بحب الناس يلي عيونا بتلمع بس تشوفني .. بحب الناس يلي بتفرحلي بأي شي .. بحب الناس يلي لمّا غيب بتستفقدلي .. بحب الناس يلي لمّا كون مكتئبة و منطفية بتوقف جنبي .. بحب الناس يلي بتدعمني و بتكون معي دايماً و لو بكلمة حلوة ..
بحب شوف المحبة الحقيقية بعيون الناس و أفعالن و كلامن
ماني اسفة لأي حدا عاملتو بطريقة بيستاهلا بعد ما كتير ضليت اتعامل معو حسب محبتي لإلو .. ولما عاملتو حسب ما بيستاهل زعل و بدو ياني كون اسفة ..
ماني اسفة لأي حدا استفزني لحد ما خلاني افقد اعصابي وزعل مني ، العين مو بس بالعين عندي لأ .. العين بعينتين واذا بتدق الباب بحقارة بدك تتحمل ينكسر عراسك !
ماني اسفة لأي حدا وصلني لمرحلة إني استبعدو تماما وأفقد أي رغبة أو اهتمام بوجودو من بعد ما كنت حاسة إنو وجودو بحياتي شي حلو
ماني اسفة ابداً انو دائرة معارفي بالحياة تغيرت كتير واتغربلت كتير وناس عشت معها بمراهقتي وناس عشت معها شبابي وناس هلا بس هي يلي بقيت وعم حافظ عليها وما بيهمني يرجع اي شخص راح ..
كل حدا بالحياة معتبر حالو بطل الرواية وطيب ومظلوم والكون عم يلف حواليه بس خلص صار لازم نعرف انو وجودنا بحياة بعض مرهون بمدى راحتنا النفسية وبس
ك
