2022-06-15 04:34:00
#مامۆستا_قانع
#چوار_کەژی_ساڵ
#زســتــان
ئەیوەتەن زستانی ساردت وەک هیوای کوردانمە
ڕووت و قووتی دارەکانت ، وەک گرۆی لاوانمە
بۆ کڵێڵەت قوڕ بپێوم ، وەک قوڕی سەر شانمە
بەفر و باران و بڵووکەت ، هەر وەکوو گریانمە
تۆ خەریکی مردنی بۆیە منیش دوا گیانمە
خوێنی گەرمم ساردە بێشک، هەر وەکوو بەفراوی تۆ
دڵ وەکوو یەخبەندی تۆیە، بۆ نیشانەو ناوی تۆ
ڕۆحەکەم بۆ دەرنەچێ؟ بۆ گوڵشەنی فەوتاوی تۆ
ئەیوەتەن! چۆن دانەمێنم؟ وا کزو داماوی تۆ
کوردە سادەی بێن بگریەن، شیوەنی نیشتمانمە!!
ئەیوەتەن سەد حەسرەتا بۆ غیرەتی عەهدی قەدیم
بۆ سەلاحەدین و عادل، بۆ قوبادو بۆ کەریم
کوانێ نەعرەی ڕۆستەمت؟ کوا بێژەنی بێ ترس وبیم
شێرەکانت مردن و ، بێکارەکان ساغ و سەلیم
نەگبەتە دوچاری شانی کورد و کوردستانم..
ئەیوەتەن! هیچ خەم مەخۆ، ڕۆژێ ئەبێ بۆ ئاخری
دۆستی [بیضا] دەرکەوێ ، سیحری نەمێنێ سا میری
چۆن سەراسەر جەوهەری، نەک جەوهەری هەر ئاگری
کێ ئەڵێ دەشت و دەرو کێو و کەنەک داناگرێ
ئەمڕۆ باوابێ براکەم، چۆن نەوەی شێرانمە
هۆزی کورد! تا کەی بەغەفڵەت تاکەی مەستن لە خەو
تابەکەی خۆخواردن و ؟ دوژمن بەیەک وەک هۆزی کەو
ڕۆژی ڕووناکت لەبەرچی تاریکە وەک نیوەشەو؟
گاهێ چاوەڕوانی ئەم بی و، تاوێ خزمەتکاری ئەو
ئەیوەتەن تۆڵەت بە ئەستۆی فیتنەوو دووزوانمە
جەهل دورانی دووچاوی بازی تەڕلانی تەوار
کوردەکانی خستە پاش بێگانەوو تورک و تەتار
هەر زەمانێ چاوی بەر بوو، کوردی ڕەندی هوشیار
جا، تەماشاکە، لە لرفەی پیادەوو ، هەڵمەت سوار
شاهیدی ئەم ئیدیعامە، دەبدەبەی بابانمە
[قانعا] میللەت هەموو کوێرە، ئەبێ کێ بەر کەوێ؟
میللەتی جێماوی گشتە، ئیستەکە چۆن سەرکەوێ؟
کوردی جێماو؟ چۆن لەناو عەللامەکانا دەرکەوێ؟
ئەی خوا ، ئاهو نزولەی خاکەکەم مەحشەر کەوێ!!
جا، ئەزانی کێیە ڕووڕەش بەردەمی یەزدانمە؟!
کـانـاڵی تلگرامی ئاوایےبێلو
•┈┈••✾• •✾••┈┈•
⇝❥❀ @belo1 ❀❥⇜
•┈┈••✾• •✾••┈┈•
340 views01:34