يالي دمعاتج حروف القُل هوه ضلعـج وگلبي يكسروهن سوه والله احس ب | الرادود الحسيني انور العقابي
يالي دمعاتج حروف القُل هوه
ضلعـج وگلبي يكسروهن سوه
والله احس بيه الألم
حيلي يازهره انهدم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
انه حيدر يالتــركتي بصدري حسره
حالي حال القابض بچفه عله جمره
بكل زوايه البيت الــج يازهره ذكره
وخضرت دمعـاتي يـم الباب شجره
بشحت انفــاس وبقه دمعي يهل
صعبه من يبقه الخليل ابلايه خل
فراگـچ ابنحري سهم
حيلي يازهــره انهدم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ضلــمه دنــياي ابغــيــابـج يالزجيه
حَتـه نجــمات الســمه تبـچي عليه
روحي مشتاكه وتون صبح ومسية
منذكر امصابچ احسها اتموت اديه
انه بچفــوفي الـي رديت الشمس
حيل ما عندي علّۓ الخطوه احس
مني چن مات الجدَم
حيلي يازهـره انهدم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كثــرت اعلــيه النوايب والمصايب
مدري ليش الموت يختار الحبايب
من شلت نعشج احس دلالي ذايب
شلون نـور اللـه وتغطيچ الترايـب
گومي خل نرجع لعد زينب سوه
غرگــت بدمعتــها وتــريد الهوه
صدري ياريته انهشم
حيلي يازهـره انهدم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اخفي دمعاتي اعله زينب لو شفتها
من اجيتچ هسه هـم تبــچي عفتها
مگابلــه البــاب وعبــاتچ ما تهدها
ما تنام الا العــبايه ابصفــها امدها
تسأل اعيلج ومدامعها تــهل
بيش اجاوبها يزهره مننسأل
انه احس گلبي انثلم
حيلي يازهـره انهدم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
من اجيتــچ عفت الحسين بنحيبة
ياجــرح بعــدچ إداوي يالحبــيــبة
بهذا عمره وخضرت برموشه شيبة
كـل حَياة البيت من دونچ غريــبة
يالي انفــاسچ تـراتـل الحَمِد
ما ارد للبيت حاير بيش ارد
تراكمن هَم اعله هَم
حيلي يازهره انهدم
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سيف الجناحي الطويرجاوي
