ ينحجي مكشوف عريان وسترت الگاع ممدود اعلى حد الشوف يل ماتنشبگ المن تظل بزنود اخوك جفوف اذا مايشبگ المعشوگ شنهو يسوي بجفوفه واذا صار الوجع بالشوف خل يطفي السهم شوفه واذا صدر اليحبه انداس بعد ماتسوه يتنفس .................. يحسين العشگ وياك كسر ضلوع مو خاطر احجي اعلى السحگ والطف ضلع من عندي ماكاسر شيكتب عن عطش عباس اذا ما يعطش الشاعر و يسولف ع الوداع شلون أذا ماينذبح باچر اليريد يوصف العطشان لازم جاسته حروره اليسولف ع التدوسه الخيل لزوم ضلوعة مكسورة اليكتب عن جروحك كون مثل جروحك مترس .......................... اذن كل الحجي النحجيه بعيد وحيل مويمك ومحد يدري بيك شصار لا يحسين بس امك وبس زينب تعرف الآخ من شافت نزف دمك اذا ردت الصدگ يحسين زحمة نجيب طاري اسمك شنسولف وانته حته ضلوع زينب مالگتك منك بس نحجي بلسان الحال اذا نكتب شعر عنك واذا صار الحجي اعلى الآخ شيريد يسولف الاخرس ............................. على الحبوك يامسحوگ جبيره سوالف الحافر شما خفت على العشاگ ثگيلة حجاية مسافر الهجر يوجع واليتانون عمر بحسابهم باجر الخذك من زينبك يحسين بقواميس العشگ كافر ذبح اخر نداوة شوگ اليبس شفتك منالحر وطبر كل شي بي قرآن العافك ع الثره مطبر الناس الذبحتك موناس حته من الذئاب اشرس ،، ميت عدهم الشم چان يا أول ورد ينداس اليريد يشوفك المفروض شايل مو عيون احساس يعطر سوالف الله البيك تره الما شمتك مو ناس هز ايده وضحك ع الماي ارتوه من شمك العباس بوكت مابي بشر يقراك جان يفسر عيونك حگها الوادم منتگول على العباس خيعونك المفروض المثل عباس للاجيال يتدرس 6.3K viewsedited 20:19
