قريب المغرب طلعوو من يمنة بس بقة بالي كلام المرة بقيت افكر بعد | #روايات و#قصص #عراقيه #واقعيه
قريب المغرب طلعوو من يمنة بس بقة بالي كلام المرة بقيت افكر بعدين اخذت قرار الحاسم كلت خلص احسن شغلة هية هاي دورت ع مكان للايجار وبلفعل خلال سبوعين لكيت المكان المناسب واجرتة وسويتة بالبداية بس محل . وشوية شوية صار طلب قوي علينة وحتى تجهيز اكل اعراس وشوية شوية المحل كام يكبر ويذبلي خير الى ان المحل صار معمل صغير وحطيت موضفات بي خلال اقل السنتين كبرت المكان وصار اسمي بالسوك ماشي .. والحمدلله من بعد التعب والعناء .. فرحت كلش كمت مالحك ع شي ع كثرة الطلابات الحمدلله ع نعمة رب العالمين الله ميكطع استثمرت جزء من المبلغ الي تركة الي ابو ئازاد والله سهلها ونرزقت اضعاف المبلغ .. بفضل رب العالمين .. جان قربي من ربي راحة مابعدها راحة مو مثل قبل جنت .بعيدة كل البعد
طبعا وكل ماالسنين تمر كلما العالم تتقدم .. من كل النواحي حتى بطريقة الاكل .. بس جان عندي مبداء النضافة اهم شي حتى مسواك اني اشتري وانقي بايدية جنت متفقة وية تاجر جملة مسواكي كلة منة فديوم رحتلة .. اعتذر مني .. وكال اني هل الشهر راح اسافر بس راح ادليج واحد بضاعتة من احسن مايكون والله بلفعل انطاني الرقم وهوة هم خابر وصاه علية كلة تنطيها احسن بضاعة عندك .. لانها من احسن المعاميل والزباين العدنة والله كلة يومين وخل تجي اجهزلها القائمة الي تريدها وبعيني والله يومين ورحتلة بالباب جان واكف ولد شاب مرتب وحليوو كتلة هنانة ابوعلي كال وصلتي خالة تفضلي هوة جوة والله طبيت رجال .. الشيب مال نص راسة اقتربت ..هوة كاعد ورة مكتب .. مخبوص بالاوراق الي يمة سلمت رفع راسة علية وكال وعليكم السلام اختي اتفضلي ورجع نصة راسة .. اني هنانة نصدمت وحطيت ايدي ع حلكي .. وبقيت اباوع علية وفاتحة عيوني ع وسعهم .. ااااااا. اااحسساااان رفع راسة علية وكف .. باوع علية .. ابتسمت .. يي ابتسمت كأني اشوف نضال كبالي. . اشوفها بعيونة اشرلي باصبعة .. كانو يريد يذكرني اويذكر اسمي ضحكت وكتلة .. نغم .. اني نغم صديقة نضال اذى تذكر ضحك وكال .. يي يي شلون ماذكر شلونج هههههههه انتة شلونك وينك يمعود .. من يوم الي رحت بعد محد شافك .. كال يي شسوي الدنيا تلهي كبرانة نغم حتى شكلج مذكرتة بلبداية يي . بس اني ذكرتك بساع ممتغير بيك شي بس الشيب مالي راسك هههههههه ههههههههه بعدج ع سولفج .. ههههه جريت حسرة . يمعود ياسوالف متشوف شكولي شلونها اامم .. نضال شلونها جان اكو كرسي يمة .. سحبتة وكعدت . كتلة انتة وينك وين جنت اقصد والله مجنت هنا .. جنت مسافر . مصارلي هواي من رجعت .. جنت اني واهلي بايران . من يوم الي طلعنة من ذاك البيت بقينة شي قليل وسافرت . هههه جنت ماكعد راحة تعرفيني .. خفت ع الاهل لينعلسون وطفرت . يي داكول اختفيت هواي سألنة عليكم ماكوو هذا الشاب . ابنك .. هههه يي ابني الجبير .. ماشالله . يي وعندي بعد .. صلاوات الله يحفظهم الك ويخليك الهم .. مجاوبتيني . نضال شلونها بتسمت الة . تسأل عنها . بعدها بالك .. ههههه ضحك وندگ راسة ايام الشباب والمغامرات متنسي .. مغامرات ؟؟ الي بينك وبينها تسمي مغامرات وطيش شباب .. اااحم .. لا طبعا منو كلج .. انتة كلت .. .. لعد شكلج اكلج. حب واني الشيب معبي راسي .. تستعار . لا طبعا .. بس صفحة ونطوت . بعدك تحبها لوكرهتها . ليش هل الاسئلة كلها .. ابد بس عمرها كلة منستك وضلت دور عليك لااخر يوم .. ماعرف شكلج بس صعب اشرحلج .. وثاني شي هذا من الماضي واني دورت بنفس مكانهم . بس ماكو احد . ماتت . نعم ؟ . الي دنحجي بيهة ماتت . نغم منو الي مات . نضال ماتت . مو هسة لا من سنين طويلة .. انتي شدتحجين .. دتشاقين لو تلعبين بعصابي لو شنو فلمج اصلن شجابج علية لو هذا مخطط .. ابد لا داجذب ولاشي .. وترة من اجيت صدفة وتعرفت انك انتة احسان ابو علي .. واما عن نضال ماتت .. وذنبها برگاب ناس هواي .اني اول وحدة عفتة وطلعت .. تركتة دايخ وعيونة صارن حمر وجها راد يطگ اتلكاني ابنة بلباب گلي خالة القوائم جاهزة كتلة عوف عوف بعدين اجي .. طلعت واني جسمي كلة يرجف لاهوة برد ولاهوة غضب
يومين واتصل بية ابنة . وكال خالة البضاعة والشاحنة تريديها ولو نتصرف بيها .. كتلة لالا جاية رجعت رحت دخلت سلمت رحب بية وكال اسف ع ذاك القاء اشوية اشتديت وياج بالحجي عذريني جانت الصدمة جديدة علية اكعدي تفضلي ام ياسين .. كلي اريدج تحجيلي كل القصة والي صار وشلون ماتت وعنكم جانت نضال ماعدها احد بالدنيا غيركم انتو صديقاتها حجيتلةالقصة كاملة حسيت بي هواي تأثر ونقهر . وعيونة تحجي ندم وخسارة وكتلة .. عندي الك امانة هذا مفتاح. . البيت الي نضال انطتكياه من سنين تذكرة لو ناسيه
