2022-08-31 00:45:07
_هام لتلاميذي:
التلميذ :
الأستاذ : واشبيك حزين؟
تلميذة : أستاذ معليش تمدلنا فكرة على الحرب ع الأولى والثانية.
الأستاذ :
الحرب ع الأولى بدات في 1914 وخلاصت في 1918
الحرب ع الثانية بدات في 1939 وخلاصت في 1945
التلميذ : بصح علاش ناضت هدي الحروب ياشيخ؟
الأستاذ : لأنو الدول الأوروبية كيما ألمانيا وفرنسا وبريطانيا وإيطاليا والإتحاد السوفياتي ووو.. كانو متنافسين على البلدان والمواقع الإستراتيجية المهمة باش يستعمروهم .
التلميذة : الحرب لي عدها علاقة بالبرنامج تاع الباك؟ الأولى أو الثانية؟
الأستاذ :الثانية هي لازم تعرفو شكون انتصر فيها باش بعدها تدخلو في برنامج السنة الثالثة، ولي لازم عليكم تعرفوها هي أنو الحرب ع الثانية صرات بين طرفين:
ألمانيا إيطاليا واليابان وبعض الدول
فرنسا بريطانيا الإتحاد السوفياتي والولايات المتحدة الأمريكية.
التلميذ : شيخ وهذاك لي عندو شوي تاع موسطاش لي راه في الصورة تحت وجامي ضحك شكون؟
الأستاذ : هذاك أسمو هتلر كان يحكم ألمانيا وحاب يحتل كااااامل أوروبا و العالم وهو لي شعل الحرب ع الثانية عام 1939.
التلميذة : شيخ ومبعد شكون لي انتصر ؟
الأستاذ : لي انتصرو هوما :
فرنسا بريطانيا الإتحاد السوفياتي والولايات المتحدة الأمريكية.
التلميذة : وماتو فيها بزاف هذي الحرب شيخ؟
الأستاذ عبدوش : ماتو فيها أكثر من 50 مليون إنسان
التلميذة :
التلميذ : وهدو لي انتصرو واش دارو بعد الحرب ع الثانية؟
الأستاذ : فرنسا وبريطانيا صح انتصرو في الحرب بصح ضعفو بزاف باسكو تدمرو وثان الإقتصاد تاعهم طاح.
التلميذة : والولايات المتحدة الأمريكية والأتحاد السوفياتي واش دارو فيها ؟
الأستاذ : إيه هذو زوج هوما لي تحتاجوهم بزاف العام تاع الباك لأنهم بعدما هزموا هتلر تاع ألمانيا وخلاصت الحرب ع الثانية سنة1945 أصبحوا أعداء لبعضهم بعض وميحبوش بعضاهم وكل واحد فيهم يحاول يسيطر على العالم ويفرض وجودو فيه.
التلميذ: إييييه شيخ هدو هوما لي صرات بيناتهم الحرب الباردة ؟؟؟
الأستاذ : هووووما بالذات.
التلميذة :وعلاش سماوها باردة ومسماوهاش ساخنة ياشيخ؟
الأستاذ : لأنو مستخدموش فيها الأسلحة تحاربو وتنافسو برك بالإقتصاد والسياسة وحاولو يتجنبو استخدام السلاح فسماوها بالحرب الباردة.
بارطاااجي
حابين تنجحو انضمو بكالوريا 2023 جميع الشعب (قناة تلغرام الرسمية)
https://t.me/bac_dztop
340 viewsedited 21:45
ب
