2021-08-30 19:09:04
سنين أقره الندبة يالمهدي وأتاني .... بعبرة والمدمع جمر يجري وجواني
وين أشوفك .. والعيون يقر جفنها
وين أشوفك .. روحي أذاها زمنها
يا أبو صالح ... يا أبو صالح
"""""""""""""""
طيف وتـمر علبــــالي ولو مـــــــــرة
وبدر وجهك يا أمامي لمته أنظـــــره
نفذ يالغايب عليـــك الكلب صبــره
والمحب ضيم الليالي كسر ظهـــــــره
ليل موحش والغياب أصعب وصبري .. بالمواجع والحزن هل خلص عمري
راحة ماكو .. بقت حتــــــه أنعيش بـيها
راحة ماكو .. والألم العيون يتنغنه أبجيها
يا أبو صالح ... يا أبو صالح
"""""""""""""""
صيحة الحب ودموع البعــــد تكتل
هواي حسرات بوسط دلالي تختل
علماني حسين ما أرهم علـــــى الذل
لو أموت وعالتراب دمومــــي تنزل
بالمدن أمشي وأدور عالأســـــامي ... مـــن كثر شـــوكي وعذاباتي وهـــيامي
بالعناوين .. الصحف ماتنقل أخبارك شبيها
بالعناوين .. أقره لمســـــاتك المطبوعة عليها
يا أبو صالح ... يا أبو صالح
"""""""""""""""
للفرج ندعي الله تعجيل الظهـور
ونكتب رسايل عتب ويا الطيور
لعبت علينه الليـــــــالي والدهـور
لمته نورك يشع ويزيد الســـرور
من الصبر مليت أنه وجـــــزع كلبي ... فوضت أمري ودعائي بأيـــد ربـــي
ويا دعائي .. تطلع العبرة ودمعتـي والحمــــم
ويا دعائي .. شلون أخفيها حسرتي والألم
يا أبو صالح ... يا أبو صالح
"""""""""""""""
صـــارت الأيـــــام صعبات بغيــــابك
وين ساكن حتى أوصل وأدك بابك
كلبك الله يعينه وتشـــاهد أحبابك
لمته يوم الثار يالمهــــــدي ومصابك
لمته تأخذ ثار ضلع الزهــــرة أمــك ... يابو صالح ياجرح كاعد يألـمــــك
ياهو أصعب ..جرح محسن والضلوع الهشموها
ياهو أصعب .. لو أوداج حســــين لمن كطعوها
يا أبو صالح ... يا أبو صالح
"""""""""""""""
شاعر أهل البيت
الشيخ عبد الحسين المنصوري
1.4K views16:09