(((( مريم)))) مريم ايه…. مريم گمريه… مغشايه مريم صوت الله | محمد لفته العماري ((( نبي الصفصاف)))
(((( مريم))))
مريم ايه…. مريم گمريه… مغشايه مريم صوت الله المبحوح شط الله وجرفينه……...ومايه مريم لو تدرون شتعني… مريم لو تدرون……. هوايه مريم قصه من اول ادم واول قابيل وهابيل دم طايح ماناشف لسه قصه تموت خوف….وتذبح مابين غراب….وفختايه مريم…لو تدرون….هوايه مريم طينه… من طين الله الزين ال حري ومخبوط ب عنبر….وتراب جانت حلوه چانت مني ومنك احلى مريم چان تحب تغني تريد العالم كله يغني جان تغني وياها ال غبشه وجنطتها… ونورس…وكتاب كل الوادم تعشگ مريم وتحب مريم عصفوره ادور باب الله الباب…الصدگي تحلم جان تكض……ال باب تحلم لاكن چان….غراب لازم باب الطيف ال مريم مايرضه تحط يم باب الله ولاخلاها تشوف……ال باب مريم عصفوره من الجنه مريم سالوفه وتتغنه مريم عشگ الهور ومايه لبنت ولايه مريم خزامه…. وچلاّب مريم حزن الدنيا شويه وحزنج….كلش يوجع كلش يحرگ….كلش حزنچ….مرشوش….ب تيزاب….!!! محمد لفته العماري
