الشاعربراءالعبيدي

2022-08-01 23:38:31 العليله


كل امان الدنيه من عندي اخذته
هاي اول مره اصحه وماكو انته
موت موت هجرك يغالي

ماعندي شي ويه الهجر سالفتي ويه اعيونك
مشكلتي مو ويه الهوه مشكلتي اعيش بدونك

اطالبتي ما تنكضي ماطول اكو عاشر
اني ادري ما ترجع الي بس انتظر باجر
مو خاطر اكسر من غبت صرت اذبح الخاطر

ضهري محني مدري كلبي مدري روحي
كلشي ميت بيه بس عدله جروحي
موت موت هجرك يغالي
_____
الدنيه اذا ما رادتك هل دنيه ما ريدنها
چا فشله اضلن عايشه ومحبوبي شايل منها

لمن بطيت ابحضنتك اعرفت ما ناطر
حضنتك اكدت موتتك مو حضنت امسافر
الجان لي اطبطب علاي طبطب عليه حافر

انته روحي اختنك لمن علاي تمشي
انتها كلشي ويه الدمع لا منته كلشي
موت موت هجرك يغالي
_____
لمن يدك بابي افز وكلبي يدك وي دكته
اركضله ركضت والده لاكت ابن فاكدته

لا عايشه لا ميته انه يا عمري ما عشته
اي هوا لي ايفارك ابو تنصب فاتحته
ومن يحجي ما عنده ابد بس وينه سالفته

وين جانت هاي الي ما حاسبتها
الدنيا لا اجلك يا حبيبي عايشتها
موت موت هجرك يغالي
___
يا حيرت ايدي من رحت كل لحضه افرها بناحي
مره انه امسح دمع مره اكض بيها اصفاحي

ارجع تره اغيابك كسر ارحمهم احبابك
بس كلمة الهسه يجي مصبرتني بغيابك
وينه علي الاكبر بطه منتضرته ابابك

طبع المسافر يدز مرسال يسئل
ويخبر اهله بل هجر ها كثر واصل
موت موت هجرك يغالي
____
يا عازتك وكت البجي كلشي الي بيه ايريدك
الدنيه متكفيني بس اتكفيني لمسة ايدك

جني غريبه وعاجزه ماعندي تچايه
لو انه مو نفسي صرت لو صوج الامرايه
لعيونك العافت دمع مشتاكه انه هوايه

عمري متسولت انه بواحد يخلي
هسه بويه اتوسلك بس لحضه ردلي
موت موت هجرك يغالي
___\_
براء العبيدي باز کردن / نظر دهید

2022-08-01 00:13:09 نزلة

خله الزلم بل كوفه تحتار
ويا زلمه بيده يلزم النار
مسلم

طوعه لفتله العمامه وصاحت ابرز للحرب
بضَهر مو ماي اطشلك راح اطش دمعي اليصب
روح هاي الناس سهله وانته بل عركه صعب
انته دنيه وذوله وادم جوي من تالي غرب

صاحتله طبها وريح البال
بروس طيب لجمة الحال
مسلم
________
كلها طاحت لاجن ضلت فوك تفتر رايته
ذاك كل الهذا اشرد ما يثني ابضربته
مو بشر للحومه داخل جن جهنم طبته
شكو زلمه هناك طاح وبقت عدله اعمامته

مسلم كلبها الكوفه يحسين
دخان جنه ودخل بل عين
مسلم
____
هوا فوك وكلشي جوه وياهو لي ايلوح السمه
بارده العركه ودخلها شدها بيده الموزمه
ماكو بيهم شخص واحد اكباله اجاه وكلمه
نهر ثالث سوه مسلم و النهر من الدمه

طبها وكلبها الحومه وحده
ما شفنه زلمه ايصير كده
مسلم
_
كثر ما وذر ازلام الموت من عنده خجل
ربي برداً وسلاماً مسلم الحومه نزل
هذا دورله عبايه وذاك صيح ماكو حل
امين نشرد وين نلبد مسلم الكوفه دخل

طك الزلم راس بوسط راس
بل كوه يمه جرو انفاس
مسلم
__
من شفت ماكو مفكه الزلم عجزت توصله
عازتك عازه يمسلم هيج كتله ابكربله
شفت واحد راح يركض لا امه ناده بل عله
طلعي واتوسلي امسلم اني مو كد مرجله

طشرهم اوراك بوسط ريح
والجبل بل احجار ما ايطيح
مسلم
_
براء العبيدي باز کردن / نظر دهید

2022-07-30 07:01:17 ارجعلنه كربله يحسين صعبه
انرد لهنه خويه هاي الديره غربه
انه اشوف الموت بيها بكل مجان
خويه هاي الديره مابيها امان
ارجعلنه

ارجعنه خويه هاي الناس ماضنها تحبنه
لو وصلنه خاف باجر ما تضل خيمه تلمنه

خاف باجر كل بناتك تصفه بل ذله
وزينب الجتي بهوادج ترجع بهزله
مالي حيل حسين اركض واصعد التله

جيت اميره ولو رحلتو بذله اصبح
والجبيره من اكول بذله اصبح
وبل حبل يتكيد العز والحنان
خويه هاي الديره مابيها امان
____
حسين عاين خويه هاي الناس ما تشبه كلبنه
ولا تحبنه يعني اذا رحتو الشتم بس يبقه انه

لو وصلنه البجي يصبح عاده يوميه
والعزيزه عكب عزها اتصير مسبيه
وشكو شي مايسوه ينضر بسبي اعليه

والي تكتل الما لمح جبريل ضلها
بسوك تدخل المو شريف الي يصدها
يطول السوط وعليها كل لسان
خويه هاي الديره ما بيها امان
___
عوفني اني جبيره اتحمل شتم والطك يغالي
ارقيه بنتك شلون خويه اتمر عليها هل اليالي


الجانت بحضنك تطر الهيمه بمراكض
والخيل الدوسك تصير وياها بمعارض
وبوكتها بس دمعها وياها يتفاوض

يعله ونها والشتم يسكت علاها
خلي نرجع خويه هل الجيه بلاها
الناس هايه ابد مابيهم ضمان
خويه هاي الديره مابيها امان
_______
يايلاهي من يجي موعد التل عباس ماكو
وارد اكلك زينب ابدون ابو فاضل اله ياهو

انته ترضه تنشتم اختك يبو الاكبر
ياغيور اشلون زينب تركض وتعثر
نسوان والنار بعيبنه اشنصبح اصور

الهوه يخلص والشتم خويه مَيخلص
الناس تنقص لان جسمك هذا ينقص
وبل حجر انه يقدمون امتنان
خويه هاي الديره مابيها امان
____
لو وصلنه هاي لمتنه تطشرها الحوافر
كلشي احبه راح يتحول دمع من يجي العاشر

والجبيره راح اضل يم وادم اتفشل
لا اكو حضنك واجيله وبي يخويه اختل
ماكو بس عل الهزله امشي ودمعتي التهمل

يا حسيني يله خل انرد الاهنه
لاتئمن ابناس الطشر شملنه
لوا وصنه يعني موعد سبيي أن
خويه هاي الديره مابيها امان

__

براء العبيدي باز کردن / نظر دهید

2022-07-30 04:54:47 مذنب ابحقك لكن ما عفتني
شكراً جزيلاً. حبيبي سامحتني
محبوبي محبوبي هنيالي عليك

جيتك وطامع تسامحني
حافي والدلال يسبكني
انته اكرم من تضيعني
ولوا ضعت منهُ اليه

الغريب ابدار لوا أُنزَل
ابو الدار ايصحيله اتفظل
وانته اوله بل كرم يحسين
اسف وحقك عليه

لو ذنوبي هواي كبرت جنت داري بعفوك اكبر
من تركتك يا حبيبي. ابعين ناسي كمت اصغر
ياحنين الله ورحمته مالي غيرك يبوا الاكبر

حافي أجيتك بس انطيني فرصه
من أذلني أعلى من تتركني انصه
_____________
شما اعوفك ارد ارجعلك
ماله تالي اليترك المثلك
مو حضرتك لو احب ضلك
هواي اشوفنه يغالي

ابعد ومن ارجع ادگلي
من عفتني هم شفت مثلي
انته ابوي وخيمتي وخلي
اليسوه اسهرله ليالي

أمين ما ابتدي امقصر بكلبي دوم ايخيب ضنك
ماحصلي الشرف مره بيهه أجي واقترب منك
هواي اركض على فرحي ومادرت وجهي عله حزنك

عمري بدونك وقت بل ساعه يفتر
خليني يمك وربيني اذا أنغر
______________
راح اعوف الدنيه واليمي
شنهوا صيتي ياعلوا اسمي
وأنته عاري أعله الترب مدمي
واختك ويه الشمر تمشي

راح أحبك من جديد اني
راح أرجعلك بشر ثاني
اشكد نسيتك ولا تنساني
ياحبيب اليسوه كلشي

راح تفكيري اشغله زينب وعباس وايتام
وشكو شي يحترك اشوفه اذكر احتركتلك اخيام
راح اسافر وي رقيه بلكي اعيشاً رحلة الشام

يارخص دمعي اذا الغيرك اسيله
كل عمري ابجي يوم منل العليله
_______________
وقتي راح اكضيه بدموعي
ومن اسولف انته موضعي
لوا شسوي سالمه اضلوعي
وضلعك بحافر تهشم

شما اسوي ابقه الك محگوگ
اخت ما عندي تطب بسوگ
ولا اهل متكيده عله النوگ
والي مخفي اللهُ اعلم

منهو اني يبو الاكبر واسمع بكلبي وعذابه
بداري اختي اتنام وانته اختك اتنام بخرابه
عفيفات الله خواتك بسوك يمشن يا عُجابه

بت السماوات تصعد عل الهزيله
زينب عفيفه وهل الكلمه قليله
_____________
اخر المشوار الك اكتب
لوا احبك لوا بعد ماحب
ياهمومي اليسون اتشيب
وانكساري الرفع قدري

منهوا غيرك يسوا اشكيله
وانكسر كدامه وابجيله
وعن هموم الدنيه احجيله
ارخيص يمك يغله عمري

العمر سفره يبو سكينه واخر السفره منيه
كلمن ايحدد مصيره وكلمن ايميل عله فيه
واني اريدن عمري يكضه يابوالاكبر بل عزيه

سامحني ارجوك وعمري كله انطيك
ارضي عليه امشي ارقيه انه عليك
__________
براء العبيدي باز کردن / نظر دهید

2022-02-26 09:57:57 اجيت وبس تسامحني على اشفافي
حافي اركض وكلبي مو بشر حافي باز کردن / نظر دهید

2022-02-24 19:25:03 زاير اتعنيت
عفت كلشي وجيت
الحضرته اشتاكيت
موسى ابن جعفر

عفت كلشي وجيت انحسب زاير
خفگ كلبي وصحَت كل المشاعر
يناس ابحضرتة تهده الخواطِر
كلبي ارتاح لوا شفت المناير


هنياله السكن بغداد وجاور موسى ابن جعفر
يبوس ايده صباح وليل ويضل كل عمره يشكَر
رحتله حته اطفي الشوك زرته وشوكي صار اكثر

واليحب غالي
ايهيم بتالي
ألطلته حنيت
__
اجيت امشي انه وكلبي وحنيني
سبحه ابيستري ورايه ابيميني
ادعي الربي ودموعي أعله عيني
كون ابخدمة اكضي سنيني

هنيالي يناس اعليه حبيته وانه المنون
مخبل لوا صحت عاقل يضوج ويحجي لك بشلون
عاقل أنه وما ازعل لوا صحتولي يا مجنون

ماكو حد مثله
يسوه اخدمله
بخدمته انجنيت
______
امشي ومبتسم للجنه چن جاي
لهفان الكلب مشتاگله اهواي
اهيس المهدي يمشي ويبجي وياي
وأبوفاضل احسه ايوزع الماي

لوا جبت العمر كله اخدمله ولا وَفي
المثل موسى اذا اهدي روح هم ما اعتقد يكفي
بطاموره انوضع لاجلي شما اهديله ما يشفي

كلشي الي ضحه
يا كبر جرحه
وانه اله شنطيت
______
امشي وعل درب عيني تراقب
اشكثر زوار راوني العجايب
حفاي وهدمهم بي ترايب
وشفت شياب تخدم بل مواكب

اذا رايد صدك تعشك اتعلم من هوا الشياب
شايب عمره بستين من تنضرله تصرخ شاب
شايل غيره عل موكب تشبه غيرة الاحباب

أبد ما يخجل
بخدمته الاول
هام با اهل البيت
______
اشكثر ارتاح من ادخل حضرته
ومثل الطير حط كلبي اعله كبته
ماخذ وعد يم الزهرة كلته
لاتوفقيني اذا فديوم عفته

اليبقه ابلا هوا ما عاش ابن جعفر هوا بروحي
اذا أحب غيره اغم كلبي ارخص أنه وجروحي
اريداً من يمر اسمه ارد التايه ابنوحي

وعد من اليوم
ابقه خادم دوم
بدونه انه اتئذيت
_______
براء العبيدي باز کردن / نظر دهید

2022-02-24 04:15:37 مثل الزهره جيتهه لابو الاكبر
حميده وجيت لبني موسه ابن جعفر

من كبري مشيت
جن فاطم اجيت
امشي ابجدم همي

من راحت اله
المحسن اخذته
وانه اسماعيل يمي

جتي ولكت كل الحوافر فوك صدره
واني لكيته اعله الجسر بجنازه خضره

اجاني الصادق وجاه النبي وحيدر
حميده وجيت لابني موسه ابن جعفر
_______
يا ثكل الكسر
شفته اعله الجسر
دنيه ابجتف غربه

ماكو احد اله
وحيد ابلا هله
يناس هواي صعبه

باب الحوائج ما شفت واحد فزعله
عايش وميت ضل غريب ابلايه اهله

شما احجي اكيد الشفته جان اكثر
حميده وجيت لابني موسى ابن جعفر

_
بل تحقيق صار
المنه وبيه دار
واقسم بسم الله

كالو للنجات
مو مسموم مات
ميت موتت الله

اتبرت السلطات من اي ذنب منهم
جمعو اثمانين واحد يشهدلهم

وكلهم ابني اشهدو راح اموت احمر
حميده وجيت لابني موسى ابن جعفر
____
الله منل سمه
دز مرسال الي
شايل بيده قرئان


كرامه الموسى دز
راح اقراها الج
سورة ال عمران

والكاضمين الغيض راح اقرالج اني
اكبر مثال ابنج يصير الهل معاني

قبلة عاشكين الزاره مايخسر
حميده وجيت لابني موسى ابن جعفر
____
بسك يا زمان
مو كافي عذاب
راحوا كل اهلنه

لو سم لو ذبح
عشنه ابهل عمر
بس نملك املنه

كل الامل بل منتظر من ياخذ الثار
يمسح دمعنه الما سكت لا ليل ونهار

الله هم عجل ثائر الكوثر
___
براء العبيدي باز کردن / نظر دهید

2021-09-28 19:32:33 شكراً يا ابو علي عله هاي النعمه باز کردن / نظر دهید

2021-09-27 11:57:39 فارگتك وانه ما راضي يحسين
رديت ودموعي تارسه العين
وادعتك انه بلچمه
طفل مجرور من امه
وداعي وياك

كون اسمع خبر موتي ولا اسمع فلشو موكب
مني بيه وابهوايه حقي يحسين لمن اعتب

روحي منل الجسد تطلع
ولا اطلعني من بيتك
ابوس بجدمك اتركني
غافي ابأرض حنيتك
ذلني جرني من اذني
عبدك انه وابكيفك
يل مطيني اخت عل تل
وصفر بل حسره انه انطيتك

الشوارع اذا فرغت يعني اني
اتيهاً اذا يتفلش مكاني
النفس يحسين شيفهمه
طفل مجرور من امه
__
اشلون اردِ الاهلي مَگدر اتركك وحدك يمولاي
اذا طول السنه يومك ابقه احس مقصر بهاي

جرني وعوفني يمك
مثل جرت قرط بتك
بلا عازه اضل والله
ها يحسين اذا عفتك
ما رايد تگضيلي
حاجه ابهاي دنياتي
بقيني اضل اخدم
بس ابهاي انه رِدتَك


عليمن ضال عايش انه بعدك
اذا امشي واتركك تبقه وحدك
العين بلا بچي تعمه
طفل مجرور من أمه
____

وحشه هل الدنيه حبيبي انته وحدك أنس روحي
بلايه عازه بدنيتي ابقه اذا تسگنها الجروحي

اتفضل والهله بزاير
معقوله بعد ماكو
راد وعايش انه المن
غيرك يسوه الي ياهو
شما سولف ولا أوصف
ألذه بخدمتك مولاي
لوا ادور العمر كله
مثلك بل أرض ماكو

الحياة بلا خدمتك بحر ناشف
لجلك ابقه طول العمر واگف
بخدمتك ندهو الزلمه
طفل مجرور من أمه
______

براء العبيدي باز کردن / نظر دهید

2021-09-22 14:14:48 : #مسلم_هز_جدران

: #الرادود_حسين_السويعدي

: #براء_العبيدي

رابط القصيده


باز کردن / نظر دهید