2022-06-19 10:33:09
هلالية محرم الحرام 1444
هل محرم يابو فاضل
دمعي من دم خويه هامل
شفت الهلال. شيب الحال
يابو فاضل
==========
يابوفاضل بالسمه شفت الرزيه
انرسمت بعيني يخويه الغاضريه
وانرسم شاطئ النهر يحمل اذيه
راح أبو فاضل اشوفه من اديه
عالشريعه. گمر مرسوم
جني شفتك. امغير ارسوم
رأيك شگال. شيب الحال
يابوفاضل
==========
بَيّنَ هلال الشهر والهم خذاني
وسطرة امي اعل الوجه دهري عماني
دهري منكم يابو فاضل يتماني
كلشي ماخليت بيه يازماني
مني راحوا اغله الاحباب
خذهم شلون مني الاتراب
همومي اجبال. شيب الحال
يابوفاضل
==========
يختلف لون الهلال وشفته احمر
بي رسم جثه تظل ابلايا منحر
گلبي ياخويه بالم بالهم تكسر
مضيعه اخوتي وبالصحاري بحيره افتر
ساعه للتل وساعه للماي
يصعب الشوف بدمعة ابجاي
سيوف وانبال. شيب الحال
يابوفاضل
==========
هيمة اشوفن بالهلال وكل الآلام
وعيله فرت بالصحاري بحرگ الاخيام
عمري بس ضيم ورزايا كل الايام
باب والطبره وجبد وشموع جسام
عملة الباب. هذا الاحساس
والبعدها. شيب الرأس
صعبه تنزال. شيب الحال
يابوفاضل
==========
أخذ بعيوني الهلال لطف الاحزان
شفت اخويه اعل الترب ياويلي عطشان
بگلبي بخيامي احسن خويه نيران
يابوفاضل مابعد ظلتلي وليان
الحادي خويه. يحدي بالنوگ
يابوفاضل. گلبي محروگ
راسك الشال. شيب الحال
يابو فاضل
==========
من بعد ذاك الدلال وي المهابه
تالي زينب بايته خويه بخرابه
عالرمح راس الاخو جامد خضابه
والدهر كلش قسه يكتل عذابه
دهري قاسي بحرگ الاخيام
تالي اروحن. خويه للشام
لديرة انذال. شيب الحال
يابوفاضل
==========
تمت ولله الحمد المقصر مع الحسين
علي النائلي
241 views07:33
ا
