دوْکتور حمید نطقی‌ین عزیز باجیسی عزیزه خانیم نطقی کئچن ایل بو گۆنکو گۆنلرین بیرینده، درگیمیزین یازیچیلار قورولوندان نئچه نفری - حسن مجیدزاده، ابراهیم رفرف، آیدین سرداری‌نیا - تهران‌دا بیر آرایا گلیب، کرونایا گؤره اوزون زامان گؤروشه بیلمه‌دیکلری‌نین عوضینی آچیب گؤروش تازالادیلار. بو گؤروشده درگیمیزین مسئله‌لرینی دانیشیب، عینی حالدا «وارلیق» مکتبی‌نین قوروجولاریندان سایین دوْکتور حمید نطقی‌ین ۱۰۰ یاشیندالیغینا چیٛخاردیغیمیز ایکی سامباللی ساییمیزین سئوینجینی پایلاشدیق. ۱۵-نجی ساییمیز حمید نطقی‌ین «باشلانغیج» اثری، ۱۶-نجی ساییمیز ایسه بو اولو اینسانین یادنامه‌سی اوْلاراق یاییملانمیشدی. بو گؤروشده حمید نطقی‌ین عزیز باجیسی عزیزه خانیم نطقی ایله گؤروشمک اؤنریسی ده درگیمیزین ایمتیاز صاحیبی و مسئول مۆدورو آیدین سرداری‌نیا وریندن اوْرتایا قوْیولونجا درحال سئوه-سئوه قبول اوْلوندو. بئله‌لیک‌له ۱۴۰۰-نجو ایلین خورداد آیی‌نین ۱۷-سینده عزیزه خانیم نطقی‌نین ائوینده قوللوغونا چاتیب گؤروشولدو. 126 views00:53
