كلمتين لوجه الله كلنا طبعا مضغوطين من فتره و أغلبنا مخنوق و | الأزرق يليق بك🔒💙
كلمتين لوجه الله
كلنا طبعا مضغوطين من فتره و أغلبنا مخنوق و ما عاجبو حالو و في الواصل بيهو الحال إنه فقد الشغف تماماً و كاره الحياه عشان كده حابه أذكركم و أذكر نفسي بالأول بسبب وجودنا في الحياه .. و هو عبادة ربنا عز وجل و إننا نلملم حسنات تخلينا نسعد بالفوز و دخول الجنه .. خلينا دايما نتذكر الكلمتين ديل في كُلِ لحظة حُزن أو ضيق .. صدقوني ح تلاقو حُزنك لسبب في لحظه اتحول لتفاهه و ح تزهد في الدُنيا بِمشاكلها و تعبها و قرفها و ح تحس بِرُخصها و أنا أول المُتناسين و الغافلين و أسأل الله الهدايه و كمان لازم تطبطب علي نفسك و روحك و ما تحملها فوق طاقتها و تقتنع بِكُل جوارحك : " أن ما قدرهُ اللهُ لك فهو آتٍ لا محاله " و مُحتاجين نحترم بعض و نعذر بعض عشان صدقوني الناس بقى فيها المُكفيها و الزمن و البشر أصعب ما يكون .. و نبدأ نشجع و ندعم بعض علي الطاعه و علي السعي و التعب عشان صدقوني في ناس بكلمه واحده بتكون طايره في السما و معنواياتها حديد و بكلمه تانيه ممكن تتكسر بسهوله و الدُنيا ما مُستاهله و الله ..