آدرس کانال:
دسته بندی ها:
دستهبندی نشده
زبان: فارسی
مشترکین:
4.83K
توضیحات از کانال
عباس اجاني الليل واشتاكيتلك
وتذكرت كعداتنه وحنيتلك
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
2
2 stars
0
1 stars
0
آخرین پیام ها 3
2021-08-24 20:17:16
يوميه عيني ويالدمع متصابحه
كل ساع نشدوني شعجب مارايحه
وحشه الضعون الماتجيب اخبارك
مــرات انامــن فــوك عتبت دارك
عمري انكضه وكل يوم مثل البارحة
ــــــــــــــــــــــــــــــــــــــ
لملميت اغراضي عود وياك اروح
مكيفه باجر ماشيه وي الخوات
بالظعن وي عمتي مكظيه الطريــج
ليلــه يمهــا وليله بحظانك ابات
بس يبويـه استغربت مــاادري ليش
انــه فرحــانه وخواتي مكدرات
ليش عنــي اديــر وجهك من اجيـك
وليش يبجن من يشوفني البنات
مــاغمضت عيــوني وكبلهن والمــه
مـــن حملت مـــاكلت صيحــو لفـــاطمه
مــاحسبت نيتكــم تعوفونــي
بس كوطرت بان اليتم بعيوني
راح احتزم وانصب بدارك فاتحه
ــــــــــــــــــــــــــــــــــــــ
يالعفتني يجيبني وياخذنـي ليـل
الليــل والفــاكـــــد ولا يتـــراهمــــون
المامفاركله محب يسهر حــرام
الماله رايــح مالـــه واهس باليجــــون
المغرب منـيـمر يأيس كل حبيب
بروحه كل شي يموت وتخيب الضنون
وكلمن متانـي يســد بـابه وينـام
وانـــه اظل جــويعده بـدرب الظعــــون
يكلولـي الليل اجــه شعندج كاعــده
كلتلهـــم بجيــــة كمــر متـــواعــده
هوه الكمر غير الظلام يجيبه
جاكمر هاشم شو مطول الغيبه
شلون اصبر ودمع اليناطر فاضحه
ــــــــــــــــــــــــــــــــــــــ
سـالفــت فكــــدك ولا خلتـــــي راي
اعتــب اعلى المـــايسمعون العتاب
ازحف زحوف بطريج الببي مشيت
ظعـــون تتـــراوالــي وتبيـن سراب
حتــى مرات افرش عبيتــي وانـــام
ومــولحة حتـــى العبــاية منالتــراب
باب مترجيه الصبر يفتحلي عـــــود
بــويــه ثــاري الفاكد يهد حيله باب
ومــن الصبح لليل اظل منــاطــــرة
حتى الغـريب الشافني اكسـر خـاطـرة
يالمارضيت وياك اعيش بخيمـه
بويه وعلي مكظيه النهار بهيمـة
واتنطر وعيني لطريجك شابحة
ــــــــــــــــــــــــــــــــــــــ
بويه مرات اغفه اكولن بلكي طيف
يمرني منك واترس عيوني بضواك
من درت وجهك ترست عيوني ليل
وسولفن بويه شكثر وجهي وكفاك
مــاي مــاطشيت الك لمـــن مشيت
بــويه كمت اسنينـي اطشنهن وراك
يالخذت حتــى الهـوا وتريـد اعيش
وانــه ريتــي تعـودت تشتـم هــواك
بس صافنه وبشفافي ميته السالفه
ومتــانيه ومرات انــامن واجفــــه
يالعـــايف بدارك وراك بنيـه
عاد بحلم لو غمضت مر بيه
حتى ارتوي بوجهك واكول مسامحه
ــــــــــــــــــــــــــــــــــــــ
بويه شيب خاطري منالذكريات
شما اتذكر سالفه يهزني الحنان
فاكده المغرب على شفافك دعاء
من جنت تكعد تصلي بهل مجان
فــاكده حجاية هلا يابعـد ابـــوج
ويا بنيتي ,,البيه ماتن من زمان
بويه واتذكر رقيـــــة بكل صلاه
التفــرش مصلايتـــك وكت الاذان
وكت الصلاة انصب عليك قرايتي
وانحب لمـــن تبلل مصلايـتــــــي
تذبح صوركم من تمر ابالي
وبكل كتر بالبيت تتراوالي
وامسي واصبح باللطم والنايحه
ــــــــــــــــــــــــــــــــــــــ
بويه مر اعليه فارس ماشي ليك
يالابـــو وديت الــك ويـــا سلام
كاتبه بـــأول سطر مشتـــاكه حيل
وراح اموتن كاتبه بمسك الختام
وكـــاتبــه ابينــاتهن لومــا اجيت
منك اطلب بس طلب وانهي الكلام
بويه وديلي المهد بلكي استراح
عاد الولي عليه لمن اغفه وانام
شمه وبعــد كله شتكـول الكاتبــه
بس هـــذا العتــاب وبعـد ما عاتبه
كله العليله تكول ماناسيتك
بويه ولهسه جويعده متانيتك
واعذرني خاف حجايه منهن جارحه
رائد الناشي
7.9K viewsedited 17:17
2021-08-23 16:38:48
6.9K views13:38
2021-08-18 17:48:02
سمعته آنه يون وتگربت ليه
لگيت الف وتسع مية جرح بيه
شلونك گلتله وگال تعبان
زينب يخويه هواي عطشان
سمعته آنه يون وتگربت ليه
ــــــــــــــــــــــــــــــــــــــ
طاح گالولي اعلى وجهه ودمه يازينب يخر
تحيرت ياصوب اروحن من رجع خالي المهر
اركض ودليني اصيحن طحت خويه بياكتر
عميه عيني الرمل يچوي وحارة الدنيا الظهر
بالشمس نايم مامش فياي
ومن الصبح ماضايگ الماي
ولگيته اعلى الرمل متوسد ايديه
ــــــــــــــــــــــــــــــــــــــ
طاگينه بكل مجان وماخذ ابن امـي النـزف
مامبين وجهه ذاكه وعلى رسومه الدم نشف
موش ذاك حسين اخيي من الطعن ماينعرف
حيرة من ياجرح يشكي العبرن جروحه الالف
جروح الولي كلهن غميجات
بس من كثرهن ما مبينات
وهنه مو جرح واحد واداويه
ــــــــــــــــــــــــــــــــــــــ
تگربت يمه ونشدته تريد اشدن ياجرح
جم سهم صابك يخويه وبيك جم طعنة رمح
يعينك الله شخله بيك الطعن من ذاك الصبح
ساحگاتك بالحوافر خيلهم گبل الذبح ة
خويه ارد اضمدك حايرة منين
من كل مجان النزف يحسين
حرت ياجرح اشده وياهو اخليه
ــــــــــــــــــــــــــــــــــــــ
لن اسمعه يگلي زينب عوفي كل هاي الجروح
بس جــرح گلبـــي يزينب منه ماضلتلـــي روح
عاينت لن چبــده طالــع بالسهـم والـدم يفــوح
صحت ياتالي العشيرة خلاف عينك وين اروح
يابت ابوي جروحي هينات لاتضمدين هــواي طعنات
بس جرح البگلبي عينج عليه
ــــــــــــــــــــــــــــــــــــــ
الشمس مردت گلبي يختي هلبت تسويلي في
عطش وجروح وحوافــر كلهــن التمــن علــي
غير السهام التجينــي وگمت اشاگفهن بــــدي
خويه زينب هذا حاله الينولي وماعنده اخي
ميت عطش ماضايگ الماي
بس الضهدني السهم بحشاي
وبمعصبج يختي زين شديه
ــــــــــــــــــــــــــــــــــــــ
جنت عـــود اتنـــوع الچن والمخيـــم شفتــه طــاح
ومدري ياهو بسيفه طگني على عيوني وشوفي راح
كلهــــم التمــــوا عليــــه بالسيـــوف وبالرمـــاح
منين ما التفت طعنــه ومــايخلونــــي استـــراح
شدي الجرح يازينب بساع
هلبت شويه يطول الوداع
وعلى كيفج يزينب لا تلچميه
ــــــــــــــــــــــــــــــــــــــ
من الخدر ملهوفة اجيتك خايفه وكلي ارتعد
گلت اتچيلك بديـــه وللخيــم تگـــدر تــرد
مادري بسهم المثلث مـــــارد گليبك مـــرد
من عساني وياك ميته حسين يابعد الولد
حسبالي تگدر ترجع وياي
للخيم وانسويلك فياي
واضمدنك واشوفن جرحك شبيه
رائد الناشي
12.3K viewsedited 14:48
2021-08-18 13:17:32
من بعــد حظنك يبابــا
نــايمه بحظن التـرابه
ومن بعد خيمة حنــانك
صارت الخيمه الخرابه
ــــــــــــــــــــــــــــــــــــــ
ياهلا براسك يغالي عنـدي وي راسك عتب
صارلك عايفنــي مده وماكلت شنهي السبب
لحظنك اشتاكيت بويه بلاحظن جاي شعجب
بويه دليني اعلى صدرك ارد انام من التعب
جنك مجافيني وانه اسأل عليـك
وليش ماتشبكني شو ماهنه اديك
تشابكن راسك واديه
اكعد تريدك رقيه
ارحم كليبي وعذابه
نايمه بحضن الترابه
ــــــــــــــــــــــــــــــــــــــ
ليش غــايب صار مــده وليش ماتســـأل عليه
تشوفنــي ابجــي وماتكلهم ياهو المزعل رقيه
مــاكلت من جست خــدك مالهن خشنات اديه
وماشفت دم اعلى ذاني حتى تدري شصاربيه
شوف عيني وهاك شوف متوني هاي
بـويه طكـونــي وزلـم تــركض وراي
كظت روحي من البواجي
بــويه من جـر التراجي
ماكو رجال ويهابه
نايمه بحضن الترابه
ــــــــــــــــــــــــــــــــــــــ
كعدونه بكاع صبخه بذاك حر شمس الظهر
عود وحده تغطي وحده لمن يصير العصـر
بويه عماتي وخواتي وجوههن صارت صفر
حتى من الخوف كمنه نشوف كل مجبل شمر
حاره وبــادة عبينـه منـالشمس
ماكو نوم وهاي كعدتنـه منمس
يــامره يغمض جفنهـا
لونعت رمله اعلى ابنها
وحنته وشمعة شبابه
صارت الخيمه الخرابــه
ــــــــــــــــــــــــــــــــــــــ
نكوم نكعد بالشتــايم والحجي المــاينحجــي
ننتجي وحده اعلى وحده لو تعبنه من البجي
ظهورنه منالسـوط زركه وننلجم من ننتجـي
بهيده ننعـه عليك خافن لايسمعون الحجــي
نخاف من سياطهم مانبجي حيـل
وعمتي تون اعلى فكدك تالي ليل
خــافن تفـــز الفــواطم
ويبجن وتسمعنه وادم
ويجرح الشامت جوابه
نايمه بحظن الترابه
ــــــــــــــــــــــــــــــــــــــ
بويه اخذنـي وياك فدوه الظله موش موالمــه
مسلبه وحتــه التراجي البذنــي هــم مـاسالمه
وجوه موش وجوه اهلنه وناس صلفه وظالمه
بويه رادو يـــاخذون سكينه عـــدهم خــادمه
بــويه هــاي المامحسبتهــا تصير
هب لي هاي الجاريه يكل للامير
بويه عود شلون هايه
عمنه عباس وسابايه
اه يالشام ومصابه
نايمه بحظن الترابه
ــــــــــــــــــــــــــــــــــــــ
صوطهم شكك عبينه يالابو بدرب السبــي
والهضيمه خلاف عمي يحدي بينه الاجنبي
الشمر حيل يطكنه بويه كلبه كلش ناصبــي
ركدت شجندوب تحمل ستر وفراش العبي
بس عبينه فراشنه وحار التراب
وبعبــايـة ثنيهــن ليلــه وربــاب
عمي جا مايدري بينه
فراشنه صاير عبينه
والعذر شنهو لغيابه
نايمه بحضن الترابه
رائد الناشي
8.1K viewsedited 10:17
ر
