الخادم علي قيس الوريد

2022-08-01 04:14:45 السلام على جليسة الديار الخاليه...
_________

يسئلوني عليك... وأنه اسأل حلمي واجاوب....   واحجيلي طيوف
يسئلوني عليك... وأنه وي اضنوني احارب   وتهزمني طفوف 

وابقه انه البدارك بجت امن الليل لليل
وحتى الرسايل ما اجت من روّح الحيل
ومناشد الناس الصعب يحمل هظم ويل
وتذبحني چلمة ما اجه وتلفيني الخيل

ودمعاتي بالعين...ترجعني للوين؟؟
ويبقى السئل..ينگل زعل...يم گلبي يحسين

وأيام... وأيام.. والهم يعاود
واحلام.. وحلام.. للدم تگاود
..........

ياخذني واجيك... (طاري انته) اسمعه تعالي... وركضلك اجيت
ياخذني واجيك... ويتواره  ابهيمه خيالي.... وبحسره بجيت

وتردني صحره والعطش ايگاود الروح
وانه ابخيالي وتيهت وبلهيمه دم يفوح
واركض وطيحن والرجه ماشوف مذبوح
وارجع لعد داري ابتعب ومحملّه النوح

وانه ابخيالي....متردّي حالي
شحال السحگ..طف وشهگ...ورايحله غالي

وأيام... وأيام... نوحي يزاود
واحلام... وحلام.. للدم تگاود

.............

سهرني عذاب... شما غمض عيني اشوفك.. وتضحكلي واكوم
سهرني عذاب... و ابسهري تمرني طيوفك.... وعن نومي أصوم

وأنه أعله أذآنك عودت إفطاره نومي
وهسه بغيابك يا هني كبرت هدومي
نحلانه حيل ابفرگتك وللماكو اومي
هلبت خبر منك يجي ويگلي كومي

يا بلكت الله....وتردلي غفله
وبيدك يرد...عمر الورد...ويضحكلي عبدلله

وأيام... وأيام... لخبارك أناشد
واحلام.. وحلام.. للدم تگاود


........
بأحلامي اروح... يم طفك اذبني رساله... وتقراني النار
بأحلامي اروح... وخنصر يعرضلي خياله... ويكتبلي الصار

بالدم على اتراب الهظم خطالي جلمات
بس ابتدّه اوف ابحرگ جنح الحمامات
و رد يكتب شلون الورد بالهيمه من مات
ومالحك ايكمل رسم وانباگ لجمات

وصار التسائل...يم گلبي كاتل
وصار الحلم...يبجي هدم...ما ردله سائل

وأيام... وأيام.. عل الخنصر اراود
واحلام.. واحلام.. للدم تگاود
..يابويه يحسن

..........
موعدله واموت... لو ذكره حبيبي تجيني ... وادفني واجيك
موعدله واموت.. وچادر فاتحتي ونيني... وتعزيتي عليك

الميته انه والحزن كله أعله فگدّك
گلبي عليل اوما حمل صبر أعله گدّك
يمگاود أحلامي أمن أعد ضيمي اعدّك
وما عندي غيرك يالمشو وياك ولدّك

وما ردلي واحد....وهظمي يعاود
وموتي صبح..دم وطفح...وغطه المواعد

وأيام... وأيام..بيهن همي قائد
واحلام..وحلام..للدم تگاود...
.....
........
..........
علي قيس الوريد باز کردن / نظر دهید

2022-08-01 04:11:25 #العليله وحزنها من جانب آخر.....
...........

مابجيت افراگك ابگد ما بجيتك؟!
يا عزيزي ابدمعي كل مره لگيتك..
ما عفتني بگلبي عايش يابو بيتك..... ياحنين...

اجروحك الوصلني خنگه....وضكت انفاسي المصايب
وفتشت بحلامي و الگه..... عطش غافي اعله الترايب
اخذ شوگي وعاف حرگة.. جلمت الوحدّه يحارب

وصار..دمعي العليك...ياخذني ليك...وابجي النحر
ونار...گلبي اشتعل...وفاض الزعل....وغطه النهر
واليفيض اجروفه تنگع
ابياحسين الروح تطلع..
..................
مانطرت اتعود حتى افرح يغالي؟؟!
ولا ردت ترجعلي وحضه آنه بدلالي؟؟!
انا اقبل سالم اتعود ابخيالي.... يابعيد...

امنيتي صارت انه ارسمك... ابلا ذبح لا ضيم عاشر
ليش كل ما مرني اسمك... ينكتب يمي ابحوافر
كون الله ويبقه جسمك....سالم ايطييب الخواطر

وطاح...جسمك بذر..وخضّر جمر..يجوي النظر
وصاح..ناعي السمه...وغطه الدمه...غيض البشر
والبشر ما همها تسمع
ابيا حسين الروح تطلع..
.................
ماكسرني ايروح ضعنك وانته تدري؟؟!
بكثر مايكسرني باجر (وين خدري)..
من اميره تطلع و دخان يقري؟؟.... ياحسين

الاميره استار رادّت.... وانته عريان ابصحاري
وعگبك الدخان صاير.. ايحشم لحيرتها ذاري
لكن امن اخيول غارت..حار يمها الذاك قاري

وگال...راح انتشر...ضلمة ظهر...واعمي الدرب
وخاف...من الردم..يكتل حلم....شاله الگلب
و بالهداوه الحلم يقنع
ابيا حسين الروح تطلع...

......................
ما خفت بوداعك ابگد الرسايل...!!
من تجيني گلبي احسه وحشه شايل
وابقه اتراجف مخافه وعودي مايل...ودعي ليك

كون الاسهام ابغربتك...وبالرمح ينشال هضمك
وتلتم الدنيا ابحضرتك..بس تحبك مو اتضربك
وكون كلها اتحب صحبتك.. ويسلم امن العطش گلبك

وخاب.. كل الدعه....وفاز السعه...يلوحك ذبح
وجاب....لمن طحت..شام وطشت..وهوسة صبح
واليطيح اشلون يرجع؟؟
بيا حسين الروح تطلع...

...................
ما متت من هجرك ودلالي شاهد؟؟!
ولا متت من وحدي اتانيك وتباعد؟!
انا موتي اعليك من شفتك تواعد...دربي موت

والمشوو وياك رجعوو !!...وانته لضعونك تصاحب
والراسلوك ابكلمه خذلوو...و الالك ضدك يحارب!
ومن غريب عليك صاحو؟؟...اهنانه موتي عليك واجب..

وشاف..موتي العجب..من انسلب... منك ظعن
وراح...گلبي برمح....ابلايه صبح.. و ابلا وطن
والوطن لو راح اخضع..
وبيا حسين الروح تطلع..
...............


علي قيس الوريد باز کردن / نظر دهید

2022-07-28 15:03:01

باز کردن / نظر دهید

2022-07-24 16:45:04 ابحزن ماطاب لحظه جبت السنين
على اوليدي الحنين... على اوليدي الحنين
»»»»»»»»»»»»»»»»»»

على اوليدي بچيت آنه  وبچه اوياي البحر والبر
ونواعي بروحي تتراكض من اوصل لهيب الحر
واشوف اوليدي متوسّد غبره وكلها لون احمر
وضاعت بالنزف واتراب هذنيچ الــ الف واكثر

وجرح ابني تخفّه... شلون اگطعله نزفه
ضليت اچفي الدموع.. على جسمه وانشفه
وانشف جسمه آنه ايطگ الوتين
على اوليدي الحنين.
+++++++++++++++++

على اوليدي خلص گلبي و اله يامه لطمت الخد
الحنين العطشوا گلبه  ابشمس ما ترحم امدّد
واجيت اصبر لچن شصبر وحبيبي چبده الاتمرد
وصبح بيه العذاب اوقات ما حدهن زمن لا حد

عذابي الما رحمني... وجرعة المُر على ابني
و الطم لآخر الحيل.. لحد ما صبري ملني

وبزغ طارف عذابي وذبّل التين
على اوليدي الحنين
++++++++++++++++++++

على اوليدي بقيت افتر ادور مجلس ايذكره
كل واحد بچه اعله ابني طحت يمه الف حسره
وكل دمعة بچتها الناس هاي انه و اَنه الاقره
اريد ابكل عيون الكون ابجي ابني الصبح عَبره

انه امه واريدن .... بچي اعله ابني ازيدن
وماكُف الدمع يوم.. ولا يحصل و اهيدن

وحرام انچان لحظه تنشف العين
على وليدي الحنين
++++++++++++++++++++

يهل شهر الحزن وآنه بقميص ابني اضل انشر
قميص البيدي حايكته امزّگ ما بعد يستر
و اشهك شهگه تبچيها الملائك والذي ينظر
و اون لحرمة العريان واركان العرش تفطر

قميص ابني اليه... حزن صُبح ومسيه
وابوي وحيدر وياي..ينصبون العزيه

ونضل نتناوب احنه ابفرض الونين
على اوليدي الحنين...  على اوليدي الحنين

+++++++++++++++

على اوليدي اون انه واشوف ابني يون لخته
واروح لزينب ابچيها  وانه الگاها تون سكته؟؟
على حسين الگه مبچاها ونواعيها سهم عشته
حرت والحيره بيه اتحير عشيره اوليدي سالفته
   وانه ام العشيره.......... الما لَــمتها ديره
اعله ياهو اهدم الحيل..وانه بالهم كسيره

و اون ونت سبايه ابشبچ الإيدين
على اوليدي الحنين... على اوليدي الحنين
»»»»»»»»»»»»»»»»»»»
علي قيس الوريد باز کردن / نظر دهید

2022-07-19 19:51:01 خدمةً لسيدي ومولاي الامام الحسين عليه السلام
الاخوه الرواديد جميعآ لمن يجد صعوبه بالحن يتفضل بإرسال المستهل مع نص او القصيده كامله
على المعرف التالي



@moatmed2 باز کردن / نظر دهید

2022-07-11 20:30:28 لا ولي الا علي
اسبوع الغديريه على حب علي عليه السلام باز کردن / نظر دهید

2022-07-11 02:12:04 بعدني وياك
رغم انا البعدني انشد يوين الگاك..!!

#توثيق قناة الموعود باز کردن / نظر دهید

2022-07-06 05:31:53 سفير الله دافع الضر المواسي لحبيبهُ الحسين عليه السلام
.........................


غريب آنه الغربتك
وعشت موتي بمحبتك.....يباعثني هيام
_

مصيوب گلبي ابنص غرب مو من سهم لا چلمه؟؟
مصيوب جه لمن تجي وما تلگه ناصر لچمه
بنص حربي وانه اتفكرك من تجبل انته ابحرمه
شتسوي للماهم عرب شتسوي وابلا زلمه

وباعت هاي الوادم حيدر
وماضل بيهم واحد ينغر
والرادو اسمك يلفيهم
ضلو گدامي بلا منحر

يمن خلصو نَصِرتك
غريب انه الغربتك
عشت موتي بمحبتك....يباعثني هيام
««««««««««««««««««««

هماله عيني الكل حرف يطلع بذآن الكوفه
موش الغربتي مدمعي شفت ابغربتي اجفوفه
عباسك العلّمني احب تاذيني حيل اتعوفه
آآ يا حسرتك من ترد وظهرك يريده اتشوفه

ما ينشف دمعي ولا اگدر
اتخييل خطواتك تعثر
فرحة عمري جانت منظر
من دومه وياك ايرد الشر

احب طوله ابصحبتك
غريب انا الغربتك...
عشت موتي بمحبتك... يباعثني هيام

»»»»»»»»»»»»»»»»»»»»»»»»
سيّال جرحي وهل الجرح نزفه اعلعمرك شفته
واتخذمت واشگد متت من لامست دم شفته
وميت لگوك ابصف علي عافك لچن ما عفته
وچم يا على الدنيا العفه گلبك يردد سكته

هاي السلبت كل آمالي
من غالي اينوح بصف غالي
اهنانه الدم ضل يركض نزفه
الحالك ون ونادب حالي

يميت گبله وقتك
غريب انه الغربتك
عشت موتي بمحبتك... يباعثني هيام
««««««««««««««««««««

چتال ضيمي وما متت بس من حسبت احسابك
شفت الخيانه ابلا عدد وعدّيت بيدي اصحابك
اهنانه العطش رك الگلب بس العطش احبابك
وچلمة وحگ جدي اسمعت بس ماگدرت امصابك

وضل ابروحي امصابك يذبح
وضيمك ذابح گلبي الينضح
وما گدرو يلووني اعدائك
بس اسمك يلويني ويجرح

اشگثر آنه متتِّلك
غريب انا الغربتك
عشت موتي بمحبتك... يباعثني هيام
««««««««««««««««««««««

ماعرفوا الحب لا درّو ايموت المحب من بُعده
ومن گطعوا اعليه الطرق شفت ابمنعهُم وحده
متروسه ( اينَ والدي) رغم الجمر طگ حَدّه
تسحگ جمر وآنه الوجع كله اعله روحي اتبده

وضليت اسحگ رووس ونازف
بس گلبي اعله اعياله خايف
ما ريد ارقيه بنص حومه
تنشد وين ابـجده الحالف

يما تنفك حِلفتك
غريب انه الغربتك...
وعشت موتي بمحبتك... يباعثني هيام
««««««««««««««««««««

مشمور كلي امن القصر بس انا ميت حدره
لمن دخلت انه شفت ضيم وظلايم گشره
وصديت عيني ودنگت وشفت بدليك حسره
يحسين يا غيرة علي موتي لبنات الزهره

شفت الحايط ينطر خِدّر
وملعون المتريس بالشر
يحسين الطف ماضن يگضي
ايضل اشگد بالكوفه يفتر..

قيامه و دم حسرتك
غريب انه الغربتك....
وعشت موتي بمحبتك... يباعثني هيام
____

علي قيس الوريد باز کردن / نظر دهید

2022-07-05 03:03:44 ((اصلبني ناعي))
_____

امنين اجيب لروحي حياة؟؟
ابلايه دمعي الاصله صلاة
انا وعيوني وگلبي نضيع
لو لحظه نلهو يابو الفرات

كل عمري لازم بيك انشغل    و اتركها كلها لعينك فِدّه
يا سر هيامي وعيني التهل  الترسملي صبخه تنگط ندّه
بس يبقى ضيمي الراح بهزل  والينسه ضيمه ابأسمك بدّه

اسمك ماخذها العيون.
ويصبها حدر الاضعون
وللدمعه انا ممنون...... لعيونك

من عطفك ماكو مولاي
ياخذني سفره لضماي
ويردني كاره الماي..... لعيونك

لعيونك اتبدّه فده وتسحگني
اشمحلاتي وجدامك اثر ترسمني....
»»»»»»»»»»»»»»»»»»»»

اشلون انول لروحي وصال؟؟
وحزنك جوابي الماله سؤال!!.
ويوميه اگولن باچر انوول
وتهت ابغرامك تيهت عيال...

من ركضو ابنص هيمه الظهر   ضاع السؤال ومحد حچه
وصاير جواب العيله الجمر     وينخط عله اخدوده البچه
رادو وصالك يدمي الهجر      وتاخذها ايده الگلبه شچه

ايدك ردناها مولاي
تنمد للما اله اي راي
من يوگع دمعه شچاي.... علعتابك

وصلك غايتنه ونموت
بس مره ابدربك نفوت
نصبح للچثه تابوت.... علعتابك

اعلعتابك انلم الحزن واتلمنه
ما غير حزنك للگبر ياخذنه
»»»»»»»»»»»»»»»»»

من غَم حياتي صحتك دخيل
يارب اماني اخلافك يعيل
وانا اعله گدي وگدك اريد
ياخذني كلي لجرحك معيل

ماريد اهم ابهمي واحط         يم همك اهمومي ضحك
منك اريد ابگلبي تخط          اسمك فقط مابي شرك
خاطر اعيشك واعرف جرح؟   چلمة عطاشه شبيها تِرِك

خلها ابدلالي اِتروك
وافهم بالغبره متروك
يالعالي وابن الملوك.... ارد افهم

المثلك يبقى عطشان؟؟
لو اهلك ترجه گيعان؟؟
تسكنها ابلايه شيطان...... ارد افهم

ارد اعرف احدود الحزن واعبرها
غم دنيا باعت لليضدك سرها...
»»»»»»»»»»»»»»»»»

اعلنها حربك بيه دموع
وخل ضحكي يخسر وانا الوع
واصلبني ناعي ابابك ينوح
وشمس الله ترجم كون الضلوع

وخل كلشي بيه ايشيلك عدل    وانه اموت ابدالك حزن
ولو يشفه جسمك من النبل      لا خله الله عندي حظن
اشما واسي جرحك تبزغ هزل  تمحيلي صوتي وانا اون....

ضعنك مامثله محروگ
بس صوته مخفي عالنوگ
وكل هذا ويكتل الشوگ..... بظعونك

شلطملك شعمي العين
وانت الماتمضي بسنين
وشمسوي اسمك حسين.... بظعونك

بظعونك اشگد الالك ماتولك
جا موتي شيسوي اشيحل من هولك....
»»»»»»»»»»»»»»»»»»»

لدينك اخذني يابو الهيام
خلصت مَلذتي اگبال الخيام
وصرت انا كاره كلشي سواك
ماريدن ابقى ابدنية سهام....؟؟

وعبدالله بيه توه انولد     خافن يلوحه سهم الوكت
وانا اليخاف اعليك ابعدد   ذيج الجروح ومايل صرت
مني اخاف اعليك وعلي     وشلتك امانه وبيه عشت..

خايف لا خونك ابيوم
وترد الليلي الانجوم
وانسه انا البيه ملجوم... ياويلي

من هسه خذني لليل
ومن عندي اسلب الحيل؟؟!
لا ارسم سهله هالخيل!!...... ياويلي

ياويلي لو گلبي ابتعد عن ليلك
مولاي اخذني من حياتي ادخيلك...
.
..
... علي قيس الوريد باز کردن / نظر دهید

2022-05-17 09:07:54 آخر عذر.......

اجيتك فارش ادموعي
ويمك خجلن اضلوعي
ولو غثّك ضوه سنيني
احلفك تطفي اشموعي
................حبيبي ياحسين..........

ريت اعيوني ما تهدّه اويريت الدنيه تنساني
وبس الطولك أركض كون وماريدن بشر ثاني
ولجرحك اضل ممنون لو فك جرحه ونطاني
فقير اوحسرتي امتاعي وماعيشن بلهَ احزاني

غربتك كلشي لي صارت
دمعتي يمك احتارت
تطيح وبالجفن توكف
خافن تنمسح.....فارّت
______

عشت معبّر دمع للناس بس انه ابضحك غافي
بچيني ابخلگي ياحساس مو فزعه و ارد شافي
خلصني ابعزائك كون مو هينه المشت حافي
ولا تنطّي العذر مولاي لو كلبي صبح دافي

احرگه ابشوغت الماتت
ابراسك جم جرح شافت
صاحت بسمك اوسكتت
(اختارت قربك وراحت)
____

أريد اعرف شنو ابكلبي يبعدّك وأنه ما راضي ؟؟؟
مو حلوه لچن قابل مذنب و انته لي قاضي
وحاسبني ابقساوة ليش وحرگني العمر گاضي
مُستقبل دلال الناس انته و غيرك الماضي

خلني ابرحمة اعيونك
غريبه الدنيه من دونك
يشنهي ومحد ايعرفك
فقط بس انته وضعونك
___

مضمون العشك دمعات..أدري..ودمعتي امفارگ
جا غير اليحبك كون كل عمره ابدمع غارگ
فوگ الغبره فوگك خيل وأنه امسمّه الك عاشگ
يا روحي العزيز انداس وهوه النه الخيم حارگ

دمعّچ منفذ الباري
وموتج ازغر افكاري
شمالج روحي تجفينه
حسينج هو المداري
______

هذا آخر عذر عندي واعذرني اعله عذري الجاي!
إنه وياك حزن و ليل عِشره يصير بيها هواي
وطيحلي اليجن! مولاي لو تأخذ طعم دنيّاي
يحسين وحزن عينك كرهني الضحك والماي

بس اشرب لجل دمعي
وضحك ونسه موطبعي
وكلبي اگبالك اتبدّه
وانته ابكيفك ابوضعي. ......

____
علي قيس الوريد باز کردن / نظر دهید