آشياء متراكمه

2016-11-26 13:45:50 لا أَقبل
بِنصفِ خُبز
ولا نِصف رَجفَة
حِين يُشهر المَارِد مُسدسَة بِقلبِي
إِمَا مَوت كَامِل
فأَجلسُ أَعدُ أَصابِع العَتمة
فِي القَبر
وإِما حياة فاخِرة
#بُهيث
#اعيدوا_الدعم_للادويه
★ باز کردن / نظر دهید

2016-11-22 15:31:54 في شيئ مهم ياريت الناس تكون واعية ليه عشان القضية ما تتميع
قضيتنا الحالية ومطالبنا ما واقفة في حد الدوا
مشكلتنا ما دوا
ما مشكلتنا انو العيش حيذيد او لا
ما مشكلتنا المواصلات والبنزين
قضيتنا قضية وطن كامل
قضية 27 سنة وطن ما اتقدم خطوة
قضية تغييب جيل كامل عن الوعي
تشريد مواطنين
صناعة حروب
تقسم دولة
تمكين وفساد
لازم نعاين للقصة في المجمل ومانعاين من ناحية واحدة
هسي الحكومة بكرة لو رجعت سعر الدوا حنهدا مش؟
دا شيئ اسمو فن صناعة الازمات وحلها ودي سياسة قذرة معروفة
ياريت تكون ثورتنا ثورة وعي
البقدر يبادر ويقدم ليها حاجة يطلع
او يحاول يوعي الناس بالحاصل
الما بقدر ياريت ما يحبط الناس ويكتفي بالصمت التام
الناس البتكضب باسم الله واسم الدين خلو بالكم منهم بالله
انتبهو
الحق معانا لاننا بنحارب عشان وطن عشان حقيقة عشان الانسانية
انا شخصيا مستعد اضحي بروحي ودا اقل شيئ ممكن اقدمو للبلد دي
وحياة الشعب السوداني
في وش المدفع تلقاني
وقدام السونكي حتلقاني
وانا بهتف تحت السكين
الثورة طريقي ،، وايامي
معدودة ،، وتحيا الحرية باز کردن / نظر دهید

2016-11-22 09:18:21 لا أَحتمَالات أُخرى
إِما أَن أُحِبُك أو أُحبك ..

صَبَاح الخَير
للذِي يَرتكِبُ جَرِيمة الغِياب
وللذِي خَرَج تواً
يَتأَبط قَلبهُ وهو ذَاهِب للقَاء
للاتِي ما حَركَت
جَفنهَا قِيد أَنملة عَن صُوره القَديمَة
والجَدِيدة
ولأُخرى هَدها الدَمعُ
فَراحت تَبحث عَنُه فِي الأَحلام

صَبَاح الخِير
للذِي تَقاعس صَوتهُ عن كَلمة
صَباح الخَير لحَبِيبته
ولآخر هزمته الغُربـة
وشبكات الإِتصَال السَيئة
ولأُخرَى مَنعها كِبريائها
مِن همسِ وردٍ لرجلٍ ماكِث في الحَنايا ..

صَباحُ الخير
للوطـن
وللمواطِن
للمارة وبَائعات الشَاي
والباقِين في منازلهم الآن يحتسون الشاي
فِي جلسة صَباحية هانئة
يَقتسمون القفشات كمضادٍ لهذا البُؤس
صَباح الخَير
للموانئ التِي تَقِل أَرواحنا
وللمطارَات التِي تتعودت عَلَى الدُموع
فـ تفتقت جُدرانها وجَعاً ..

صَباحُ للخـير
للجميع وللحُب والمحبـة
النصيب الأَكبر من الصباح ..
#بُهيث باز کردن / نظر دهید

2016-11-22 09:18:21 نظام :
طيب والقهوة في أي مكان
بس وين ضحكاتك القاها ؟
إيمان :
الضحكة حنين الوصل الكان
سيد الدكان ابا يديها
شن معنى تعيش على شوق إنسان وتموت الدنيا بما فيها
على عينك يا تاجر مليان
البلد الهمها ماليها
وتهاجر كل خطاوي الكون
ويييهد اللون
تشرب في القهوة تجاريها
يا أسود أمرق من مغناي
من دمعة غلبني أداريها
خليلي الكيف
وبواقي الطيف
والريدة الريدك كاويها
لو غرغر سكر حسك ضي
في حلق الغنيه بغنيها
ويوم تصبح إنت معاني الكيف
ضحكاتي وكل معانيها
يادابه الدنيا بتبقى صباح دام
بقى إحساسك ماليها
نظام :
يبدو فيما يبدو إني
كنت غلطان في صباحك
شن بيوجع في المشاوير
غير كلاما" زي سماحك
امشي عافي ليك مزاجي
لما يغشاك في نهارك
وينبهل في الكون مزاجك ..
إيمان :
ما مزاج
بل قضية وحكمة جاير
وصوت مرافعه وإحتجاج
الحبيبه الشوقه بمبي
والدروب الإعوجاج
مسكت إيدك
حن وريدك
لي مريض الإحتياج
كلو من بعدك مكهرب
كلو هادي
وكلو ضاج
الوعود ال كت بديته
لسه طايرة مع السحاب
والصحاب
إيد قوية
وصدق نية
ووصل خاب
الحروف الباهته جدا"
هادي حيله
والأراضي الضايقه ميله
والليالي الكلما مرت على بالك
حليله
كنت ليله
وكنت صفحات الكتاب
كلما أقراك بصفق
أو بدفق
مطرة حالمة
وصورة سالمه
وسهم صاب
نيل ملتق
قلب ميت
لحن عتق
صوت رصاص
زرع خاص
إنتزاع
صد مشاع
دم قصاص
آن كلامك
إحترامك
لم سلامك
من خصامك
جر كلامك
قول كتير
ورقة ورقة
حروف كتيرة
شوق وغيرة
الأمير رايده الأميرة
ماف سيرة
او مسيرة
او حمام
لي نهارات ما تمام
ضجة ساي
قهوة شاي
تفتعل في مزاج حقيقي
وتنبهل في الكون قواي
وإنت يا غايب
فصولك
فوق مداراتي ورؤاي




الجميلة ايمان متوكل
والانسان نظام الدين باز کردن / نظر دهید

2016-11-21 22:07:45 أُحِبُّكِ، لا يَحُدُّ هوايَ حدٌّ

#نزار_قباني باز کردن / نظر دهید

2016-11-19 07:41:43 وقفه :
°°°°عن احساس اني مافاقده في الفتره دي زول غيرك إنت وامي ؛وعن احساس كدا غريب كوني تاني م ح القاك قريب ؛ او تقريبا مامعروف تاني ح القاك ولا لا وعن احساس الحزن الإنتابني لما عرفت إنك بتعرف ماما وكنت مداوم لما اتوفت إحساس غريب لاقادره اوصفو ليك ولاعارفه اني حاسه اني فاقداك ف الفتره دي ليه ؟!
°°°°ع حسب الجواي ليك الانا للان م عرفته هو شنو وم قادره احددو بس عارفه انو حاجه كبيره وما مفهومه ؛
ربنا يسدد خطاك °°°
°°°°°وعن كل خلاف كل ما القاك كنت بختلفو معاك °°°°وعن المرات البكيت فيها قدامك وحسيت إنك مكسور وضاقت بيك لإني ببكي فإنا اسفه°°°
وعن المرات الكنت فيها عنيده شديد وإنت صابر ومستحملني من غير ماتزهج مني فإنا اسفه °°°°
وانا فاقداك بمعني الكلمه وقلبي واجعني بس من شنو مابعرف °°°°
ف بس ربنا ينور دربك وع قدر البينا ماتشوف اسي لاتنجرح ولا تنكسر°°°°
#وفاءعلي باز کردن / نظر دهید

2016-11-18 19:30:15 ﺣﺼﻞ ﺟﺮﺑﺘﺎ ﻭﺟﻊ ﺍﻟﺮﻭﺡ ؟
ﺣﺼﻞ ﻫﺒﺸﺘﺎ ﺫﺍﺗﻚ ﻳﻮﻡ
ﻟﻘﻴﺖ ﻓﻲ ﻛﻞ ﺣﺘﺎ ﺟﺮﻭﺡ ؟
ﺣﺼﻞ ﻏﻠﺒﻚ ﺗﻮﺍﺻﻞ ﺍﻟﺴﻴﺮ
ﻣﻊ ﺍﻧﻮ ﺍﻟﻄﺮﻳﻖ ﻣﻔﺘﻮﺡ؟ !!
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺣﺼﻞ ﺳﺎﻗﺖ ﺩﺭﻭﺑﻨﺎ ﺧﻄﺎﻙ
ﺣﺼﻞ ﺟﺮﺑﺖ ﺳﻬﺮ ﺍﻟﻠﻴﻞ
ﻋﺸﺎﻥ ﺧﺎﻃﺮ ﺣﺒﻴﺐ ﺣﺒﺎﻙ
ﺣﺼﻞ ﺟﺮﺑﺖ ﺗﻤﺸﻲ ﻋﺪﻳﻞ
ﺣﺼﻞ ﻛﻠﻤﺖ ﻣﻮﺝ ﺍﻟﻨﻴﻞ
ﺣﺼﻞ ﺟﺮﺑﺖ ﺗﻤﺸﻲ ﺑﺮﺍﻙ
ﺑﺪﻭﻥ ﺗﻬﺪﻱ ﺍﻟﻠﻴﺎﻟﻲ ﺩﻟﻴﻞ
ﺣﺼﻞ ﺳﺎﻫﺮﺗﺔ ﺍﻧﺖ ﺑﺮﺍﻙ
ﺗﻌﺎﻳﻦ ﻟﻲ ﺧﻴﺎﻝ ﺟﻮﺍﻙ
ﻭﻟﻤﺎ ﺗﺴﺎﻣﺮﻭ ﻳﻀﺤﻚ ﻟﻴﻚ
ﻭﺗﺒﻜﻲ ﺗﻼﻗﻲ ﻳﺒﻜﻲ ﻣﻌﺎﻙ
ﺣﺼﻞ ﻋﺎﻳﻨﺘﻪ ﻝ ﺫﺍﺗﻚ
ﺣﺼﻞ ﺣﺴﺖ ﻣﺮﺍﻓﺊ ﺍﻟﺸﻮﻕ
ﻭﻟﻮ ﻟﻲ ﻟﺤﻈﺔ ﻭﺟﻌﺎﺗﻚ
ﺣﺼﻞ ﻋﻀﻴﺖ ﺃﻧﺎﻣﻞ ﺍﻟﺒﻮﺡ
ﻋﺸﺎﻥ ﺧﺎﻃﺮ ﺣﻨﻴﻦ ﻓﺎﺗﻚ
ﺣﺼﻞ ﺟﺮﺑﺖ ﻟﺤﺲ ﺍﻟﻜﻮﻉ
ﺣﺼﻞ ﺿﻐﻀﻐﺖ ﺍﻫﺎﺗﻚ
ﻟﻘﻴﺖ ﻣﻦ ﻛﻞ ﺁﻫﺔ ﺩﻣﻮﻉ
ﺣﺼﻞ ﺷﺪﻳﺖ ﺧﻴﺎﻟﻚ ﻳﻮﻡ
ﻋﻠﻰ ﺿﻲ ﺍﻷﻣﺎﻧﻲ ﺷﻤﻮﻉ باز کردن / نظر دهید