الشاعر رحيم الصالحي

2022-08-02 13:09:36 في حق العليله. ع

ياهوه الهبيت ليش تحرك الباب
تدري عني سافرو عافوني الحباب
لمن تحرك بابي
حسبالي اجو احبابي
عافوني الحباب

--------------------
والله غربه. ضيعتهم. مشو عني احبابي
جرحي يكبر. وبدليلي. مايطيب اصوابي
اعزاز كلبي من مشو عافولي الحزان
بلجن يرد منهم خبر ادريهم احنان
ولينتضر غالي يضل يعيش حيران
سهران كل ليل اليمر لحبابه لهفان

ولي ماعدهه اهل اتعيش حسرات
تحسب احساب اليالي والفرح مات
ثاري الهو جذابي
حسبالي اجو احبابي
عافوني الحباب

----------------------
لحضه لحضه. انتضرهم. ورد اكحل اعيوني
تخرو ليش. عذبوني. دم تسيل اجفوني
كامت اتمر اليالي وتكضي اليام
وانه بعيوني تبات وتغفه الحلام
ثاري هاي الدنيه غربه طلعت اوهام
شما يمر يوم ويعدي ينحسب عام

افرش دربهم بلورد لمن يرجعون
مااحمل افراك وبعد بيه انه يدرون
وبروحي نار امصابي
حسبالي اجو احبابي
عافوني الحباب

-------------------
وكت الغروب. حيراني بعيد يسرح بالي
شتاكت الروح. لحبايب حسين ابوي الغالي
جنت انام بحضنه وغفه وبالي مرتاح
هسه كمت اصفك بديه من الجراح
الي جان عليه خيمه سافر وراح
ضلت ابكلبي حسرتي وبس النياح

كامت من اعيوني تنزل دمعه. دمعه
وحالي بويه حسين صاير مثل شمعه
شيفيد بعد اعتابي
حسبالي اجو احبابي
عافوني الحباب

---------------------

طال الغياب. يلحبايب. وانه طفله زغيره
يذبح الشوك. للحبهم. وين وبيا ديره
شخليتي بيه كربله ماشفتي الضعون
يرجعون اهلي منل السفر لوما يرجعون
ضليت وحدي حايره احبابي يدرون
تحفر بخدي من تصب دمعات العيون

ضليت اراقب عل درب مكطوعه اخبار
مكتوب مامنهم رجع وما اعرف الصار
وبروحي جمر امصابي
حسبالي اجو احبابي
عافوني الخباب

--------------------
وكت الغروب عذباني تلفي كل اهمومي
كمت اكلب. ذكرياتي. بحسره اخلص يومي
كل ساعه احسنه سنه من تمر عليه
هذا الجرح ينزف دمه منل الغاضريه
دار الحبهم من مشو ضلت خليه
للموت اضلن انتضر يهل الحميه

ولكربله راحو هلي عني بعيدين
بعيده المسافه ياهلي لا مو جريبن
بكلبي غميج اصوابي
حسبالي اجو احبابي
عافوني الحباب

-------------------
الخادم
رحيم الصالحي باز کردن / نظر دهید

2022-08-02 13:09:05 في حق الحسين. ع

بلعيون عبرتك. ولكلوب حبتك
يمحبوب عشكتك. حبيبي

---------------
بلمهد وبعيني لجلك دوم عبره
وامي تناغيلي بسم حسين تقره
وليخدمك يبو اليمه شكبر كدره
خادم يسمونه بسمك طول عمره

ينسمه بريتي. يكلشي بدنيتي
اذوب ابخدمتك. حبيبي

--------------------
من يجي عاشور البس ثوب السود
والحزن يحسين لمصابك تجدد
بروحي جمرت كربله ماترضه تبرد
بالمجالس حاضر ودمعي عله. الخد

اوفيك بلدمع. بمصابك انفجع
يروحي العرفتك حبيبي

------------------
انسه كلشي وما افكر يوم انساك
بكل تفاصيلي وجودي بروحي ألكاك
فاز بالدنيه وحياته المشه. وياك
بالمجالس والطم يحسين ننعاك

بعزانه نفتخر. ولطمنه يستمر
وطوف بحضرتك. حبيبي

-------------------
قدمت كلشي التملكه الخاطر الدين
لجل احنه نعيش كنه بفضل الحسين
تبقه هاي الخدمه عدنه طول السنين
وبلمجالس نستمر والدمعه. بلعين

غريب بكربله. ودمعتك هامله
والخيول داستك. حبيبي

---------------------
كبال عينك تلتهب بلنار الخيام
وبيه نسوان وحرم وتنوح اليتام
سوت ابزينب بعدكم هاي اليام
عل هزل من ركبوهه وتمشي لشام

والطفال والحرم حياره ياشهم
تصيح بغيرتك. حبيبي

--------------------
الخادم
رحيم الصالحي باز کردن / نظر دهید

2022-08-02 13:08:37 في حق الامام القاسم. ع

طلع شباب من الخيم للحومه
مثل الكمر يزهي شحلات ارسومه
كومي يرمله الزفته
حضري اشموعه وحنته
يجسام

---------------------
بساحت حرب بين الغرب. زفت شباب اليوم
حنه ودمع. علكو شمع. ورمله بكلب مالوم
بالخيام. ألتمن سوه فرحانات. عماته
والحلام. راحت فرحته وتفرهدت ضحكاته
يحسام. ياوسفه طفن لمن مشه. شمعاته

جاسم تعنه وسيفه بين امتونه
ازغير بعده خافن يحسدونه
ودع. خواته. وعمته
حضري اشموعه وحنته
يجسام

---------------------
يمشي بخجل. من الهل. رايد يروح العمه
لابس درع. شاب ورع. مقدم حياته ودمه
يعريس. ماشفت الفرح مره بحياتك
مقايس. شاب انته وابد ماكو بحلاتك
يدارس. انته منل الحسن ماخذ صفاتك

صاعد مهرته يمشي اشحلاته
طفن شمعهن بالخيم عماته
نخوه وحميه شالته
حضري شموعه وحنته
يجسام
---------------------
حر وتعب. صال وغضب. شايل بجفه سيفه
جاسم نزل. ابن الفحل. بلحومه يمشي بكيفه
يصنديد. صاحو هذا مثل الحسن وفعاله
مواعيد. ومه من المخيم تدعي تنخاله
يعاهد. لحسين العهد والموت. يحلاله

ناذر حياته العمه راخص روحه
ازغير بعده ومايهم بجروحه
مايرد امه عرفته
حضري شموعه وحنته
يجسام

------------------
هذا الوعد. زفه وسعد. رمله بكلبه الحسره
سيوف وحرب. الموقف صعب. بلجن يرد تنتضره
يمضلوم. صاحت يمه ارجع ورحم بحالي
يمحروم. ماشفت العرس يوليدي يالغالي
يمالوم. من كثر الجروح انمرد دلالي

من بين اديه راح ابني اتفرهد
ازغير بعده ودمعته فوك الخد
بلحومه صارت طيحته
حضري شموعه وحنته
يجاسم

-------------------
راح الهنه. بعد الضنه. . مني تفرهد ابني
اليوم الكبر. ردته ضخر. . بوصط الكبر يدفني
يروحي. راحت كل حياتي وراحت احلامي
ينوحي. جرحك بلكلب يوليدي ضل دامي
جروحي. يلجمن. يغالي وذبحو ايامي

ردوك دامي للخيم ياجاسم
بيوم العرس يوليدي جنك نايم
سهام المنايه تلكته
حضري شموعه.وحنته
يجسام
------------------------
الخادم
رحيم الصالحي باز کردن / نظر دهید

2022-08-02 13:08:07 في حق خدمه الحسين. ع

اجه عاشور هلي الدمع ياعين
ماتحله البواجي بس عله حسين

-----------------
كل سنه لو هل محرم احمد الله وشكره
احضر بهاي المجالس وخدم ابن الطاهره
لئن لجلي حسين قدم دم وريده ومنحره
العام ماوفيت انه مقصر ارجو المعذره

كام ابروحي يكبر جرح السنين
ماتحله اابواجي بس عله حسين

-----------------
بالحسينيات احضر ولبس اهدوم السواد
ترتفع رايت محرم ينعلن. عدنه. الحداد
خلهم يلومون بيه شحصلو اهل العناد
الدنيه ماتسوه بدونه خدمت حسين المراد

تلهب من مصابك بيه نارين
ماتحله البواجي بس عله حسين

-----------------
احسب ايام المحرم انه كل عام اليمر
وكربلاء تعيش بيه ونار تلهب بلصدر
كبال عيني دوم اشوف خيام محتركه وجمر
لئن زينب سلبوهه ومشت راحت لليسر

تعودت عله حزني وصوت الونين
ماتحله البواجي بس عله حسين

--------------------
لو قره الرادود دمعي يجري من عيني ويصب
اذكر امصاب الفواطم من مشن وي الغرب
حسين حزو نحره ضامي وسال دمه عله الترب
والطفال مسلبيهه ونار بخيامه. تشب

وكافل خدر زينب راح لاوين
ماتحله البواجي بس عله حسين

--------------------
بلعزه ويانه تحضر فاطمه. وي الخدم
تبجي وتنوح عله ابنه صدره بالخيل انهشم
جمره ضلت دوم بيه تسعر بنار. الخيم
عل شريعه وسفه طاحت رايته راعي العلم

زينب صوباهه بكربله البين
ماتحله البواجي بس عله حسين

--------------------
الخادم
رحيم الصالحي باز کردن / نظر دهید

2022-08-02 13:07:38 في حق انصار الحسين. ع

ابدمنه العهد يحسين خطينه
بعنه ارواحنه وبكلشي ضحينه
نخلي كربله تشهد
ثوره وبيه تتخلد
انصارك. انصارك

----------------------
انصول. ونجول. يمك ردنه يحسين الشهاده
ازغار. وكبار. كلمن يمتلك منه الراده
فرسان. شجعان. لحبيب تلوك يامحله القياده
صولات. جولات. خسران المشه بحقده وعناده

عشنه الموت احنه ونمشي نتقدم
وبيدينه البواتر وابد مانهتم
كل فارس بالف ينعد
ثوره وبيه نتخلد
انصارك. انصارك

---------------------
وياك. نهواك. اجينه الكربله هذا عهدنه
باقين. يحسين . انته للبد عزنه وشرفنه
اجنود. وشهود. معنه للعشك منك عرفنه
ثوار احرار. طفك يبو اليمه هوه طفنه

قائدنه حبيب وشايل الرايه
ولزينب نصير اجنود حمايه
نار البينه ماتبرد
ثوره وبيه نتخلد
انصارك. انصارك

--------------------
اليوم. انكوم. نصير عله الخيم ولزينب السور
خسران. ربحان. هذا الزمن يفتر بينه يدور
مسئول. ونكول دمك لطفوف اليوم. مضخور
ونصيح. ونطيح. وي حسين احنه الكطع النحور

رفضنه الذل مشينه بدرب ابو اليمه
واحدنه يصول بغيره. وبهمه
موقف ردنه يتوحد
ثوره وبيه نتخلد
انصارك. انصارك

-----------------------
بالخيل والحيل عابس شك قميصه وصار مجنون
نسوان رضعان. مانتراجع منل الموت يدرون
يراد. ينعاد. لجل حسين كلشي يرخص يهون
مضخور. منذور. زينب خله تمسح دمع العيون

من غيره حبيب وعسكر الغيره
شلون انعوف زينب تبجي ابحيره
نار الفتنه ماتبرد
ثوره وبيه تتخلد
انصارك. انصارك

-------------------------
لهفان. عطشان. كل دمعت طفل ناخذ ثمنه
وكفات رايات. الرايه تريد لمن يئتمنه
وندير ونصير كون ام الصبر يخلص حزنه
يراد. ينعاد. خلهه تأمن وتمسح. جفنه

عشكنه الموت كنه وخلنه نتكطع
ولضالم ابد هيهات مانركع
محد بينه يتردد
ثوره وبيه نتخلد
انصارك. انصارك
-----------------------

الخادم
رحيم الصالحي باز کردن / نظر دهید

2022-07-05 13:33:54 في حق الامام الباقر.

عمري ابتده بلحسره وهموم
وطف  كربله. كبالي كل يوم
بروحي محروكه اخيام
وجروح بيه منل الشام
وطف كربله كبالي كل يوم

-----------------
بكربله فتحت عيني وشاهدت حرك الخيم
النار تلهب باليتامه وعمتي زينيب والحرم
ماكو والي البقه عدنه ودايره علينه الزلم
بلهفه عماتي يركظن ويجرن ادموع الهظم

عل جمر. اركض حافي ونار
والخيم بيه بس الزغار
بس خيل اشوف بعيني
ياهو  الذي. يحمي
طف كربله اكبالي كل يوم

-----------------
من بعد حرك. المخيم. طلعن يدورن ستر
عمتي زينب ياوسافه تمشي حافي علجمر
جروح بيه ام المصايب ومنسلب منه الخدر
بس حرم وياهه ظلت بصوطه واليه الشمر

لمن  يجني بحسرته اليل
وجروح تنزف مني تسيل
وي اليتامه حيران
والحرك بيه نيشان
وطف كربله اكبالي كل يوم

----------------
جدي شفته مسلبينه ويجري دم من منحره
طايح عله االترب دامي ولظلوع. امكسره
وعمتي زينب سلبوهه بلا كفيل. امحيره
شفت بعيوني مصايب الصار بالطف والجره

عل نهر. عمي شفته مطروح
والجسم ينزف من الجروح
مكطوعه منه الجفين
والسهم نابت بالعين
وطف كربله كيالي كل يوم

-----------------
راس جدي كبالي اشوفه مخظب وفوك الرمح
وجسمه ظل مطبرينه والجرح فوك. الجرح
ياوسافه مات ضامي جدي عطشان. انذبح
مرمي عاري مسلبينه دمه عل غبره سفح

بدرب السبي من تمشي النوك
وبلظعن  وسفه الشامت يسوك
بيدينه مربوطه احبال
ماينوصف ذاك الحال
وطف كربله كبالي كل يوم

----------------
مشينه درب الشام كله نبجي ونوح ونون
برفجت انذال وشماته صياطهم فوك المتن
والحرم بعيوني اصدهن مبين عليهن حزن
كلمن امضيعه وليهه وتجري دمعات جفن

ولن ابخرابه صرنه بلشام
محتاره عمتي تصبر اليتام
طبينه احنه الديوان
وكفن حياره النسوان
وطف كربله كبالي كل يوم

------------------
الخادم
رحيم الصالحي باز کردن / نظر دهید

2022-04-19 20:58:14 في حق الامام علي. ع

البيت بلايه ابو هم ينحسب بيت
جن بمكبره. ياروحي. ضليت
خالي يضل مجانه
نحرمنه من حنانه يحيدر. يحيدر

---------------------
يحيدر من عفت زينب اضلن تدري بالحسره
بوجهك جنت اشوف الخير وشتم ريحت الزهره
يعوضني حنان البيك وحضنك واسع شكبره
هواك يدور بنفاسي. طير وفارك الشجره

ضلمه البيت صار اخلاف راعيه
يومن راح اضلم وحش. عليه
كلت يمكن نسانه
نحرمنه من حنانه. يحيدر. يحيدر

--------------------
يبويه العيد هل مكبل. وانه الفرح دافنته
بس ايتامك عله الباب. وثوب الحزن لابسته
اصد للبيت وتحسر. مجانك خالي عاينته
اموتن من يحيني اليل. تصلي جنت نافلته

صباح الخير المن احجيهه
زينب ياهو عكب ينشد عليهه
سهم فكدك رمانه
نحرمنه من حنانه. يحيدر. يحيدر

-------------------
التعيش ابلا ابو يمه. جرحه يلجمه الفركه
وانه فاركيت اعزاز. وحن وشتاك، للملكه
شلتك صوره بعيوني. اشوفك وشهك الشهكه
خذاك لبين من عندي. الزمان شخله وشبكه

يريت الموت يرحم بيه ياريت
وياك اندفن وخلص تمنيت
الفجر فارك اذانه
نحرمنه من حنانه. يحيدر. يحيدر

----------------------
يحيدر كربله باجر. اضلن بويه محتاره
ونته رحت ياكرار. وكلبي تلتهب ناره
لو حركو خيم زينب. ياهو نلوذ بكتاره
سبيه امشي للكوفه. وتدري الكوفه غداره

فركه الغالي بويه يمرد الروح
شلون ينام ليله الكلبه مجروح
ابوي الدهر خانه
نحرمنه من حنانه يحيدر. يحيدر

---------------------
المايب هاي ياكرار. وتالي امشي مسبيه
وجنت مخدره وياك. وعمري عشت مخفيه
محد شاف اليه طول. وهسه شمتو بيه
اويلي عل الزمان الفات. جنت بحماك محميه

عنك ياعلي بعدتني اليام
صارت دنيتي اوهام بوهام
غدر بينه زمانه
نحرمنه من حنانه يحيدر. يحيدر

----------------------
الخادم
رحيم الصالحي باز کردن / نظر دهید

2022-04-19 20:57:57 في حق الامام علي. ع

يزينب بويه بسج لا تونين
ضمي دمعتج لمصاب الحسين
باجر كربله وحسره
اخيج ينهشم صدره. يزينب

-------------------
هذا مقدر ومكتوب يازينب اعذريني
سيف الضالم الغدار فرهد مني اسنيني
اشفن منخطف لونج وهل موقف يذيني
عله امصابي يبت حيدر كون انتي تعينيني

يزينب من طلعتي طلعت الروح
يبويه بونتج زيتي. الجروح
مصابج ادري شكبره
اخيج ينهشم صدره. يزينب

--------------------
زحمه خاف من الناس تعاين تنضر الشخصج
اصبري عله الجره والصار ومسحي،بمعصبج دمعج
مثل ضلع امج الكسروه، اشوفن منحني ضهرج
مالومج شما تبجين اعرف حالج وضعج

جرحج من مصابي ينزف ادموم
من زغرج ربيتي وي الهموم
كسر الكلب شي جبره
اخيج ينهشم صدره. يزينب

---------------------
حيلج ويه حيدر راح ضهرج منحني محدبه
ابوج الحاضر الشدات كل الوادم اتندبه
بس اشبيدي عله الموت يزينب حالتج صعبه
رايح عنكم تعرفين وباجر كربله وغربه

هنياله اليموت بهاي اليام
يخلص من حياته بكبره ينام
بلهم ينكضي عمره
اخيج ينهشم صدره. يزينب

----------------------
بدموعج عتب تبجين يازينب مرد جبدي
منج تطلع الحسرات وانه دمعتي بخدي
راحل عنم بهل اليل وناعي مصيبتي يحدي
شبيدي عله الزمن غدار وجروج الهجر تدي

يزينب عذبتني دمعت العين
مني تفرهدت ياوسفه السنين
كلبج يلتهب جمره
اخيج ينهشم صدره. يزينب

-----------------------
عفت كلشي البنيته وراح هاي الدنيه غداره
اجل مكتوب اعرفنه حكم الباري. وسراره
بس افراكم يذبح وشوفج حيل محتاره
ليالي الهجر ماترحم وكلبج تشتعل ناره

اليودع احباب كلبه يروح مرتاح
جروحه تلجم من يسمع اصياح
هذا مقدر ويجره
اخيج منهشم صدره. يزينب

-----------------------
الخادم
رحيم الصالحي باز کردن / نظر دهید

2022-02-22 13:18:13

باز کردن / نظر دهید

2022-02-22 13:17:33

باز کردن / نظر دهید