مورفو: من اخذني عمو عثمان يمه جنت اشوفه يصلي وطلبت منه يعلمني | #روايات و#قصص #عراقيه #واقعيه

مورفو: من اخذني عمو عثمان يمه جنت اشوفه يصلي وطلبت منه يعلمني وبقى يشرحلي من اني وصغيره اهميه الصلاة وشلون تقربنه من رب العالمين وشلون نرتاح بيها وخلاني احبها واحب التقي برب العالمين
13
...باوعلي مستغرب وكال
:-عثمان معلمج ع كل هاي الأشياء
مورفو: اي اعرف هو مؤمن نص ردن، بس المهم اني استفاديت
..ضحك وكال
:-مؤمن كواد قصدج مو نص ردن
19
مورفو: مو ميت شبيك
عزيز: جعله بجهنم الحمره
مورفو: الميت متجوزله غير الرحمة ميصير نحجي عليه هيج
عزيز: هم تشتاقيله لو تنقهرين عليه
مورفو: ماعرف هو سوالي هوايه شغلات زينه بغض النظر عن كلشي بس احسه جان يستاهل فرصه يعيش ويتعدل بيها لان هو هم انظلم
عزيز: بـشنو نظلم
مورفو: هم امه ميته وابو ميت واخوته الي من ابو ما يردونه ومن صغره هو عايش بروحه
...اخذ نفس عميق وسكت وشوية واجه روار كعد يمنه باوع ع كنافه ومد ايده يريد يسحبها مني سحبتها ع جهه وخزرته
:-ايدك عن ممتلكاتي
2
روار: انطيني منها يمعوده
مورفو: ما انطي ولي
روار: عزيز احجي وياها وكللها خل تنطيني
مورفو: صغير انت ماعندك لسان تستنجد بـ عزيز
...سحبها مني بقوة وكال
:-غصبا عليج اخذ لعد
مورفو: ماراح ادعي عليك واكول سم ان شاء الله بس راح اكول ان شاء الله تصير سهال وتطلع من عينك
18
روار: طااااااح حظج شبييييييج
مورفو: ما اتفاهم بـ الاكل كلشي ولا اكلاتي ورور
روار: والله لو مو سهال اليوم اكل اكل
...ضحكت عليه شلون يخلي كل لكمه شكبرها بحلكه حتى يخلصها باوعلي عزيز وكال
:-باجر هم اجيبلج خل ياكلها
مورفو: جيب ثنين وحده الهم وحده الي
عزيز: ههههه صار
...بقينه سهرانين وبعدها طفرنه كلمن لـغرفته، مرت ايام هدوء علاقتي بـ عزيز زينه وهو هم ابتعد عن سالفه احبج وحبيني لهل سبب جنت مرتاحه
..جنه كاعدين كلنه ع العشة ناكل بهدوء ندستني تبارك وهمست
:-خلي طرشي بحلكي بدون محد يشوف
5
..اخذت طرشية خليتها بحلكها بدون محد يشوف خلت ايدها ع حلكها وتاكل بهدوء حتى ما ينسمع صوتها لان اهلها ميقبلون تاكل اشياء حامضة
3
...رفع راسه الأشيب وكال
:-اريد اكللكم شي دام الكل موجودين
نسرين: كول يمه خير
الأشيب: راح اتزوج اني
119
...غصيت باللكمه وصرت اكح ضربت ورده ع ظهري بخفه ونطتني مي رفعت راسي ع الأشيب يباوعلي بنضرات خوف وقلق وندم وحيره كالت خالة نسرين
:-ومريتك يمه
3
الأشيب: بنتي هاي يمه كلكم تعرفون هل شي
15
...ضحكت ورجعت اكل وهمه نضراتهم عليه مستغربين كالت خالة سهاد
:-ومني هاي الي تريد تتزوجها
الأشيب: صديقة الي متعرفوها بس راح تتعرفون عليها
نسرين: وتدري بيك متزوج
...ضرب الطاوله بعصبية واردف بغضب
:-داكول بنتي يمة داتفهمون شحجي لو لاااااا
23
...كام من مكانه صعد لغرفته وعافنه بقت هدوء بس صوت انفاسنه ينسمع ناس تباوع ع ناس صفكت تبارك واردفت بفرحه
:-لاح يسيل عدنه علس واووووو
روار: راح يصير عزا خالو
21
نسرين: اسم الله شبيك مفاول
روار: مجذب اني
...بقيت ساكته واكل بهدوء لـما شبعت كمت غسلت وصعدت ع الأشيب فتحت الباب ودخلت بدون ما ادكها رفع راسه عليه ورجع دنك والجكارة بـ حلكه تقربت كعدت يمه واردفت بهدوء
:-لا دمر نفسك بسببي
الأشيب: كلت اريد اتزوج وين الدمار بابا
3
مورفو: يعني انت مجانت مشكلتك انو تتزوج وتكمل حياتك طبيعي جانت مشكلتك مورفو لان تعتبرها بنتك متكدر تكمل وياها مو
الأشيب: شدخل هل حجي هسه
مورفو: لا تتزوج عمو ترا مبتعده عنك اني حتى ترتاح ليش تضيع نفسك وتضلم شخص وياك وانت تعرف كلش زين ماراح تكدر ترتاح وياها وراح تبقى عائشة بعقلك
الأشيب: اريد اتزوج استقر يمكن هي راح تغير حياتي
مورفو: بس ماراح تتحمل من تسمعك تكللها بـ غير اسمها
الأشيب: تعرف وقابلة
مورفو: ليش هيج داتسوي فَدار شبيك
الأشيب: عوفيني وحدي مورفو
1
...بقيت ساكته واباوعله وهو يبعد نضراته عني طولت بنضراتي واردفت
:-طلكني لعد
9
..باوعلي بسرعه عاكد حاجبه وكال
:-ليش اطلكج؟! شعليها هاي بهاي؟! ليش تسوين هيج موفوووو
22
...ابتسمت وجاوبته ببرود
:-اني هم اريد اتزوج واستقر
21
...عاط بيه بعصبية
:-غيرة هي غيرة الأشيب يزوج لازم انتي هم
31
...هزيت راسي مبتسمه وجاوبتة
:-العين بالعين والسن بالسن والكسر بكسر

-يتبع....
________