البارحه عيوني… ال غريبات…اشتهنك البارحه گليبي نغز ينغزني حيل ماعرف شيريد مني ولاعرفته شراد…..منك البارحه سوار…الحزن ع الروح ملتف تنزع سوار الحزن من……روحي…..فنك حاچي نسمات ال هوى الجاسن قميصك بلكن يمرن… علي… ويشاودنك حاچي روحي وگلها ال متانيته راح ال مدري وين بلكي تقنع من صدگ واجوز…عنك حاچي شباچي وغرفتي وباب بيتي والعصافير ال بچني وطلعن يدورن عليك وحلفن يطيحن بچي من… يوالمنك حاچي نجمات ال ثريا ال من كثر ماسولفتلك وانته ماكو… حارن يسكتني بيش وبيش لو شافن ضواك……يغازلنك حاچي ال متعبني طولك گله مابيه تعب مابيه…كلشي وكلشي بيه بطلت…لاتحچي كلشي بطلت بس ارد انام فدوا ناغيلي ارد انام فدوااااا لوليلي ارد انام بلكي ابطل مشتهاه بلكي ماگلك على عيوني…. الغريبات…..اشتهنك…..!!!! محمد لفته العماري 19 views23:07
