يا جماعة حبيت أشاركو جزء من فرحتي اللي لو فضلت من هنا لحد عشر | فَإِنَّ الْجَنَّةَ هِي الْمَأْوَيٰ💛'))
يا جماعة حبيت أشاركو جزء من فرحتي اللي لو فضلت من هنا لحد عشر سنين جايين أوصفها مش هعرف أوصف ولا حتى حاجه صغننه قد كده من اللي حساه مش عارفه أبدأ ب إيه بس بكره بإذن الله حفلة تخرج مصطفى اللي خلاص مبقاش أبو التكه اللي فاضله
مش متخيلين قد إيه أنا مبسوطه باليوم ده تقريباً مبسوطه أكتر منه هو شخصياً
عايزه أقولك إن أنا فخورة بيك جداً وبكونك مريت بكل الحاجات دي ولسه حد قوي قادر تتخطى وتواجه وعندي إيمان وثقه فيك إنك هتفضل كده دايماً بتمنالك كل السعاده واللطف اللي في الدنيا ربنا يوفقك في كل اللي جاي ويحققلك كل اللي بتتمناه وتكون دي بداية خطوة جديده في حياتك وجبر لخاطرك من ربنا ربنا يعوضك خير عن كل حاجه مريت بيها لدرجة تنسى إنك في يوم زعلت، ويكتبلك نصيب أجمل بكتير من اللي إنت متخيله
مبارك التخرج ويارب يبقى يوم لطيف
اليوم ده هيفضل م الأيام المميزه بالنسبالنا، ربنا يديمك في حياتنا
عقبالكو لما تتخرجوا كلكوا وتبقوا أشطر كتاكيت زي أونكل مُصطفى
