تربيه جيل الأمه

2021-08-10 19:38:19

متدينون أخطؤوا في تربية أبنائهم:


قال وبحسرة تعتصر قلبه والدموع تتحدر من عينيه: أتمنى أن أخشع في صلاتي وأن أبكي فيها مثل المصلين الذين سمعت بكاءهم خلف الإمام في ليالي رمضان ، ثم تابع حديثه قائلا: نحن ثلاثة أخوة في البيت وأنا أوسطهم وكان والدي يضربنا من أجل الصلاة وهو شديد علينا ، وأذكر أنه كان يوقظنا لصلاة الفجر بالضرب ونحن نيام ، وكنا نقوم من نومنا فزعين خائفين وكأننا في فيلم مرعب ، نذهب معه لصلاة الفجر أنا وإخواني من غير وضوء خوفا منه ، ومازلت حتى الآن عندما أذهب للصلاة أشعر بالكراهية من شدة الضرب الذي تلقيته من والدي .



وقصة أخرى يقول لي صاحبها إن والده كان يناديه كل يوم ويأخذ هاتفه ليراقب ما فيه ويسأله هل فيه صور مخلة بالأدب أو أفلام سيئة ، يقول وكنت أجيبه بأنه لا يوجد وأنا صادق، ولكنه لا يصدقني ويفتش هاتفي ويأخذه عنده ليراقبه ، فلما رأيته يعاملني بهذه الطريقة صرت أهتم بالصور الخليعة والأفلام الجنسية الفاضحة ، عنادا مني لا حبا بهذه الأمور وبدأت أسلك سلوكا منحرفا ومازلت حتى هذه اللحظة .



وقصة ثالثة لفتاة صارت تتواصل مع شباب تتبادل الصور والأفلام معهم من خلال الهاتف والنت ، ولما سألتها عن السبب في ذلك ، ردت علي بقولها إن هذا التصرف عبارة عن ردة فعل لتصرفات والدتها تجاهها ، علما بأن أمها متدينة وتعطي دروسا ومواعظ دينية إلا أنها دائمة التجسس على كمبيوترها وجوالها ، ولا تثق بابنتها ولا تصدق كلامها

.

وقصة رابعة لرجل تجاوز الثلاثين من عمره قال لي بحسرة: إني أدخن بشراهه وذلك بسبب والدي ، فاستغربت من كلامه وقلت له كيف ذلك ؟ فقال لي لما كنت صغيرا وكان عمري اثني عشر عاما كان عندي أصدقاء يدخنون ، وأنا أجلس معهم ولكني لا أدخن ولا أحب التدخين ، فلما أرجع إلى البيت يشم أبي رائحة الدخان في ملابسي فيضربني ضربا مبرحا وينهاني عن التدخين ، وأنا أقول له صدقني أنا لا أدخن ولكن أصدقائي يدخنون ، ولكنه لا يصدقني علي الرغم من كثرة محاولاتي إقناعه ، فاتخذت قرارا بأن أبدأ بالتدخين طالما أني أضرب كل يوم ووالدي يستوي عنده الصدق والكذب ، والآن تجاوز عمري الثلاثين عاما وأنا مستمر بالتدخين وأنا له كاره .



هذه نماذج عشتها وشاركت في علاجها ولم يحدثني أحد بها

، والقاسم المشترك فيها هو حرص الآباء على تربية الأبناء التربية الدينية ،

وهو هدف نبيل وجميل وكلنا نتمناه وننشده إلا أنهم استخدموا وسائل تربوية خاطئة

بسبب جهلهم التربوي أو فقرهم لثقافة التدرج والمرونة والصبر عند غرس القيم الدينية ،

وهذا خلاف المنهج النبوي القائل (إن هذا الدين متين فأوغلوا فيه برفق) ومتين أي واسع وقوي وعميق..

وهذه المعاني تحتاج منا عند غرسها في أبنائنا إلى رفق ولين وصبر ، ولا ينفع معها الضرب والعنف والغلظة ،

فليس الهدف أن نجعل أبناءنا يمارسون العبادات شكلا فقط

، وإنما المقصود أن يمارسوها بحب وشوق ،

ولهذا فإن أكبر تحدٍ في التربية الدينية هي كيفية الجمع بين حرص أبنائنا على الصلاة والعبادات مع الحب لأدائها والمحافظة عليها،

وهذا هدف يحتاج إلى فن ومهارة تربوية .

إن ما ذكرناه من قصص واقعية عن ضحايا للتربية الدينية الخاطئة متكررة في بيوت كثيرة ،

وأساس هذه النتائج السلبية هي التربية بمنهج (الغلظة) وهو ما حذر منه الله تعالى رسوله الكريم في قوله (ولو كنت فظا غليظ القلب لانفضوا من حولك )

ولهذا نجد أبناءنا اليوم ينفضون من حولنا ،

والكل ينادي ويصرخ : كيف نجعل أبنائنا يسمعون كلامنا أو يطيعون أوامرنا !

والجواب بسيط والمعادلة سهلة

، وهي أن نعطيهم الأمن والأمان ولا نتجسس عليهم ونعاملهم باحترام ورفق ونصدقهم إذا تحدثوا ونحسن حوارهم

، ففي هذه الحالة يعطوننا الطاعة والإستجابة والإحترام ،

بينما لو عاملناهم بالغلظة والضرب فقد ننجح ونفرح باستقامتهم وصلاحهم المؤقت ونحن نظن أنه صلاح دائم ،

ولكننا نكون قد حطمنا ذاتهم ودمرنا سلوكهم وقيمهم من حيث لا نشعر ونظن أننا نحسن صنعا

د.جاسم المطوع .
#ابنك_يستحق باز کردن / نظر دهید

2021-08-10 19:37:41 اعجبتني جداا .. 

الابناء ذكروا في القران بأوصاف منها :

 " زينة"
( المال والبنون زينة الحياة الدنيا ) فهم نعمة تحتاج شكر للمنعم. 

 "شهوة "
( زين للناس حب الشهوات من النساء والبنين..)
فهم مما تميل له النفس وتشتهيه والبعض يراهم هم وغم ونكد ويتلفظ بالفاظ تخالف مافطر الله الناس عليه

 " فتنه "
( إنما أموالكم وأولادكم فتنه )
أي اختبار وابتلاء وتمحيص فمن الناس من يطغيه ابنائه ويصرفونه عن طاعة ربه

 "عدو"
( إن من أزواجكم وأولادكم عدو لكم فاحذروهم )
وهم عدو اذا تسببوا في صرف الاباء عن طاعة الله أو أوقعوهم في معصيته

 جدد النية في تربية أبنائك دوما
وأنك تريدهم عبادا لله صالحين علماء يخدمون دينهم وعقيدتهم 

ولا تكن نظرتك قاصرة على
( اربيهم ليعتنوا بي في الكبر )

ﻷن من كانت الاخرة همه جمع الله شمله واتته الدنيا وهي راغمه.

 إياك والمن عليهم بأمومتك،وابوتك وحملك لهم وإرضاعهم وتعبك عليهم،والنفقة
ﻷن هذه نعمة وهبك الله
فلا تمنن عليهم
ولا يمنع تذكيرهم باسلوب لا من فيه 

 عش معهم ولهم
وليس فقط ﻷجلهم
فلنفسك عليك حق
فلا تجعلهم يشغلوك عن عبادتك أو صحتك. 

 التربية بالحب
أنجح تربية بالكلمة الطيبه والحضن الهانئ ولمسة الحنان والمداومة على ذلك

 لا تقتل براءة أبنائك
بشحن نفوسهم بالحقد على الآخرين
أو تفضيل بعضهم على بعض أو بالمقارنة الممقوته

 أحببهم
ولكن لاتقدم محبتهم على محبة من وهبك إياهم
ولا رضاهم على رضى من قلوبهم بين أصبعين من أصابعه فهو من يسخرهم لك 

 احرص على دينهم وعبادتهم أشد من حرصك على دنياهم وأكلهم 

 لسانك لا يفتر عن الدعاء لهم بخيري الدنيا واﻵخره
فدعاء الوالدين توفيق وسداد

 إياك والدعاء عليهم
فتوافق ساعة استجابه فيستجيب الله لك

 اغرس في قلوبهم حب الله وخشيته ومراقبته منذ الصغر 

 دعهم يتعلمون أمور الحياة ويصبرون عليها
ولا تعودهم أنك دائما المنقذ لهم 

 لايمكن حبس الابناء عن المجتمع
او محاولة عزله عن اقرانه ومن حوله فأغرسوا فيهم الخوف من الله والرقابة الذاتيه..

انشروها بين الاباء والأمهات 

أبناؤنا أمانة
... باز کردن / نظر دهید

2021-08-10 19:33:52 #معا_لنبنى_جيل_مسلم

كيف اجعل ابني يعشق #الصلاة...

كلنا اكبر امانينا ان يلتزم ابنائنا بالصلاه...
لكن الهدف الاسمى ان يشب ابنائنا وهم يعشقون #الصلاه...
فتعالوا سويا نحاول ان نتعلم كيف نجعل ابنئنا يعشقون #الصلاه


اولا يجب ان نعود ابنائنا على الصلاه من سن خمس سنوات ...
وذلك عن طريق ان تنادي علي ابنك او بنتك بكل حب وحنان ...عندما تذهب للصلاه
قل لت تعال نصلي كي يحبنا الله ويدخلنا الجنه ...

فى البدايه اجعله يفعل مثلما تفعل...حركات فقط...
وغالبا انه يمل ولا يكمل ...او يتحرك ويلعب اثناء الصلاه...
فإياك ان تنهره...اثني عليه...واعطى تركيز اكبر فى الثناء على الوقت الذى وقف فيه دون حركه..

ابدأ فى تحفيظه ما يقال فى الصلاه...باستخدام برامج تعليم الصلاه...و بتعلية صوتك بجانبه و انت تصلي النوافل...

من سنه السادسة اجعل صلاة (الصبح)اساس فى يومه..اول استيقاظه...
اجعله يحفظها جيدا....ويتقنها مع الوقت...

شجعه علي الصلاة بصوت عالي لان ذلك يساعده علي التركيز...ويساعدك على معرفة اخطائه...

اثني عليه دائما وضمه الى صدرك وقل له ان الله يحبه لانه يصلي...وسيدخله الجنة..ويرزقه فيها بكل ما يتمناه من فواكه والعاب وأراجيح وحلوى باز کردن / نظر دهید

2021-08-10 00:39:41 قصة تحفة ....هتحبب الاطفال في اللبن

حدوتة النهاردة ..( حمزة و اللبن )

تأليف و كتابة : شيماء عبدالعال

كان ياما كان ....كان في زمان ولد اسمه حمزة .....حمزة كان ولد شاطر و مؤدب .....لكن مشكلته الوحيدة انه مش بيحب اللبن .....لكن كان بيحب يشرب البيبسي بس .و كان دايما بيتهرب من مامته لما تقوله يلا يا حمزة اشرب اللبن ....... بليل يعمل نفسه نام و نسيه ......و الصبح يقول مش بحبه طعمه وحش .

باباه كان دايما بيقوله : يا حمزة انت لسه صغير و جسمك بيتبني .... ...و عشان جسمك يبقي قوي لما تكبر و اسنانك كمان تبقي قوية و متتكسرش .... لازم تشرب اللبن . ......لان اللبن مليان فيتامينات و كالسيوم و الحاجات دي هي اللي بتقوي جسم الانسان ....مش البيبسي .

لكن برضه حمزة مكنش بيشرب اللبن و كانت حجته انه طعمه وحش ........ و في يوم من الايام مامه حمزة جابتلوا كوباية لبن عشان يشربها قبل النوم ...... . .حط حمزة الكوباية جمبه و بعد ما مامته نامت ..... اخدها و حطها في التلاجه ... و راح نام علي سريره.

و هو نايم حس انه عطشان اوووي فقرر انه يقوم يشرب مايه من التلاجة ..... .و اول ما قرب من التلاجة سمع صوت كأن حد بيعيط .......فضل حمزة يقرب من التلاجة و صوت العياط يقرب و يزيد ... . . و لما فتح حمزة التلاجة اكتشف ان كوباية اللبن الي مشربهاش هي اللي بتعيط . .

اول ما شافها حمزة بسرعه مسكها و اخدها و قفل التلاجة و سألها مالك انتي بتعيطي ليه ..... ردت كوباية اللبن و قالتلوا ....يعني مش عارف انا بعيط ليه .......رد حمزة و هو مكسوف منها ...... هو انتي بتعيطي عشان انا مشربتكيش و حطيتك في الثلاجة ....... .

ردت كوباية اللبن و قالتلوا ....يعني هو انت مشربتنيش النهاردة بس .......انت مش بتحبني و مبتشربش مني خالص .و علي طول بتحب تشرب من المشروبات الساقعه دي البيبسي و البرتقال و السفن .......

مع اني و الله مفيدة جدا للاطفال ......و فيا فيتامينات كتير اللي بتغذي الجسم و بتكبره و بتخليه قوي .........

و كمان فيا الكالسيوم اللي بيقوي العظام و الاسنان ...... لكن السبب بقي اللي خلاني اعيط هو ان ازازة البيبسي بتاعتك اللي في التلاجة عمالة تغيظني .........

و تقولي انا حمزة بيحبني اكتر منك .......و كل شوية يجي يفتح التلاجة و يشرب مني .........

انا نفسي اعرف بس يا حمزة انت ليه مش بتحبني ........
رد حمزة و قالها اقولك السبب بس متزعليش .....قالتلوا كوباية اللبن ... قول و مش هزعل .... قالها اصل انتي طعمك وحش لكن البيبسي طعمه جميل و مسكر ......و يا سلام بقي لما يبقي ساقع بيبقي لذيذ اوووي

اضايقت كوباية اللبن جدا من حمزة و قالتلوا ....بس علي فكرة البيبسي اللي بتقول طعمه حلو اوي دة ضار جدا للاطفال ...... ..

. بيضعف عظمهم و بيخلي جسمهم كله ضعيف و كمان بيخلي اسنانك تبقي ضعيفة و تتكسر بسهولة ...... و لما جسمهم يبقي ضعيف .... ....بيبقي سهل اوي تدخل فيه الامراض . .

اتخض حمزة اوي لما سمع كلام كوباية اللبن و قالها انتي بتتكلمي بجد ..... .ردت و قالتلوا ..... و الله بجد و لو مش مصدقني اسال باباك و مامتك و اتاكد منهم

كملت كوباية اللبن كلامها و قالتلوا طيب انت جربت تحط عليا كاكاو و سكر و تدوقني .. ....قالها حمزة ...لا .....قالتلوا طيب جربت طعمي و انا معايا فاكهة ....... و معمولة عصير في الخلاط .. رد حمزة و قالها برضه لا ........ قالتلوا كوباية اللبن دانا بيبقي طعمي لذيذ اوي ...مع الموز و الجوافه و كمان الفراولة ....... . .

قالتلوا طيب جرب و صدقني طعمي هيعجبك . ابتسم حمزة و قالها اوعدك اني هجرب ......فرحت كوباية اللبن و قالتلوا يلا بقي رجعني التلاجة و اشرب ماية و ارجع لسريرك .......... .

ضحك حمزة و قالها لا انا مش هشرب ماية انا هشربك انت ......... . و فجأه صحي حمزة من النوم علي صوت مامته و هي بتقوله يلا يا حمزة هتتأخر علي المدرسة .......قام حمزة من النوم و اكتشف انه كان بيحلم ........

بس كان حلم جميييييل ....و راح لمامته و طلب منها تعملوا كوباية لبن بالكاكاو دافية يشربها قبل ما يروح مدرسته .

و توتة توتة خلصت الحدوته
_حواديت_قبل_النوم_ باز کردن / نظر دهید

2021-08-10 00:39:22 حدوتة النهاردة ..... ( ياسين و ادواته المدرسية )

تأليف و كتابة :شيماء عبدالعال

كان ياما كان .......كان في زمان ولد اسمه ياسين .. . كان ياسين ولد جميل و مؤدب......... لكنه كان مهمل جدااااااا ....... مش بيحافظ علي حاجته خااااالص .........

و بان اهماله اكتر لما دخل المدرسة ....... و بدات مامته تلاحظ انه كل يوم يرجع ادواته المدرسية ناقصة حاجه ....... يوم يرجع من غير القلم و لما مامته تساله فين القلم بتاعك مش موجود في شنطتك ........

كان بيقولها مش عارف يا ماما بقي تلاقيه ضاع مني ....... اتصلي ب بابا يجيبلي و هو جاي قلم جديد ........ . و فعلا هو دة اللي كان بيحصل ......... يوم تاني يرجع من غير المسطرة و لما مامته تساله عليها يرد نفس الرد .........

مرة يقول نسيته علي الديسك....... و مرة يقول واحد صاحبي استلف مني القلم و مرجعوليش .........و مرة يقول وقع مني تحت الديسك ........ و قعدت ادور ملقتهوش ..... . و مرة يقول دي اتكسرت مني و رميتها في الباسكيت مامته اتضايقت جدا منه.........

و قالتلوا ان دة اسمه اهمال ....... و انه هو انسان مهمل بيضيع حاجتة و مش بيحافظ عليها و ان باباه بيتعب في شغله عشان يجيب فلوس يجيبلوا بيها الادوات دي ......... لكن برضة كان كل يوم يرجع ياسين مضيع حاجة من ادواته ........

و باباه طبعا يجيبلوا غيرها ادوات جديدة ّّّّّّّ....ّّ و لما مامته تعبت من الكلام معاه و انه مش بيسمع كلامها اخدت قرار حاسم عشان ياسين يبطل اهمال بقي ......... مامته قالتلوا بص يا ياسين اعمل حسابك بعد كدة انك تحافظ علي ادواتك لان الحاجه اللي هتضيع منك مش هجيبلك غيرها تاني ابدا ..........

اخد ياسين كلام مامته علي انه هزار ...... و تاني يوم رجع من المدرسة مضيع القلم بتاعه كالعادة....... و طلب من مامته تخلي باباه يجيبلوا قلم جديد لكن مامته رفضت....... قعد ياسين يترجاها لانه محتاج قلم ضروري لان عندة امتحان تاني يوم ...... مامته رفضت تماما و قالتلوا كان اخر تحذير ليك عشان تبطل اهمال ..........

قعد يفكر ياسين هيعمل ايه بكرة و هيحل ازاي في الامتحان ......... قال خلاص ممكن استلف قلم من اي حد من اصحابي ........ راح ياسين المدرسة و طلب من صاحبه يديلوا قلم عشان يحل بيه لانه مش معاه ....... صاحبه قاله انه معهوش غير قلم واحد بس ........

قعد ياسين يلف علي اصحابة واحد واحد لكن ملقاش و لا حد يسلفه قلم ...... اتضايق ياسين جدا من نفسه لانه هو اللي حط نفسه في الموقف السخيف دة ...... و معرفش يكتب حاجه في الامتحان رغم انه كان مذاكر كويس و عارف الاجابات لكن مكنش معاه قلم يجاوب بيه ساب الورقه فاضيه ......

و لما رجع البيت قعد يعيط و يلوم نفسه ...... و حكي لمامته علي اللي حصل....... و اتأسف لمامته ووعدها انه هيبطل اهمال ........ و انه اتعلم درس قاسي اووووي....... بسبب انه مهمل و مش بيحافظ علي ادواته ........

و طلب من مامته تسامحه لانه مش هيجيب الدرجه النهائية في الامتحان زي كل مرة لكن دي مرة و مش هتتكرر تاني ان شاء الله ........

وبالفعلا اتغير ياسين خااااالص و بقي بيحافظ علي حاجته و مبيضيعهاش او يكسرها........ و رجع تاني يجيب الدرجات النهائية في كل المواد و طلع الاول علي مدرستة

و توتة توتة خلصت الحدوتة

هستني تعليقاتكوا كالعادة ...عشان اعرف رايكم في قصة النهاردة ....
خلوا اولادكم يجاوبوا علي الاسئلة دي :
1_ياسين كان دايما بيحافظ علي ادواته المدرسية ( / )
2_لما ياسين ضيع مسطرته باباه جابلوا غيرها واحدة جديدة ( / )
3_الانسان المهمل هو اللي مش بيحافظ علي حاجته ( / )
4_لما مامه ياسين مجبتلوش قلم جديد اخد قلم من اصحابه و حل بيه الامتحان ( / )
5_ياسين اتعلم درس بسبب اهماله و اعتذر لمامته ( / ) باز کردن / نظر دهید

2021-08-10 00:39:06
*ارشادات قبل المراهقة*

*ارشادات ما قبل المراهقه*
كلنا بنفرح اوى بالنونو الجديد ونتمنى انه يلعب معانا ويلاغينا ونفضل نلعب ونجرى ونغنى لسن تلات اربع سنين وبعد كده خلاااص يبقوا خناشير ونبتكر الطرق والوسايل اللى يخليهم يبعدوا عنا ويحلوا عن دماغنا
وللاسف كتير مننا بينجح فكده ويتفوق فابعاد ولاده عنده بدايه من سن خمس سنين
وطبعا والله ما بنقصر وبنقنع نفسنا بكده
اعملهم ايه يعنى اكتر من كده تاب وجبت نت ودخلت بلاى ستيشن واشتريت تمارين فعز التلج ووديت تليفزيون ودش فاوضتهم وحطيت اكل وشرب فالتلاجه ومليت
يحلوا بقي عن نافوخى برغيهم وطلباتهم وزنهم
طيب برافوا عليكى انك ابدعتى ففشلهم وريحتى دماغك وضميرك . افضى بقي لنفسك وللواتس والفيس
*بقولك ايه اخبار التواصل بينك وبينهم ايه؟؟؟؟*
ياترى ايه هوايتهم ؟؟؟؟
طيب بيتصرفوا ازاى وهما بعيد عنك؟؟؟
بيحلوا مشاكلهم ازاى؟
بيعرفوا يتعاملوا مع الناس ولا ايييه؟
طيب هل هما قاده ولا .......؟؟؟
طيب كفايانا اسئله وتعالى اقولك على طريقه حلوة اوى تخليكى تكسبي اصحاب واخوات وابناء و سند وضهر. ورجاله وستات يعتمد عليهم
افضلى العبى معاهم مهما كبروا العبي فوازير العبى شطرنج ، كوتشينه، دومينو ، العبى x. o. العبى الاسماء ، لونى وارسمى معاهم ،، العبي بازل ،، ريسيكل ،، العبي حتى سبت حد
اوعى تتنازلى ابدا عن متعه حدوته قبل النوم
اوعى تتنازلى عن انهم يرجعوا من بره متلهفين انهم يحكولك كل اللى حصل بحب وصحوبيه
اوعى تتنازلى عن الهزار والضحك والشقاوة
ا وعى تتنازلى عن نص ساعه مع بعض تحكوا وتتناقشوا وتقروا مع بعض
اوعى تتنازلى عن صلاه الجماعه كل يوم ولو فرض واحد
واوعى تتنازلى عن الدعاء الجماعى يوميا
انزلى لسنهم و متعيهم واستمتعى معاهم .. بكرة هيكبروا ويتجوزوا وتستمتعى بالهدوء براحتك ..
*التواصل الجيد بينك وبينهم هيحميهم ويحميكى من بلاوى كتير اوى ممكن تحصل*
*التواصل وقايه*

*#سمارت_ستارز_معاكي*
*#سمارت_ستارز_سنتر*
*ارشادات_قبل_المراهقة*
باز کردن / نظر دهید

2021-08-10 00:38:38 حدوتة النهاردة .... .

( اوضة يوسف )

كان ياماكان كان في زمان ولد شقي اسمه يوسف ..... كانت مامته دايما بتشتكي منه انه مش بيرتب اوضته ......و كل ما مامته ترتب الاوضه الصبح بعد ما يوسف يروح المدرسة و ترجع كل حاجه مكانها.... ......اول ما يوسف يرجع من المدرسة يقلب الاوضه في ثواني ......يرمي التيشيرت علي السرير و البنطلون علي الكرسي و الشوز تحت المكتب و الالعاب بتاعته يرميها علي الارض ....... ..دة غير كتبه و كراساته اللي مش متنظمة علي المكتب و الورق اللي مالي المكتب .......مامته تعبت من الكلام معاه انو لازم يحافظ علي نظافه اوضتة .......وانو كبر و المفروض يرتب اوضته بنفسه كمان ...... لكن يوسف مكنش بيسمع الكلام خالص ...... و في يوم صحي يوسف وراح المدرسة عادي لكن مامته خرجت بدري و ملحقتش ترتب اوضته زي كل يوم لان كان وراها مشوار مهم و قالت لما ارجع هرتبها...هيكون يوسف لسه مرجعش من المدرسة ..... .وصل يوسف للمدرسة و هو طالع علي السلم و بيتكلم مع واحد صاحبه و مش واخد باله ....رجله اتزحلقت ووقع علي السلم واتعور في راسه...... .راح المستشفي و نضفولوا مكان الجرح و ربطوه كويس .....و اتصلوا بمامته جت اخدته و روح البيت ......و بعد ما اليوم الدراسي خلص قرر اصحابة في الكلاس كلهم انهم يستئذنوا من اهلهم و يروحوا يزوروا يوسف صاحبهم في البيت ...... عشان يطمنوا...... عليه ..... خبطوا الباب فتحتلهم مامته و طلبوا منها انهم يشوفوا يوسف .......دخلوا اوضه يوسف و دي كانت المفاجأه ليوسف .... بقي محرج جدا من نفسه اصحابة استغربوا جدا لما شافوا اوضة يوسف مش مترتبة كل ركن في الاوضة مليان كراكيب و العاب و ورق و سريره مش متروق و الكتب مش متنظمة علي المكتب .... لدرجه ان اصحابوا مبقوش لاقين مكان يقعدوا فيه .....فضلوا واقفين ....سلموا علي يوسف و اطمنوا عليه و ادولوا الورد اللي كانوا جايبنهولوا و استئذنوا و مشيوا ...........و اول ما خرجوا يوسف قعد يعيط دخلت عليه مامته لاقيته بيعيط قالتلوا مالك يا حبيبي انت تعبان حاسس بحاجه.. الجرح اللي في راسك بيوجعك ...... قالها لا يا ماما ان مكسوف من نفسي جدا....ان اصحابي جم علي فجأة و شافوا اوضتي و هي مش مترتبة شكلي بقي وحش اوووي قدام اصحابي .....دلوقتي هيقولوا لكل اصحابي و المدرسين و هيقولوا عليا اني ولد مهمل و اوضتي مش متنظمة ..... مامته قالتلوا انا قولتلك الكلام دة كتير قبل كدة ......علي العموم اعتبر ان دة كان درس ليك عشان تتعلم ان دايما تحافظ علي نظافه اوضتك و ترتبها دايما و تحط كل حاجه في مكانها ....... قالها كان عندك حق يا ماما يا ريتني سمعت كلامك قبل ما اتحط في الموقف السخيف دة ........و من ساعتها فعلا بقي يوسف بيرتب سريره و اوضته اول ما يقوم من النوم ....... و توته توته خلصت الحدوتة حلوة و لا ملتوته ...?????? باز کردن / نظر دهید

2021-08-10 00:36:55 حدوتة النهاردة ( أخويا حبيبي )

كان ياما كان ....كان في زمان ولدين اخوات اسمهم مهند و مؤمن ...... ..كانوا علي طول مختلفين مع بعض و علي طول بيتخانقوا مع بعض لدرجه انهم ممكن يضربوا بعض . ...و كل ما يشغلوا التليفزيون يفضلوا يتخانقوا كل واحد عايز يتفرج علي القناة اللي بيحبها و في النهاية يضربوا بعض

مامتهم تيجي بسرعه و تبعدهم عن بعض و تقولهم ان مفيش اخوات بيضربوا بعض . الاخوات المفروض يحبوا بعض و يخافوا علي بعض

لكن مهند و مؤمن برضه مكنوش بيسمعوا الكلام ....مهند كان بيحافظ علي اي لعبه باباه بيجيبهالوا و بعد ما يخلص لعب بيلم العابة كلها في صندوق كبير . ..عكس مؤمن اللي كان مهمل و بيكسر اللعب بتاعته ......فلما كان مؤمن بيطلب من مهند انه يلعب معاه بالالعاب بتاعته . مهند طبعا كان بيرفض لانه بيخاف احسن مؤمن يكسرولوا العابه لانه مهمل و يتخانقوا مع بعض كالعادة و يضربوا بعض .....

حتي التابلت كانوا بيتخانقوا عليه .كل واحد فيهم عايز يلعب بيه لوحده و بس .حتي لما مامتهم حلتلهم المشكله دي و قالتلهم ممكن كل واحد يلعب عليه ساعه مثلا و يديه للتاني و هكذا ...لكن مؤمن كان بيقولها لا يا ماما التابلت دة بتاعي انا . مامته ترد و تقولوا لا يا مؤمن دة بتاعكوا انتوا الاتنين بابا جابهولكم علشان تلعبوا. بيه مع بعض ....لكن برضه كان بيقعد مهند و مؤمن يتخانقوا علي التابلت و في النهاية يضربوا بعض كالعادة ....

باباهم اتكلم معاهم كتير و قالهم ان اخوك هو اقرب واحد ليك ..الاخوات بيبقوا زي الاصحاب يلعبوا مع بعض و يعملوا كل حاجه مع بعض

بكرة هتكبروا و تعرفوا يعني ايه اخ .اي مشكله تقابلك في حياتك في شغلك مثلا هتلاقي اخوك جمبك و بيساعدك لحد ما مشكلتك تتحل .

و في يوم من الايام و هما في النادي مع مامتهم و باباهم ....مؤمن اخد الكرة و راح يلعب بيها لوحده . و فجأه قرب منه ولد اكبر منه و قعد يضايقه و كان عايز ياخد منه الكرة بتاعته.

مؤمن رفض و قالوا دي بتاعتي .الولد قرب منه اكتر و كان هيضربه عشان ياخد منه الكرة .شافهم مهند من بعيد و حس ان مؤمن اخوه في خطر.... .جري بسرعه مهند و راح لمؤمن لاقي فعلا الولد الكبير دة كان بيضربه . جري مهند علي الولد الكبير و زقه بكل قوته ووقع الولد علي الارض و اخد مهند اخوه مؤمن و الكرة بتاعتهم و جريوا علي مامتهم و باباهم .. ..

فرح مؤمن اوووي من تصرف مهند اخوه اللي انقذه رغم انهم كانوا في البيت بيضربوا بعض و قعد يقول لنفسه .الظاهر ان بابا كان عنده حق انا لما اتحطيت في الموقف دة اول واحد لاقيته جمبي و انقذني من الولد اللي كان بيضايقني هو مهند اخويا .

فرح باباهم جدا بالموقف اللي حصل دة .و قالهم شوفتوا بقي عرفتوا ان الاخوات لازم يحبوا بعض مش يضربوا بعض .تبقوا ايد واحدة و تلعبوا مع بعض .يعني مثلا بدل ما كنت بتلعب بالكرة لوحدك يا مؤمن كنت ممكن تلعب مع مهند و تعملوا كأنكم فريقين . اعتقد ساعتها كنتوا هتتبسطوا اكتر و مكنش حد هيقدر يقرب من مؤمن و يضايقه

راح مؤمن لمهند و قاله انا بحبك اوي يا مهند و اوعدك مش هتخانق معاك او اضربك تاني

و توته توته خلصت الحدوتة باز کردن / نظر دهید

2021-08-08 15:47:40 باز کردن / نظر دهید