العليله      احمد العكيلي   تدري بيه شكد احبك    ليش اظل كل يو | الرادود الحسيني انور العقابي

العليله      احمد العكيلي
 
تدري بيه شكد احبك    ليش اظل كل يوم اندبك
واحسيناه   واحسيناه
ـــــــــــــــــــــــــــــــــــــــــــــــــــــــــــــ
والله اصحه بس اروح اوياكم
المشكله ما ينحمل فركاكم
عمري ماريده انا بلياكم
وانه عايشته بفضل ذكراكم

ياشفه لجروحي أَحسْبك    ليش اظل كل يوم اندبك
واحسيناه .. واحسيناه
ــــــــــــــــــــــــــــــــــــــــــــــــــــــــــــــ
بهالسفر من كتلي مشوارج صعب
سفرتك بيها اشم ريحة حرب
بويه لو خايف عليه من الدرب
حالي حال اخواني اتعب وانضرب

خلي اتعب ويّه تعبك    ليش اظل كل يوم اندبك
واحسيناه    واحسيناه
ــــــــــــــــــــــــــــــــــــــــــــــــــــــــ
بسيف هجرك ينذبح باقي العمر
بلا وجودك يعني علْتي تستمر
كون امشي وي رقيه اعله الجمر
ولمّن يطك عمّتي يطكني الشمر

يحز نحرك شنهو ذنبك   ليش اظل كل يوم اندبك
واحسيناه  واحسيناه
ـــــــــــــــــــــــــــــــــــــــــــــــــــــــــــــــ
مثل عبد الله يمر بيه الضمه
ويّه سكنه اكظي ليلي امعلّمه
بويه اخذني اوياك فدوه لفاطمه
اقسم اعليك بــعلي حامي الحمه

حاشا يقسه وياي كلبك   ليش اظل كل يوم اندبك
واحسيناه  واحسيناه 
ــــــــــــــــــــــــــــــــــــــــــــــــــــــــــــ
عمي ابو فاضل كفيلي بهالسفر
هو يحضرني اذا مرني الخطر
ادري من اعطش يقدملي النهر
ليلي ظلمه من يهاجرني الكمر

آنه اضيع بلايه دربك   ليش اظل كل يوم اندبك
واحسيناه  واحسيناه
ـــــــــــــــــــــــــــــــــــــــــــــــــــــــــــــــ
ارد احس بزينب وآلامها
من يضربوها انضرب كدّامها
وخيمتي تحترك ويه اخيامها
هم يتيمه حالي حال ايتامها

وهم يسلّبني اليسلبك    ليش اظل كل يوم اندبك
واحسيناه واحسيناه


الشاعر احمد العكيلي