2021-11-02 13:49:19
للتوضيح فقط *
1) الي من طلاب 2021 وراح اعيد يبقى صباحي ماكو مسائي لان القانون اكول رسوب سنتين متتاليتين بنفس الصف يتحول مسائي
والعام 2020 جانت عدم رسوب يعني تبقى صباحي
2) كل 45 اتصير 50 وبكل الادوار وحتى اكو مدرسين ال 42 اوصلوها لل 50
3) الطلاب الي ما دخلو وزاري والي هسى عدهم امتحانات دور اول بعد ما تطلع النتائج راح يمتحنو دور ثاني وحدهم واكون نهاية ال11 او بداية ال 12
هيج اصير الكل امتحنت دورين
4) الدور الثالث موجود وبنسبه 100% ولكل ماده 25 الف و اكون 3 مواد فقط والموعد المتوقع بعد الربع الاول من الشهر ال 12
5) الانتساب هاي السنه فقط اصحاب الامراض المستعصيه مثل السرطان الله يبعدكم ويحفظكم و ممكن ينطون انتساب للكل بعد الدوام
6) اذا كنت طالب مسائي احقلك تسوي استضافه ع مدارس الصباحي بس امتحان الوزاري تعتبر طالب مسائي والامتحان مالتك اصير بنفس المركز الامتحاني مالت مدرستك الاصلية المسائي
7) النقل من مدرسة الى اخرى احقلك لحد قبل نص السنه
8) شنو الافضل المدارس الاهلية لو الحكومية من ناحيه الراحه الاهلية افضل القاعه متجاوز ال 15 طالب اما من الناحية العلمية وحسب تجربتي مشفت فارق كبير صح افضل من المدارس الحكومية بس مو لدرجه التدريس الاهلي يغنيك عن الخصوصي وتبقى انت صاحب القرار
اما اني اشوف تبقى حكومي بالفلوس مالت الاهلي تدخل خصوصي حتى لو مدرس متوسط المستوى افضل وعندك النت بعد افضل اليوتيوب اوصلك لل 100 بس تلتزم وتدرس بشكل يومي
هاي اكثر الاسئله الي تنطرح واذا عندك بعد سؤال تكدر تراسل الادمنية
#عمران_السماوي
216 viewsعمران السماوي, 10:49