الشاعر عبد الله الكربلائي

2022-04-15 01:36:00 أبابك  ياعلي  الأيتام سهرانه
بيتك بلدمع خضبوو حيطانه

            ★★★

صدك رايح علي المن امخليهم
منو بكدك خلك لورحت ينطيهم
بلظوعك  اذا    بردو    اتغطيهم
يابيت   اليتامه   الفاك    بيبانه

             ★★★

واحدهم   عليك  الدنيه  متلمه
الجاعو  لو بجو  محد تره يهمه
التمسح راسه يتعوض حنان امه
وينسه اهموم كلبه وينسه حرمانه

              ★★★

من  ايجهبوك ينسون  اليتم كله
علي احزام اليتيم وساعده وضله
عيشتهم   بدونك   بعد.  ماتحله
الكرم يابألحسن بس انته عنوانه

               ★★★

حكهم  لو بجو  والحسره  ماتبرد
لأن  خلتك  جبيره  وابد ماتنسد
نار  افراك  وجهك  علي ماتخمد
علي المثلك كلف موسهل نسيانه

               ★★★

الهله المملوحه بس انته التعرفلها
والصعبه   يحيدر  جفك   ايحلها
وحسرات  الكلب بس  انته تندلها
وتعرف اشلون تجلي الهم يمولانه

                ★★★

ياموت   الفاك   وانته  موت الموت
علي  نعشك  سمه  ماترهم  ابتابوت
لأن صرخه بوكت ماينسمع بي صوت
لذالك.. عاش  اسمك  رغم  عدوانه

                  ★★★

عبدالله مراد الكربلائي باز کردن / نظر دهید

2022-04-15 01:33:35 وداعآ يا أمير المؤمنين

والله صعبه /   ياعلي من تنشد عليك اليتامه
والله صعبه /   ماتضل بوجوهم بعد ابتسامه

                لو غبت  يهلالهم
                 فرحه ما تبقا لهم
                   ★★★★★.

الهوه اليشمونه انته والله صعبه اتعوفهم
ماتغمض  ﭼنت ليلك   لازم اله  اتشوفهم
الك  يدعون ابسلامه  وفاتحين اجفوفهم
يمن جنت انته ابفقارك علي ذابح خوفهم

وين ابونه/   هاي جلمه بس معانيهه جبيره
وين ابونه/ . ياجواب ايخلي ماتكبر الحيره

                  ألحزن يدنالهم
                   فرحه ماتبقالهم
                     ★★★★★

جانو  ايلوذون بيك  وانته خيمه اعليهم
سمعو بجرحك يحيدر صبر ماضل بيهم
انته اقرب واحد الهم وانته تدري اشبيهم
يعني  لو غمضت عينك الحزن  يوليهم

انته تدري/   لوغبت تنذبح فرحتهم ابفكدك
انته تدري./  يحبونك ياعلي وعزاز عندك

                     الهضم يصفالهم
                     فرحه ماتبقالهم
                        ★★★★★
                      
اجو يم بابك يحيدر يرتون  ابشوفتك
وانته جرحك مايفرح كلفه كلش حالتك
ماتغض النضر عنهم هاي ابد مومالتك
ابد ما حسو يتامه امدلليين  ابصايتك

بل مدامع/.  ياعلي كتبو دعاء طلبو شفاءك
بل مدامع/.  اشتاكو اتلمهم علي وتقره دعائك

                       الدمع يشغل بالهم
                       فرحه ماتبقالهم
                          ★★★★★

ابراحه متفكر يحيدر راسم انته احلامهم
حاشه كلبك جزع منهم تشعر ابالامهم
وهمه عدهم عيد لمن تبتسم جدامهم
 فقط بس فكدك يحيدر هوه هاذا الهامهم

ويلي ويلي/.  شلون يتحملون فكدك ياذخرهم
ويلي ويلي/ . اليتامه  بس الك  نذرو  عمرهم

                        تيتمت أماالهم
                         فرحه ماتبقالهم
                          ★★★★★

مامعودهم بدونك يومهم يكضونه
اليتيم ابكد فطرته راسمك بعيونه
غير بابك ماكو عدهم باب يندلونه
بابك ايدخلو مباشر وابد ميدكونه

باب رحمه./   الله صاغه واليكصده انطا مراده
باب رحمه/.  من  يجهبونه  يشعرون  ابسعاده

                         انته ادره ابحالهم
                         فرحه ماتبقالهم        
                           ★★★★★

ياعلي  بيك اليتامه  ارواحهم  معكوده
كل يتيم الدمعه تبقه عليك تجوي اخدوده
شلون جنت اتشمه  يذكرحته  من اتكوده
احلامهم تنسبي ويلي الدنيه تصبح سوده

شلون بيهم./    راح  يكضون  العمر بعدك مأسي
شلون بيهم. /   و الزمن تدري يحيدر كلبه قاسي

                           كلشي مايحلالهم
                           فرحه ماتبقالهم

                              ----------------

عبدالله مراد الكربلائي باز کردن / نظر دهید

2022-04-10 23:51:08 السلام عليك ياكريم أهل البيت
_________

أليله انولد بحر الكرم هنو علي هليله

========

الوادم اتشوف فاتح اجفوف الحسن من انولد
كرم واحساس. تشهد الناس. الكريم من المهد

فاتح اجفوفه وفاطمه فرحانه وتلوليله
أليله أنولد بحر الكرم هنوو علي هليله

=========

حلوو العيوون. نووور الكوون. صلوصلو عله نبي
احله مولوود. ألحسن جوود. يفتخربي مذهبي

نفتخر احنه بمولده الحاقد ممهتميله
أليله انولدبحرم الكرم هنوعلي هليله

=========

اشهد ابهاي. الخير مولاي. والكرم وياه اجه
كلشي فرحان. كلشي ولهان. والتمسك بي نجه

كلمن حضر كلمن فرح نتوسلك تدعيله
ألليله انولد بحرالكرم هنوو علي هليله

=========

يفرح اليوم. الكلبه مهموم. ينجلي بذكرالحسن
يمه سهلات. العنده حاجات. هوه كشاف المحن

باب الحوائج مايرد خطاره من يمشيله
أليله انولد بحرموالكرم هنوعلي هليله

==========

بحر الأحسان. هوه عنوان. للهله وكل الهله
ادعوو وياي. بجاه مولاي. نرزق هل منزله

منزلت خادمهم تره تسوه وعلي وثجيله
أليله انولد بحرم الكرم هنوو علي هليله

عبدالله مراد الكربلائي باز کردن / نظر دهید

2022-02-25 00:06:36 بلسجن يوسف ناده
دركني يجد الساده
ونعم من امجاده
.............

السجن اشبه بلكبر
مايعرف الوان الفجر
ضيجت خلك بي

يوسف اتلاحك غربته
يحجي ويروحه ابدمعته
الكاظم اندبي

ندبت الكاظم روحه
بنبرت حزن مبحوحه
بردتت جميع اجروحه

ونعم من امجاده
..............

محد توسل بي خسر
احزام يفزعله وضهر
اي يلموالين

تسبيح خضر كل سجن
بس لهله كل مغرب يحن
ابدمعة العين

عيونه بكت مشتاكه
طول هواي فراكه
عوزت عينه املاكه

ونعم من امجاده
...............

شما ضاكت انفاسه سجد
ابقل هوه الله اواحد
خنكه السجن حيل

طاموره مابيها هوه
بداخلها مذبوح الضوه
ياويلي ياويل

ماقيدوانواره
خالد بقه بفكاره
هنيال كلمن زاره

ونعم من امجاده
...............

مخنوك ويلي ابحسرته
الكاظم تشيب قصته
مجروح الاحساس

السجن وحشه كل كتر
اسنينه ناذرهن نذر
ماطخ ابد راس

ابحزن كضه اسنينه
ابسلسله مكيدينه
وبغربه الله يعينه

ونعم من امجاده
...............

بزينب انحلفه عمته
وعباس نعكد رايته
ونحلفه بلجود

يوفقنه نخدم فاطمه
ابجاها عد رب السمه
وبكطع الزنود

ليله ندك بيبانه
ونَكله يامولانه
كل شيعتك حزنانه

ونعم من امجاده

عبدالله مراد الكربلائي باز کردن / نظر دهید

2022-02-23 01:11:17 باز کردن / نظر دهید

2022-02-23 00:52:31 نعي لسان حال الفاكد عزيز
       ---------------------

يهل المكابر موبديه روحي مشتاكه
لاسفره هيه وتنتهي وحضالي بملاكه
              ***********

كل مغربيه الي تمر تاخذ احس روحي
امنين ماصد لصور تنزف سوه اجروحي
              ***********

مابيه اتحمل هجر صدكوني مابيه
موكافي اتنفس دمع وحلامي مسبيه
              ************

حته منطب المكبره احساسي نفسيته
هوه اليفاركله محب مسلوبه عافيته
              ************

جم دوب اضل اعلك شمع مليت حاجوني
من كثر مابجي واون ملتني اعيوني
              ************

شمدريني منكم انحرم يحبابي ماادري
مو نبي واتحمل بݞد خلص نفذ صبري
              **************

يهل المكابر كون اضل صبح ومسه يمكم
طيبين يابعد النفس ماينشبع منكم

عبدالله مراد الكربلائي باز کردن / نظر دهید

2022-02-17 00:10:55 لسان حال السيده زينب ع

اخذ أوياي اجروحي
بألكبر ما كف نوحي
عشت العمرمهضومه
كربله سلبت روحي
* *********** *

انه الغريبه الماشفت راحه ابحياتي
كبال عيني وأذبحو كل أمنياتي
راح اموت وحرك الخيام ابعباتي
وين اخوتي خل يحضرون ابوفاتي

هسه الشماته اتناطر
شيجبره كسر الخاطر
منهم اشكد ملجومه
كربله سلبت روحي

* ************ *

وين عباس الكفلني ودكلي صدره
الشالني بعيونه وأنطه اسنين عمره
منهد مافاركته واني ابكلبي حسره
شنسه من وكفاته بس الكسره كسره

من كتله خويه اروينه
عله النهر ذب جفينه
تشهد لخيي الحومه
كربله سلبت روحي

* *********** *

عله وسادت موتي والطف مانسيته
شلون انسه حسين من خضبولحيته
شلون انسه ظلوع مطشر لكيته
طحت يمه وياعلي صحت ونخيته

شاط الكلب من شفته
سيوف العده مكطعته
الحومه ارتوت بدمومه
كربله سلبت روحي

* *********** *

شكو موقف شفته بلطف سلب حالي
صوره صوره لحضه ماعافن خيالي
وانه كل مغرب يضل مشدووه بالي
كلفه ويه اجنازتي ما يمشي والي

ياهو اليغمض اعيوني
من اخوتي ويحضروني
عشت ومتت مظلومه
كربله سلبت روحي

* ************ *

كون يمهم اندفن وشتم عطرهم
وبقه اداوي اجروحهم وجبر كسرهم
ادري مشتاكين الي ويلهب جمرهم
سور جانولي ونذر نذروو عمرهم

الماقصروو ويايه
يل بعد هايه وهايه
عشت العمرمهموومه
كربله سلبت روحي

عبدالله مراد الكربلائي باز کردن / نظر دهید

2022-01-17 23:31:11 بين السهروجروحي وغيابك
يوميه افكن ريجي بثيابك
اتمنه يمه بأ اخر انفاسي
تحضر وفاتي يا اعز ناسي
يمه يحسين. يمه يحسين
=======

على وسادة موتي وأتنطر تجيني
حسين يمه الشوفتك ينزف حنيني
إمنهِد ما ودعتك اضلمت سنيني
بروحي عايش انته يغله من بنيني

ما لحضه فاتت وانه ناسيتك
لو ادري هيج ابكلبي ضميتك
يامن فراكك جارح احساسي
تحضر وفاتي ياا أعز نااسي
يمه يحسين يمه يحسين
=======

أخر انفاسي وردت تحضر وفاتي
ردتت يمه ابشوفتك اختم وحياتي
حسين خاف مقصره ميته ابمستحاتي
اعذرني راح اعكد للمسامح عباتي

بكبري ارد انامآ واني مرتاحه
كلبي عله افكدك شيب انياحه
شيبلي كلبي فكدك وراسي
تحضر وفاتي يا أعز ناسي
يمه يحسين. يمه يحسين
=======

أبروحي غربه تكبر وتكبر الحيره
ألجنازه ابلا ولد تطلع اسيره
وين ولدج كلمت الشامت جبيره
هوه يعرف بس ابو فاضل عشيره

الشمات كل ضنهم يذلووني
بيكم اذلهم من تشيعووني
بيكم اذلن كل كلب قاسي
تحضر وفاتي ياا أعز ناسي
يمه يحسين. يمه يحسين
=======

اكتبت يايمه من ضمن الوصيه
بلشمس عوفوني خله تجوي بيه
وماردتت واحد ينكط ماي اليه
كون مثلك تسحك ابصدي اعوجيه

خيل اعوجيه اترضرض اظلووعي
حته اكفن نووحي ودمووعي
ورتاح وكطع نحر وسواسي
تحضر وفاتي يا أعز نااسي
يمه يحسين. يمه يحسين
=======

بيك مابيك اعتني وخليني اشوفك
حسين من الساني ماطاحت حروفك
غمض اعيوني يبو اليمه ابجفووفك
انته جرحي الماعرفت اشلون اروفك

ابيش اروفك يأكبر اجرووحي
غيابك يايمه يأكل ابرووحي
يلعشت بيه أكليبي ما ناسي
تحضروفاتي ياا أعزناسي

عبدالله مرادالكربلائي

شكرآلله باز کردن / نظر دهید

2021-11-25 04:11:22 يا أم الهله وحجايه مملوحه
مادافن مره دافن علي روحه

عيوني فاطمه مشتاكه لعيونج
ماريد ألهوه أشتمه من دونج

÷÷÷÷

اجيتج والدموع اتسابك جدامي
وياااج ادفنت يالغاليه احلامي
شما طالت فركتج تكصر ايامي
كلبي الشوفتج يم الحسن ضامي

دفتحيلي الكبر وياج ضميني
بلحدج موشمع اعلكلج اسنيني

لأن اتنفسج رادو يبعدونج
ماريدالهوه اشتمه من دونج

÷÷÷÷

دفنتج والدفن بجفوفه غاليته
الهواء هذا اليشمه يشكك ابريته
يل كلبج تفييض بيه حنييته
شكو للفرح باب ابدمعي سديته

عليج الدمعه ابد متفارك اعيوني
ما ابجيهه اذا ماتحفر ااجفووني

مثل ما اثر دمعج ترك بجفونج
ماريد الهوه اشتمه من دونج

÷÷÷÷

أذا تسأليني عكبي اليل هم نمته
جرح يرفس جرح لو جفني غمضته
فاركتج واحسآ كلشي فاركته
شسولفلج علي الحسرات خانكته

ابدي منين اسولف وانتي سالفتي
صوابج حار بيه امنهد ما رحتي

لبسو ثوب ذل الما يهموونج
ماريد الهوه اشتمه من دونج

÷÷÷÷

كومي وشوفي بينه افراكج اسوه
الحسن يم الحسن كل ليله يتلوه
حسين ادموعه من امسحهن اتجوه
وزينب مثلج اتجر النفس كوه

تجي تسألني أمي اشلون يتمتنه
ما اصدك اعيوني هيه عافتنه

بلكي اترد اذا كتلهه يردونج
ماريد الهوه اشتمه من دونج

÷÷÷÷

فراغج يم حسن حاجيني شيسده
دكليلي علي جم فاطمه عنده
اكض صبري الدمع من عيني يتبده
أمشي اشلون وانتي بلحد متوسده

يشمعة بييتي عذرآ لا تلوميني
موقصدي اجرحج انتي تدريني

من شفت الحزن يشرب بقه بلونج
ماريد الهوه اشتمه من دوونج

عبدالله مراد الكربلائي

أسألكم الدعاء باز کردن / نظر دهید

2021-09-10 23:11:33 وصيتني خويه وصيتك ذمه
ماتت رقيه أعذرني يا بواليمه
درب السبي مخليته ابعيوني
السوط اشكفه عنهه بمتوني
    راحت رقيه.    راحت رقيه
            ---------------------

اختصرت معانات السبي والفركه
جابو الراس وهيه ماتت حركه
سهرانه وبدمعته ترسم ملكه
تصرخ يبويه الجفن بس اطبكه

وصيتني يوم الموادع بيهه
كتلي الجم لو واحد ايبجيه

جابو الراس وبيهه فجعوني
السوط اشكفه عنه أبمتوني
راحت رقيه.      راحت رقيه
               ---------------------

كل ساعه تسأل ليش ابوي اتأخر
ارد احجي بس يوكف ابعيني المنحر
اتموت اذا كلهه انذبح ما أكدر
بنظراتي من تسألني ابدي اتعذر

تفهم اعيوني رقيه من تسألني
ولا جنهه طفله اعيونهه ايفهمني

هضموني بيك وبيهه هضموني
السوط اشكفه عنهه بمتوني
راحت رقيه.        راحت رقيه
               ---------------------

شنطيهه منك ذكره خاطر تصبر
دمعته من اتسيل بلخد تحفر
اتريدك يخويه وماكو واحد يعذر
والحيره كبرت خويه المن أنظر

كبرت الحيره بروحي ذيج اليله
السجاد من شاهدهه موتت حيله

من البواجي هدلن اجفوني
السوط اشكفه عنهه بمتوني
راحت رقيه.         راحت رقيه
                    ---------------------

يابويه صاحت وانه موتت حيلي
ويه الراس تحجي اشيوجعك احجيلي
جنت ألك اشكي هسه انته اشكيلي
ياويلي هسه اتيتمت ياويلي

لمن عفتني وعفت هاي اعيالك
يابويه منهو الهيج سوه بحالك

شتموني عكبك بويه شتموني
السوط اشكفه عنه بمتوني
راحت رقيه.        راحت رقيه
                      --------------------

شبكت الراس وما حجت ويانه
نامت كلت من السبي تعبانه
خلصت كل ذاك الدرب سهرانه
السجاد وجهه اتغيرت الوانه

عبالي من التعب نامت ضني
كلي رقيه عمه راحت  مني

تمنيت وياهه يدفنوني
السوط اشكفه عنه بمتوني
راحت رقيه.         راحت رقيه

عبدالله مراد الكربلائي باز کردن / نظر دهید